ភ្ជាប់​ទៅ​គេហទំព័រ​ទាក់ទង

ជប៉ុន​ប្រុង​ជើង​ការ​អតិបរិមា​ខណៈ​កំពុង​ដោះស្រាយ​វិបត្តិ​នុយក្លេអ៊ែរ


កុមារ​ទាំង​នេះ​​​ឈរ​មើល​ឪពុក​របស់​ខ្លួន​ដែល​កំពុង​ត្រូវ​គេ​​ឆ្លុះ​ពិនិត្យ​ (scan) រក​មើល​ជាតិ​វិទ្យុសកម្ម​នៅ​ខេត្ត​​ហ៊្វូគូស្ហ៊ីម៉ា ប្រទេស​ជប៉ុន​កាល​ពី​ថ្ងៃ​ទី​២៩​ខែ​មីនា​ឆ្នាំ​​២០១១។

នាយក​រដ្ឋមន្ដ្រី ​ណាអូតូ​ ខាន​ មាន​ប្រសាសន៍​ថា​ ប្រទេស​ជប៉ុន ស្ថិត​នៅ​ក្នុង​ភាពប្រុង​ប្រយ័ត្ន​ជា​អតិបរិមា​ ចំពោះ​វិបត្ដិ​នុយ​ក្លេអែរ​រ​ខណៈ​ដែល​ អ្នក​ធ្វើ​ការ​ក្នុង​រោង​ចក្រ​នុយក្លេអែរ​ ហ៊្វូគូស្ស៊ីម៉ា​ខិត​ខំ​បូម​ទឹក​មាន​វិទ្យុ​សកម្ម​ខ្ពស់ចេញ​ពី​អគារ​ ហើយអ្នក​ធ្វើ​ការ​ក្នុង​រោង​ចក្រ​ និយាយ​ថា​ សំណាក​សារធាតុអ៊ុយរ៉ាញ៉ូម​ បាន​ត្រូវ​រក​ឃើញ​ច្រើន​នៅ​ក្នុង​ដី​ជិត​ខាង។

លោក​ ខាន​ ថ្លែង​ថា​ ប្រទេស​ជាតិ​មិន​អាច​មាន​សុទិដ្ឋិ​និយម​បាន​ឡើយ​នៅ​ក្នុងស្ថានការណ៍​ដូច​សព្វ​ថ្ងៃ​នេះ ហើយ​រដ្ឋាភិបាល​នឹង​បន្ដ​ដោះ​ស្រាយ​បញ្ហា ដោយ​មាន​ការ​ប្រុង​ប្រយ័ត្ន​បំផុត។

ការ​រក​ឃើញ​សារធាតុ​ ព្លុយតូញ៉ូម ​ចំនួន​តិច​តួច​ បាន​បណ្ដាល​ឲ្យមាន​ការ​ព្រួយ​បារម្ភ​ជា​ថ្មីអំ​ពី​ការ​លេច​ចេញ​នូវ​វិទ្យុ​សកម្មពី​អគារ​រោង​ចក្រ​នុយក្លេអ៊ែរខូច​ខាត​ពី​ការ​រញ្ជួយ​ផែន​ដី​ និង​ មហា​រលក​ ស៊ូណាមី។ សារធាតុ​ព្លុយតូញ៉ូម បាន​ផ្ដល់​ភ័ស្ដុតាង​ថ្មី​អំពី​ការ​រលាយ​ដែក​ បំពុង​នុយក្លេអ៊ែរ នៅ​ក្នុង​ម៉ាស៊ិន​ រ៉េអាកទ័រ​មួយ ក្នុ​ង​ចំណោម​ម៉ាស៊ីន​ច្រើន ។ តែ គេ​មិន​រំពឹង​ថា ​កម្រិត​វិទ្យុ​សកម្ម​នោះ​នឹង​ធ្វើ​ឲ្យ​ខូច​សុខភាព​មនុស្ស​ទេ។

លោក​ ឡេក បាររ៉េត្ត (Lake ​Barrett) វិស្វករ​នុយក្លេអ៊ែរ​ អ្នក​ដឹក​នាំ​ការ​បោស​សម្អាត​កិច្ច​ប្រតិបត្ដិការ​ នៅ​ពេល​ក្រោយ​ពី​គ្រោះ​ថ្នាក់​នុយក្លេអ៊ែរនៃ​រោង​ចក្រ​អគ្គីសនីលើកោះ​ Three​ Mile​ Island​ នៅស.រ.អ.។ លោក បាររ៉េត្ត មាន​ប្រសាសន៍​ថា៖

«បើ​និយាយ​អំពី​សារធាតុព្លុយតូញ៉ូម​ ដែល​គេ​រំពឹង​ថា នឹង​មានគេ​ឃើញ​សារធាតុ​នោះ ​ចេញ​ពី​ការ​បាញ់​សាក​ល្បង​អាវុធ​ នៅ​ក្នុង​អាកាស​ធាតុដែល​ជាប់​នៅ​លើ​មេឃ​ជា​ច្រើន​ទសវត្សរ៌​មក​ហើយ។​ ហេតុ​ដូច្នេះ​ហើយ​ បើ​កាល​ណា​មាន​សារធាតុ​ អ៊ីសូតូប​ លេច​ចេញ​ពីរោង​ចក្រ​ខូច​ខាត សារធាតុ​ ​ព្លុយតូញ៉ូម​ ជា​រឿង​គេ​ព្រួយ​បារម្ភ​តិច​តួច»។

ការ​ព្រួយ​បារម្ភ​ ជា​បន្ទាន់ដល់ក្រុម​ហ៊ុន​ភ្លើង​ Tokyo​ Electric​ Power​ ​គឺទឹក​មាន​ជាតិ​ពុលដែល​ត្រូវ​បានរក​ឃើញ​នៅ​ជាន់​ខាង​ក្រោម​របស់​រោង​ចក្រ​ជាប់​នឹងផ្លូវរូង​ដី​ ដែល​នាំ​ទៅ​កាន់​ទឹក​សមុទ្រ។ ផ្លូវ​រូង​ដី​នោះ​មាន​ប្រវែង​តិច​ជាង​មូយ​រយ​ម៉ែត្រ​ទៅ​ដល់​ឆ្នេរ​សមុទ្រ​ ហើយ​កំពស់​ទឹក​ ឋឹត​នៅ​ជិត​មាត់​ផ្លូវ​រូង​ដី​នោះ។

ប្រែ​សម្រួល​ដោយ​ អ៊ូ​ ធួក

XS
SM
MD
LG