Hello VOA៖ ការជួញដូរមនុស្សនៅកម្ពុជាអាក្រក់ជាងមុនក្នុងអំឡុងពេលជំងឺរាតត្បាត
ស្ថានភាពជួញដូរមនុស្សនៅកម្ពុជាក្នុងឆ្នាំកន្លងមកកាន់តែអាក្រក់ជាងមុនក្នុងពេលដែលជំងឺកូវីដ១៩ បានរាតត្បាតនៅទូទាំងពិភពលោក។ រដ្ឋាភិបាលកម្ពុជាបានទទួលស្គាល់ថា ការជួញដូរមនុស្សកើនឡើងចំនួន៦០% ក្នុងរយៈពេល៣ខែដើមឆ្នាំ២០២១នេះ។ អំពើពុករលួយនិងកង្វះឆន្ទៈនយោបាយនៅតែជាបញ្ហារារាំងការអនុវត្តច្បាប់ដើម្បីដាក់ទោសជនល្មើសនិងការពារជនរងគ្រោះ។ អ្នកស្រី មូរ សុខហួរ អនុប្រធានគណបក្សសង្គ្រោះជាតិបានពិភាក្សាជាមួយនឹងលោក ម៉ែន គឹមសេងនៃវីអូអេអំពីរឿងនេះ៕