រូបភាពជុំវិញពិភពលោកថ្ងៃទី១២ ខែមិថុនា ឆ្នាំ២០១៦ មកពីប្រទេសស៊ីរី សហរដ្ឋអាមេរិក អង់គ្លេស អ៊ីស្រាអែល បង់ក្លាដែស អ៊ុយក្រែន បុរីវ៉ាទីកង់ អ៊ីរ៉ង់ ស្រីលង្កា អូទ្រីស រុស្ស៊ី និងបារាំង។
រូបភាពជុំវិញពិភពលោក ១២ មិថុនា ២០១៦
១
បុរសៗព្យាយាមពន្លត់អគ្គិភ័យនៅផ្សារមួយដែលទទួលរងការវាយប្រហារតាមអាកាសនៅក្នុងក្រុង Idlib ប្រទេសស៊ីរី កាលពីថ្ងៃទី១២ ខែមិថុនា ឆ្នាំ២០១៦។
២
មិត្តភ័ក្ត និងក្រុមគ្រួសារអោបគ្នាយំនៅខាងក្រៅប៉ុស្តិ៍ប៉ូលិស Orlando ក្នុងពេលស៊ើបអង្កេតនៃការបាញ់ប្រហារនៅក្នុងក្លឹបរាត្រី Pulse នៅក្នុងក្រុង Orlando រដ្ឋ Florida ទីដែលមនុស្សរហូតដល់៥០នាក់ត្រូវបានគេសម្លាប់ និងយ៉ាងហោចណាស់៥៣នាក់បានរងរបួសបន្ទាប់ពីការបាញ់ប្រហារកើតឡើង។
៣
ក្មេងប្រុសម្នាក់កាន់ម៉ីស៊ីលបាញ់ប្រឆាំងនឹងរថក្រោះរបស់រុស្ស៊ីនៅកន្លែងតាំងពិព័រណ៍សព្វាវុធក្នុងពិធីបុណ្យកីឡារបស់យោធា ដើម្បីប្រារព្ធថ្ងៃបុណ្យឯករាជ្យជាតិរបស់រុស្ស៊ី នៅក្នុងក្រុង St.Petersburg។
៤
ម្ចាស់ក្សត្រី Elizabeth និងព្រះអង្គម្ចាស់ Philip ព្រះអង្គម្ចាស់ William ព្រះអង្គម្ចាស់ Harry និងព្រះនាង Kate យាងកាត់ផ្សារទំនើប ក្នុងពិធីចម្រើនព្រះជន្ម៩០វស្សារបស់ម្ចាស់ក្សត្រីនៅក្នុងក្រុងឡុងដ៍។
៥
សមាជិកនៃសហគមន៍ Samaritan បុរាណកាន់គម្ពីរ Torah ក្នុងថ្ងៃ Shavuot នៅលើភ្នំ Gerizim នៅក្បែរក្រុង Nablus។
៦
កុមារ Imran អាយុ១១ឆ្នាំ ធ្វើការនៅរោងចក្រផលិតសម្ភារៈផ្ទះបាយនៅក្នុងក្រុងដាក្កា ប្រទេសបង់ក្លាដែស។
៧
សិល្បករម្នាក់សម្តែងក្នុងពិធីបុណ្យ Kyiv Fire Fest ប្រចាំឆ្នាំនៅក្នុងក្រុង Kyiv ប្រទេសអ៊ុយក្រែន កាលពីថ្ងៃទី១១ ខែមិថុនា ឆ្នាំ២០១៦។
៨
ក្មេងម្នាក់ថតរូបនៅពីមុខសម្តេចប៉ាប Francis ក្នុងទិវា Jubilee សម្រាប់មនុស្សមានជំងឺ និងអ្នកពិការភាពនៅក្នុងសាល Paul VI នៅបុរីវ៉ាទីកង់ កាលពីថ្ងៃទី១១ ខែមិថុនា ឆ្នាំ២០១៦។
៩
យន្តហោះ Solar Impulse 2 ហោះកាត់រូបសំណាកនៃសេរីភាព មុនពេលចុះចតនៅព្រលានយន្តហោះ JFK នៅក្នុងក្រុងញូវយ៉ក កាលពីថ្ងៃទី១១ ខែមិថុនា ឆ្នាំ២០១៦។
១០
ស្រ្តីអ៊ីរ៉ង់សូត្រគម្ពីរ Quran នៅក្នុងវិហារមួយនៅកន្លែងសក្ការៈ Shi'ite Saint Abdulazim ក្នុងថ្ងៃពិសិដ្ឋរបស់មូស្លីម ដើម្បីប្រារព្ធខែ Ramadan នៅក្នុងក្រុង Shahr-e-Ray។
១១
បុរសម្នាក់ត្រឡប់ខ្លួនចូលទៅក្នុងទឹកនៅឆ្នេរមួយនៅក្នុងក្រុងកូឡុំបូ ប្រទេសស្រីលង្កា។
១២
សមាជិករបស់ក្រុម Familia Gladiatoria Carnuntina ប្រកួតគ្នាក្នុងពិធីបុណ្យរ៉ូម៉ាំង នៅកន្លែងបុរាណមួយឈ្មោះថា Carnuntum នៅក្នុងប្រទេសអូទ្រីស កាលពីថ្ងៃទី១១ ខែមិថុនា ឆ្នាំ២០១៦។
១៣
ក្មេងស្រីម្នាក់មានសុទ្ធតែថ្នាំពណ៌នៅលើមុខ ក្នុងពិធីថ្នាំពណ៌ នៅក្នុងក្រុងមូស្គូ ប្រទេសរុស្ស៊ី។
១៤
មនុស្សម្នាជិះកង់ក្នុងពេលវគ្គទី៨ និងជាវគ្គផ្តាច់ព្រ័ត្រនៃការប្រកួតជិះកង់ Dauphine Criterium លើទី៦៨ នៅក្នុងប្រទេសបារាំង។