បទសម្ភាសន៍ VOA៖ ការផ្សះផ្សារវាងអតីតកម្មាភិបាលខ្មែរក្រហម និងជនរងគ្រោះនៃរបបខ្មែរក្រហម
សាស្ត្រាចារ្យខ្មែរម្នាក់ ដែលបង្រៀននៅមហាវិទ្យាល័យអាមេរិកាំងមួយបានលើកឡើងថា ជនរងគ្រោះនៃរបបខ្មែរក្រហមអាចប្រែក្លាយខ្លួនរបស់ពួកគេឲ្យទៅជាអ្នកបង្កើតការផ្សះផ្សាជាមួយអតីតកម្មាភិបាលខ្មែរក្រហមបាន តាមរយៈការអូសទាញអតីតកម្មាភិបាលខ្មែរក្រហមទាំងនោះ ឲ្យចូលរួមនៅក្នុងសកម្មភាពជួយសង្គម និងវប្បធម៌វិញ។ លោក ផាត់ កុសល សាស្ត្រាចារ្យផ្នែកវិទ្យាសាស្ត្រនយោបាយ និងទំនាក់ទំនងអន្តរជាតិនៅមហាវិទ្យាល័យ Brooklyn College ក្នុងទីក្រុងញូវយ៉ក បានថ្លែងយ៉ាងដូច្នេះ នៅក្នុងបទសម្ភាសន៍មួយជាមួយ VOA។ សូមលោកអ្នកស្តាប់បទសម្ភាសន៍នេះដូចតទៅ។
