Hello VOA សុខភាព៖ ក្រពេញទីរ៉ូអ៊ីតមានឥទ្ធិពលទៅលើគ្រប់សរីរាង្គកាយ
ថ្វីត្បិតតែក្រពេញទីរ៉ូអ៊ីតមានទំហំតូចក៏ពិតមែន ប៉ុន្តែក្រពេញមួយនេះមានឥទ្ធិពលយ៉ាងខ្លាំងទៅលើគ្រប់សរីរាង្គកាយរបស់យើង។ នេះបើតាមលោក សៀង សេង វេជ្ជបណ្ឌិតខ្មែរចូលនិវត្តន៍នៅរដ្ឋ California ដែលបានបញ្ជាក់នៅក្នុងកម្មវិធី Hello VOA សុខភាពសម្រាប់ខែមិថុនា។ លោកវេជ្ជបណ្ឌិតបានមានប្រសាសន៍ទៀតថា កាលណាក្រពេញនេះដំណើរការមិនបានល្អ នោះវានឹងបង្កឱ្យមានជំងឺនិងគុណវិបត្តិជាច្រើន៕ (អ្នកស្រី ហុង ចិន្ដា, Hello VOA សុខភាព, វ៉ាស៊ីនតោន, ថ្ងៃទី១៥ ខែមិថុនា ឆ្នាំ២០២៣)