ភ្ជាប់​ទៅ​គេហទំព័រ​ទាក់ទង

ព័ត៌មាន​អន្តរជាតិ​វីអូអេ​ ១១ ធ្នូ


ហ្វុងបាតុករ​ស្រែក​ពាក្យស្លោកនៅ Bolotnaya square នៃក្រុងមូស្កូ ថ្ងៃទី១០ ធ្នូ ២០១១។ ផ្ទាំង​បដា​នៅខាងក្រោយ​អានថា «ចុះចេញពីអំណាច ពូទីន!»។

រុស្ស៊ី៖ មនុស្ស​រាប់​ម៉ឺន​នាក់​បាន​ដើរ​ធ្វើ​បាតុកម្ម​នៅ​តាម​ដងផ្លូវ​ក្នុង​រដ្ឋធានីមូស្គូ និង​ទីក្រុង​ឯ​ទៀតៗ​នៅ​ទូទាំង​ប្រទេស​រុស្ស៊ីកាល​ពី​ថ្ងៃ​សៅរ៍​ដើម្បី​តវ៉ា​ប្រឆាំង​នឹង​ការបន្លំ​សន្លឹក​ឆ្នោត នៅ​ក្នុង​ការ​បោះឆ្នោត​សភា​ដែល​គណបក្ស​បង្រួប​បង្រួម​ប្រទេស​រុស្ស៊ី​របស់​លោក​នាយក​រដ្ឋមន្ត្រី​ វ៉្លាឌីម៊ែរ ភូទីន (Vladimir Putin) បាន​ទទួល​ជ័យជំនះ។

ន័រវេស៖ ប្រធានាធិបតី​លីប៊ី អ៊ីឡែន ជោនសាន់ សីរឡីវ (Ellen Johson Sirleaf) សកម្មជន​សន្តិភាព​លីប៊ី ឡីម៉ា បូវី (Leymah Gbowee) និង​អ្នកស្រី​ ថាវ៉ាកូល ខាមែន (Tawakkul Karman) នៃ​ប្រទេស​យេម៉ែន ដែល​បាន​ប្រយុទ្ធ​ប្រឆាំង​នឹង​អយុត្តិធ៌ម​ការ​សង្កត់​សង្កិន​និង​អំពើ​ហិង្សា​ផ្លូវភេទបាន​ទទួល​រង្វាន់​ណូប៊ែល​សន្តិភាព​ឆ្នាំ​២០១១​កាល​ពី​ថ្ងៃ​សៅរ៍​នៅ​ក្នុង​ពិធី​មួយ​ក្នុង​រដ្ឋធានី​អូស្លូ។

កុងហ្គោ៖ រដ្ឋាភិបាលកុងហ្គោ​បាន​ថ្កោល​ទោសលោក​ អ៊ីធីនណី ថស៊ីសិខេឌី នៅ​ក្រោយ​ពេល​លោក​ប្រកាស​ខ្លួន​ឯង​ជាប្រធានាធិបតី ​ដែល​ប្រឆាំង​នឹង​លទ្ធផល​នៃ​ការ​បោះឆ្នាត​ដែល​បង្ហាញ​ថា​ លោក ជូសកាប៊ីឡាជា​អ្នក​ឈ្នះ​នៅ​ក្នុង​ការ​បោះឆ្នោត​សប្តាហ៍​មុន។ សកម្មភាព​របស់​លោក​ អ៊ីធីនណី ថស៊ីសិខេឌី​ ត្រូវ​បាន​គេ​ចាត់​ទុក​ថា​ជា​ទង្វើ ​ដែល​គ្មាន​ការ​ទទួល​ខុស​ត្រូវ​ហើយ​បាន​រំលោភ​លើ​រដ្ឋធម្មនុញ្ញ។

ប៉ាគីស្ថាន៖ មេដឹកនាំ​តាលីបាន់​ប៉ាគីស្ថាន​ជាន់​ខ្ពស់​ម្នាក់​បាន​និយាយ​ថា​ក្រុម​ជន​សកម្មប្រយុទ្ធបាន​ចូល​ធ្វើ​កិច្ច​ចរចា​សន្តិភាព​ជាមួយ​រដ្ឋាភិបាល។

អាហ្វ្រិកខាងត្បូង៖ គេ​ឃើញ​មាន​ការ​ធ្វើការ​ហួស​ម៉ោងកាល​ពី​ថ្ងៃ​សៅរ៍​នៅ​ក្នុង​សន្និសីទមួយ​ស្តី​ពី​ធាតុ​អាកាស​នៅ​អាហ្វ្រ៊ិក​ខាង​ត្បូង ​ដោយ​ក្រុម​ប្រតិភូ​មក​ពី​ប្រទេស​ជិត​២០០​បាន​ខិត​ខំ​ព្យាយាម​ធ្វើឱ្យ​បាន​សម្រេច​កិច្ច​ព្រម​ព្រៀង​មួយ​ស្ពី​ការ​ប្រយុទ្ធ​ប្រឆាំង​នឹង​ធាតុអាកាស​សាកល​ក្តៅ​ជាង​មុន គឺ​ធ្វើ​ការ​ពិភាក្សាវាយ​តម្លៃសម្នើ​មួយ​ដែល​អំពាវនាវ​ឱ្យ​មាន​រយៈពេល​នៃការ​ប្តេជ្ញា​ទី​ពីរទៅលើ​ពិធីសារក្យូតុតាម​រយៈ «ផែនទី​បង្ហាញ​ផ្លូវ» របស់​សហភាព​អឺរ៉ុបដែល​មាន​រយៈពេល​យ៉ាង​តិច​ណាស់​៥​ឆ្នាំ​ ហើយ​និង​ត្រូវ​តែ​អនុវត្ត​មិន​ឱ្យ​ហូស​ពី​ឆ្នាំ​២០២០​។

XS
SM
MD
LG