ក្រុមរដ្ឋអាជ្ញាបញ្ចប់ការការពារសំណុំរឿងប្តឹងប្រឆាំងលោក Trump
កាលពីថ្ងៃព្រហស្បតិ៍ ក្រុមរដ្ឋអាជ្ញាបានបញ្ចប់ការការពារសំណុំរឿងក្តីរបស់ពួកគេ ប្រឆាំងនឹងលោក Donald Trump ដោយលើកឡើងថា អតីតប្រធានាធិបតីអាមេរិក លោក Donald Trump ត្រូវទទួលខុសត្រូវដោយផ្ទាល់ ចំពោះការប៉ុនប៉ងបដិសេធការរាប់សំឡេងឆ្នោតរបស់អង្គបោះឆ្នោតដើម្បីទទួលស្គាល់ជ័យជម្នះរបស់លោកប្រធានាធិបតី Joe Biden។ អ្នកឆ្លើយឆ្លងព័ត៌មានរបស់ VOA ប្រចាំរដ្ឋសភា អ្នកស្រី Katherine Gypson រាយការណ៍អំពីសំណុំរឿងរបស់គណបក្សប្រជាធិបតេយ្យនៅក្នុងការជំនុំជម្រះក្តីជាប្រវត្តិសាស្ត្រនេះ។ លោក ចាប ចិត្រា ជូនសេចក្តីប្រែសម្រួល។
