រូបភាពជុំវិញពិភពលោកថ្ងៃទី ០៦ ខែ មិថុនា ឆ្នាំ ២០១៧ មានមកពីប្រទេសដូចជាកម្ពុជា ចិន ហ្វីលីពីន អង់គ្លេស បេឡារុស ជប៉ុន ឥណ្ឌា អូទ្រីស បារាំង និងសិង្ហបុរី។
រូបភាពជុំវិញពិភពលោក ០៦ មិថុនា ២០១៧
១
កុមារីអាយុប្រាំឆ្នាំសរសេរក្នុងសៀវភៅរបស់នាងនៅថ្នាក់រៀនបណ្តោះអាសន្នមួយក្នុងបឋមសិក្សា Pantar Central ក្នុងទីក្រុង Pantar ភាគខាងត្បូងកោះ Lanao del Norte នៃទីក្រុង Mindanao ប្រទេសហ្វីលីពីន។ សិស្សសាលា២៣៨នាក់រួមទាំងឪពុកម្តាយរបស់គេបានរត់គេចពីទីក្រុងMarawi ទៅទីក្រុង Pantar អស់ប្រាំបីម៉ោងដើម្បីគេចពីការប្រយុទ្ធគ្នារវាងទ័ពរដ្ឋាភិបាលនិងយុទ្ធជនឥស្លាម។
២
ស្រ្តីម្នាក់យំសោកនៅទីរំលឹកវិញ្ញានក្ខន្ធរបស់ជនរងគ្រោះក្នុងការវាយប្រហារកាលពីថ្ងៃសៅរ៍នៅស្ពានទីក្រុងឡុងដ៏។
៣
បុរសម្នាក់ជិះម៉ូតូឌុបស្រ្តីម្នាក់ជិះខាងក្រោយពីលើទំនិញក្នុងទីក្រុងភ្នំពេញ ប្រទេសកម្ពុជា។
៤
សត្វទីទុយញីត្រចៀកវែងបីក្បាលទំនៅលើមែកឈើអំឡុងពេលព្រះអាទិត្យរះនៅក្នុងសួនសត្វព្រៃក្បែរភូមិ Vygonoshchi ២៧០គីឡូម៉ែតភាគនិរតីនៃទីក្រុង Minsk ប្រទេសបេឡារុស។
៥
ប្រជាជនកំពុងមុជទឹកនៅអាងមួយក្បែរសារមន្ទីរ India Gate ក្នុងទីក្រុងញូដែលីប្រទេសឥណ្ឌា។
៦
អ្នកធ្វើការកំពុងរៀបចំឆាកសម្រាប់កម្មវិធី Life Ball លើកទី២៤ ក្នុងទីក្រុង Vienna ប្រទេសអូទ្រីស។
៧
កីឡាការនីនៃប្រទេសដាណឺម៉ាក Caroline Wozniacki កំពុងប្រកួតជាមួយកីឡាការនីប្រទេសឡេតូនី Jelena Ostapenko វគ្គពាក់កណ្តាលផ្តាច់ព្រាត់នៃការប្រកួតកីឡាវាយតេនីសបារាំងនៅពហុកីឡដ្ឋាន Roland Garros ក្នុងទីក្រុងប៉ារីស។
៨
ភ្ញៀវទេសចរឈរនៅខាងក្នុងការតម្លើងមួយរបស់សិល្បករជនជាតិជប៉ុន Yayoi Kusuma ឈ្មោះថា «ព្រលឹងរបស់ល្ពៅបានទៅដល់ឋានសួគ៌» ក្នុងវិចិត្រសាលជាតិសិង្ហបុរី។
៩
ក្មេងរើសសំរាមម្នាក់កំពុងរកសម្ភារៈអេដចាយនៅកន្លែងចោលសំរាមមួយនៅជាយក្រុង Gauhati រដ្ឋ Assam ប្រទេសឥណ្ឌា កាលពីថ្ងៃទី០៥ មិថុនា ២០១៧។
១០
ម្តាយម្នាក់កំពុងបួងសួងនៅខាងក្រៅសាលា Maotanchang Middle ទីក្រុង Luan ខេត្ត Anhui ប្រទេសចិន។