ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ប្រទេស​ឥណ្ឌូណេស៊ី​រុះរើ​គណៈរដ្ឋមន្ត្រី និង​តែង​តាំង​រដ្ឋមន្ត្រី​ក្រសួង​ពាណិជ្ជកម្ម​ថ្មី


រូបឯកសារ៖ រូបថតដែលចេញផ្សាយដោយការិយាល័យប្រធានាធិបតីឥណ្ឌូណេស៊ី នាថ្ងៃទី ២៩ ខែមេសា ឆ្នាំ ២០២២ បង្ហាញឲ្យឃើញលោក Joko Widodo ប្រធានាធិបតីឥណ្ឌូណេស៊ី ថ្លែងសុន្ទរកថាអំពីស្ថានភាពនយោបាយក្នុងប្រទេស នៅវិមានរដ្ឋាភិបាលក្នុងទីក្រុង Bogor ជាទីដែលលោកបានអញ្ជើញប្រធានាធិបតីអ៊ុយក្រែនលោក។
រូបឯកសារ៖ រូបថតដែលចេញផ្សាយដោយការិយាល័យប្រធានាធិបតីឥណ្ឌូណេស៊ី នាថ្ងៃទី ២៩ ខែមេសា ឆ្នាំ ២០២២ បង្ហាញឲ្យឃើញលោក Joko Widodo ប្រធានាធិបតីឥណ្ឌូណេស៊ី ថ្លែងសុន្ទរកថាអំពីស្ថានភាពនយោបាយក្នុងប្រទេស នៅវិមានរដ្ឋាភិបាលក្នុងទីក្រុង Bogor ជាទីដែលលោកបានអញ្ជើញប្រធានាធិបតីអ៊ុយក្រែនលោក។

ប្រធានាធិបតី​ឥណ្ឌូណេស៊ី​លោក​ Joko Widodo បាន​ប្រកាស​សើរើ​គណៈរដ្ឋមន្ត្រី​របស់​លោកនៅ​ថ្ងៃពុធ​នេះ​ ដោយ​បាន​តែងតាំង​រដ្ឋមន្រ្តី​ក្រសួង​ពាណិជ្ជកម្ម​ថ្មី​ បន្ទាប់ពីមាន​បញ្ហា​ចម្រូង​ចម្រាស​ទៅលើ​គោលនយោបាយ​មិន​ច្បាស់​លាស់​មួយ​ចំ​នួន ស្តី​ពី​ការ​នាំ​ចេញ​ប្រេង​ដូង​ក្នុង​ពេល​កន្លង​ទៅ។ នេះ​បើ​យោង​តាម​សេចក្ដីរាយការណ៍​របស់​ទីភ្នាក់ងារ​ព័ត៌មាន Reuters។

នៅ​ក្នុង​ពិធី​ផ្លូវ​ការ​មួយនៅ​វិមាន​រដ្ឋ លោក​ប្រធានាធិបតី Widodo បាន​សម្ពោធ​ការ​ចូលកាន់​តំណែង​របស់​លោក​ Zukifli Hasan ដែល​ជា​ប្រធាន​គណបក្សអំណាច​ជាតិ (National Mandate Party) និង​ជា​អតីត​រដ្ឋមន្ត្រី​ក្រសួង​កសិកម្ម​ ឱ្យ​ធ្វើ​ជា​រដ្ឋមន្ត្រី​ថ្មី​នៃ​ក្រសួង​ពាណិជ្ជកម្ម​ ​ក្នុង​ចំណោម​ការ​ផ្លាស់ប្តូរ​មួយ​ចំនួន​ទៀត។

ការ​ហាមប្រាម​ការ​នាំចេញ​នូវ​ដូង​ប្រេង​ឥណ្ឌូណេស៊ី​ដែល​មាន​រយៈពេល​៣​សប្តាហ៍​ ហើយ​ដែល​ត្រូវ​បាន​លុបចោល​វិញ​កាល​ពី​ថ្ងៃ​ទី​២៣​ ខែ​ឧសភា​នោះ​ ​បានបង្កើត​ឱ្យ​មាន​ក្តី​បារម្ភ​នៅ​លើ​ទី​ផ្សារ​ពិភពលោក ហើយ​បាន​នាំ​ទៅ​ដល់​ការ​ចាប់​ខ្លួនមនុស្ស​មួយ​ចំនួន​ ​ដែល​ពាក់ព័ន្ធ​នឹង​អំពើ​ពុករលួយ​ ក្រោយ​ពីមាន​ការ​ស៊ើប​អង្កេត​មួយ​ដោយ​អគ្គ​រដ្ឋអាជ្ញា​រួច​មក។

លោក​ប្រធានាធិបតី Widodo កំពុង​កាន់​តំណែង​ក្នុង​អាណត្តិទី២​របស់​លោក។ លោក​ក៏​បាន​ប្រកាស​ការ​ផ្លាស់​ប្តូរ​មួយ​ចំនួន​នៅ​ក្នុង​ក្រសួង​រៀបចំ​ដែនដីផង​ដែរ​ ដោយ​លោក​បាន​តែង​តាំង​អតីត​មេបញ្ជាការ​កងទ័ព​លោក​ Hadi Tjahjanto ឱ្យ​កាន់​តំណែង​នេះ៕

XS
SM
MD
LG