រូបភាពជុំវិញពិភពលោកថ្ងៃទី២៨ ខែមិថុនា ឆ្នាំ២០១៦ មកពីប្រទេសប៊ែលហ្ស៊ិក សហរដ្ឋអាមេរិក អ៊ីស្រាអែល កាណាដា ចិន អាល្លឺម៉ង់ ឥណ្ឌា អង់គ្លេស និងហូឡង់។
រូបភាពជុំវិញពិភពលោក ២៨ មិថុនា ២០១៦
១
លោក Nigel Farage (រូបឆ្វេង) មេដឹកនាំគណបក្សឯករាជ្យរបស់អង់គ្លេសនិយាយជាមួយលោក Jean-Claude Juncker ប្រធានគណៈកម្មការសហភាពអឺរ៉ុប មុនកិច្ចប្រជុំនៅទីស្នាក់ការកណ្តាលរបស់សហភាពអឺរ៉ុប ក្នុងក្រុងប្រ៊ុចសែល ប្រទេសប៊ែលហ្ស៊ិក។ លោក Juncker បានអំពាវនាវឲ្យលោកនាយករដ្ឋមន្រ្តី David Cameron ឲ្យពន្យល់បញ្ជាក់ឲ្យបានលឿន នៅពេលដែលចក្រភពអង់គ្លេសមានបំណងចាកចេញពីសហភាពអឺរ៉ុប ដោយលោកបាននិយាយថា នឹងមិនមានការចរចាលើចំណងទាក់ទងនាពេលអនាគត មុនពេលរដ្ឋាភិបាលក្រុងឡុងដ៍ដាក់ពាក្យសុំចាកចេញជាផ្លូវការនោះទេ។
២
ការធ្វើតេស្តម៉ាស៊ីនលើកទី២ និងលើកចុងក្រោយ សម្រាប់ឧបករណ៍បាញ់បង្ហោះទៅលើអាកាស ត្រូវបានគេប្រទះឃើញនៅមណ្ឌលធ្វើតេស្ត Orbital ATK Propulsion Systems នៅក្នុងក្រុង Promontory រដ្ឋ Utah។ ក្នុងការបង្ហោះប្រព័ន្ធ Space Launch System ឧបករណ៍បាញ់បង្ហោះនេះនឹងផ្តល់កម្លាំងលើស៧៥%ដែលត្រូវការដើម្បីគេចផុតពីទំនាញផែនដី ដែលនេះជាជំហានដំបូងរបស់ដំណើរទៅកាន់ភពព្រះអង្គាររបស់អង្គការណាសា។
៣
ជនជាតិប៉ាឡេស្ទីនដែលពាក់ស្រោមមុខសម្រាកនៅក្នុងរទេះរុញមុនពេលប៉ះទង្គិចជាមួយប៉ូលិសអ៊ីស្រាអែល ដែលបានផ្ទុះឡើងក្នុងខែបួសរ៉ាម៉ាឌន នៅបរិវេណភ្នំ Temple នៅក្នុងក្រុងហ្ស៊េរុយសាឡិម។
៤
ក្មេងប្រុសម្នាក់ពន្លត់អគ្គិភ័យនៅតំបន់ស្នាក់នៅក្នុងក្រុង Quezon ភាគខាងជើងនៃក្រុងម៉ានីល ប្រទេសហ្វីលីពីន។ មន្រ្តីពន្លត់អគ្គិភ័យបាននិយាយថា អគ្គិភ័យបានឆាបឆក់ផ្ទះ៣០០ខ្នង និងបណ្តាលឲ្យគ្រួសារ៦០០គ្រួសារបាត់បង់ជម្រក។
៥
ស្រ្តីឥណ្ឌាម្នាក់ពន្លាសរសៃតាំងហ៊ុន ដែលនឹងត្រូវប្រើសម្រាប់ធ្វើម្ហូបប្រពៃណីធ្វើដោយជនជាតិមូស្លីម ក្នុងខែបួសរ៉ាម៉ាឌន នៅរោងចក្រផលិតអាហារនៅក្នុងក្រុង Chennai។
៦
កីឡាករ Michael Phelps ហែលទឹកនៅក្នុងវគ្គប្រកួតដំបូងក្នុងចម្ងាយ២០០ម៉ែត្រ វិញ្ញាសាបុរស ក្នុងពេលហ្វឹកហាត់សម្រាប់ការប្រកួតហែលទឹកអូឡាំពិកអាមេរិក នៅក្នុងក្រុង Omaha រដ្ឋ Nebraska។
៧
សមាជិកនៃកងកិត្តិយសម្នាក់ត្រូវសហការីរបស់ខ្លួនជួយ នៅពេលដួលសន្លប់មុនពេលត្រួតពិនិត្យរបស់លោក Enrique Pena Nieto ប្រធានាធិបតីម៉ិកស៊ិក នៅបន្ទាយទាហាន Citadelle ក្នុងខេត្ត Quebec ប្រទេសកាណាដា កាលពីថ្ងៃទី២៧ ខែមិថុនា ឆ្នាំ២០១៦។
៨
បុរសម្នាក់រុញធុងឈើដែលមានកូនក្មេងនៅក្នុងនោះ នៅតំបន់លិចទឹកមួយនៅក្នុងក្រុង Duchang ខេត្ត Jiangxi ប្រទេសចិន កាលពីថ្ងៃទី២៧ ខែមិថុនា ឆ្នាំ២០១៦។
៩
កៅអីតាមឆ្នេរទទេចម្លែកៗ ត្រូវបានគេបញ្ឈរចោល ក្នុងរដូវក្តៅ នៅឆ្នេរសមុទ្រ Baltic ក្នុងក្រុង Sellin លើកោះ Ruegen ប្រទេសអាល្លឺម៉ង់។
១០
ក្មេងប្រុសម្នាក់លោតចូលក្នុងទឹកទន្លេកខ្វក់ Adi Ganga ដើម្បីប្រមូលកាក់ នៅជាប់ប្រាសាទ Kalighat នៅក្នុងក្រុង Calcutta ប្រទេសឥណ្ឌា។
១១
កីឡាការនី Serena Williams របស់អាមេរិកសប្បាយចិត្តនៅពេលទទួលបាន១ពិន្ទុលើកីឡាការនី Amara Safikovic របស់ប្រទេសស្វ៊ីស ក្នុងពេលប្រកួតជើងឯក Wimbledon Tennis សម្រាប់វិញ្ញាសានារី ក្នុងថ្ងៃទី២ នៅក្នុងក្រុងឡុងដ៍។
១២
សត្វហ្វូក (សត្វម្យ៉ាងស្រដៀងនឹងសត្វផ្សោត) ដែលមានអាយុ៥ថ្ងៃ ហែលទឹកនៅក្នុងសួនសត្វ Duisburg នៅក្នុងប្រទេសអាល្លឺម៉ង់។
១៣
អ្នកទេសចរណ៍ម្នាក់ថតរូបនៅខាងក្រៅផ្ទះក្រឡាប់ចាក់ Kuala Lumpur នៅអគារ Kuala Lumpur ក្នុងប្រទេសម៉ាឡេស៊ី។
១៤
អ្នកលេងសៀករបស់ក្រុមជម្រើសជាតិ Acrobatic Troupe របស់ចិន ចូលរួមក្នុងការសម្តែងនៅក្នុងកំពង់ផែ Scheveningen ក្នុងប្រទេសហូឡង់។