រូបភាពជុំវិញពិភពលោក ១៥ មិថុនា ២០២០ មកពីប្រទេសអាល្លឺម៉ង់ ឥណ្ឌូនេស៊ី រុស្ស៊ី អ៊ុយរូហ្គាយ សហរដ្ឋអាមេរិក អង់គ្លេស កូរ៉េខាងត្បូង និងតួកគី។
រូបភាពជុំវិញពិភពលោក ១៥ មិថុនា ២០២០
១
ពលរដ្ឋចូលរួមក្នុងចលនា All Black Lives Matter រៀបចំដោយក្រុមអ្នកស្រឡាញ់ភេទដូចគ្នា នៅតំបន់ Hollywood ក្រុង Los Angeles រដ្ឋ California កាលពីថ្ងៃទី១៤ ខែមិថុនា ឆ្នាំ២០២០។
២
អ្នកគាំទ្រអ្នកស្រឡាញ់ភេទដូចគ្នាគ្រវីទង់ជាតិ Pride នៅពីមុខតុលាការកំពូល បន្ទាប់ពីតុលាការសម្រេចថា ច្បាប់ការពារការរើសអើងនៅកន្លែងធ្វើការក៏មានរួមបញ្ចូលជម្រើសផ្លូវភេទផងដែរ នៅរដ្ឋធានីវ៉ាស៊ីនតោន។
៣
អតិថិជនសប្បាយរីករាយពេលត្រូវបានអនុញ្ញាតឲ្យចូលផ្សារ Selfridges ឡើងវិញនៅក្រុងឡុងដ៍។ ហាងលក់សំលៀកបំពាក់ របស់ក្មេងលេង និងទំនិញបន្ទាប់បន្សំបានបើកទ្វារឡើងវិញ បន្ទាប់ពីមានការរាតត្បាតជំងឺកូវីដ១៩។
៤
កូនសិស្សម្នាក់ចូលរៀនវិញនៅថ្ងៃដំបូង បន្ទាប់ពីសាលារៀនបានបិទទ្វារអស់រយៈពេលបីខែដើម្បីការពារការរាតត្បាតវីរុសកូរ៉ូណានៅក្រុងម៉ុងតេវីដេអូ ប្រទេសអ៊ុយរូហ្គាយ។
៥
ស្រ្តីម្នាក់ពាក់ម៉ាស់ឈរនៅលើជណ្តើរយន្តមួយដែលមានដាក់សញ្ញារក្សាគម្លាតអំឡុងពេលផ្សារទំនើប Pondok Indah បានបើកទ្វារឡើងវិញនៅក្រុងហ្សាកាតា ប្រទេសឥណ្ឌូណេស៊ី។
៦
ស្រ្តីម្នាក់រុញរទេះមួយអំឡុងពេលបាតុកម្មប្រឆាំងនឹងវិសមភាពពូជសាសន៍ និងការកោះហៅឲ្យមានដកកញ្ចប់លុយសម្រាប់ប៉ូលិសនៅក្រុង Seattle ក្នុងរដ្ឋវ៉ាស៊ីនតោន កាលពីថ្ងៃទី១៤ ខែមិថុនា ឆ្នាំ២០២០។
៧
បាតុករប៉ះទង្គិចគ្នាជាមួយនឹងប៉ូលិសអំឡុងពេលបាតុកម្ម «ក្បួនដង្ហែដើម្បីលទ្ធិប្រជាធិបតេយ្យ» រៀបចំដោយគណបក្ស Republican People's Party បន្ទាប់ពីសមាជិកគណបក្សប្រឆាំងបីនាក់ត្រូវបានដកអភ័យឯកសិទ្ធិ និងបញ្ជូនទៅពន្ធនាគារ នៅក្រុងអ៊ីស្តង់ប៊ូល ប្រទេសតួកគី។
៨
ផ្ទាំងបដាបង្ហាញពីចលនា Black Lives Matter នៅស្ថានទូតអាមេរិកនៅក្រុងសេអ៊ូល ប្រទេសកូរ៉េខាងត្បូង កាលពីថ្ងៃទី១៤ ខែមិថុនា ឆ្នាំ២០២០។
៩
សត្វចាបឲ្យចំណីកូននៅសំបុកមួយលើដើមប៉ោមនៅក្នុងភូមិ Podolye ចម្ងាយ ៧០ គីឡូម៉ែត្រពីក្រុង St. Petersburg ប្រទេសរុស្ស៊ី កាលពីថ្ងៃទី១៤ ខែមិថុនា ឆ្នាំ២០២០។
១០
បុរសម្នាក់រត់កាត់វាលផ្កាមួយនៅជាយក្រុង Frankfurt ប្រទេសអាល្លឺម៉ង់។