ភ្ជាប់​ទៅ​គេហទំព័រ​ទាក់ទង

ជន​បរទេស​ត្រូវ​បាន​ជម្លៀស​ចេញ​ពី​អេហ្ស៊ីប


បុគ្គលិក​ស្ថានទូត​អាមេរិក​នៅ​ប្រទេស​អេហ្ស៊ីប​ លើកដាក់​វ៉ាលិស​​ឲ្យ​ឆ្លងកាត់ម៉ាស៊ីន ​X-ray នៅ​អាកាស​យាន្តដ្ឋាន​មួយ ក្នុង​ប្រទេសអេហ្ស៊ីប មុន​ពេល​ធ្វើ​ដំណើរ​ទៅ​សហរដ្ឋអាមេរិក។

ទីក្រុង​ឡុងដ៍​៖ ប្រទេសក្រៅកំពុង​តែ​ធ្វើ​ការ​យ៉ាង​ខ្លាំង​ក្លា​ដើម្បី​នាំ​យក​ពលរដ្ឋ​របស់​ខ្លួន​ចេញពី​ប្រទេស​ (Egypt)​ អេហ្ស៊ីប​ នៅ​ពេល​ដែលក្រុម​អ្នក​តវ៉ា​ប្រឆាំង​រដ្ឋា​ភិ​បាល​សម្ដែង​កំហឹង​យ៉ាង​ខ្លាំង​ក្លា។

ក្រសួង​ការ​បរទេស​សរអា​ឲ្យ​ដឹង​ថា​ ខ្លួន​បាន​ដឹកជញ្ជូន​ពលរដ្ឋ​អាមេរិក​ជាង​១,០០០​នាក់​តាម​យន្ដ​ហោះ​ ចេញ​ពី​ប្រទេស​អេហ្ស៊ីប ហើយ​មាន​ផែនការជម្លៀស​ ពលរដ្ឋ​អាមេរិកជាង​១,០០០​នាក់ទៀត​ ក្នុង​រយ:​ពេល​ប៉ុន្មាន​ថ្ងៃ​ខាង​មុខ​នេះ។ យន្ដហោះ​ទាំង​នោះ​បាន​ដាក់​អ្នកត្រូវ​បាន​ជម្លៀស​ទាំង​នោះ​នៅ​ប្រទេស សៃព្រិស តួគី និង ក្រិក។

នៅ​យប់​ថ្ងៃ​ច័ន្ទ​ជន​ជាតិ​អាមេរិក​មួយ​ក្រុម​ត្រូវ​បាន​ចុះចត​នៅ​ទី​ក្រុង​អ៊ីស្តានប៊ុល (Istanbul) នៃ​ប្រទេសតួគី​ ដែល​នៅ​ទី​នោះ​ពួក​គេ​ត្រូវ​បាន​ក្រុម​មន្ដ្រី​នៃ​ស្ថាន​ទូត​សរអា​ចូល​ជួប។

នៅ​ចំណត​យន្ដ​ហោះ អ្នក​ត្រូវ​បាន​ជម្លៀស​ម្នាក់ គឺនាង​ ថេយល័រ ស្វីហ្វត៍ (Taylor Swift)​ និយាយជា​មួយ​អ្នក​យក​ព័ត៌មានថា៖

«ខ្ញុំ​គ្រាន់​តែ​ដឹង​ថា ស្ថាន​ទូត​គិត​ថា ពួក​យើង​ស្ថិត​នៅ​ក្នុង​ភាព​គ្រោះ​ថ្នាក់។​ហេតុ​ដូច្នេះ​ហើយ អស់​លោក​ចង់​ជម្លៀស​ពួក​យើង​ ដើម្បី​ឲ្យ​ពួក​យើង​មាន​សុវត្ដិភាព​ច្រើន​ថែម​ទៀត»។

អ្នក​ដំណើរ​ដទៃ​ៗ​ទៀត​ពិពណ៌នា​ស្នូរ​កាំភ្លើង​ឥត​ឈប់​ឈរ​នៅ​ទី​ក្រុងឡឺគែរ​ រដ្ឋធានី​នៃ​ប្រទេស​ អេហ្ស៊ីប។ តទៅ​នេះ​គឺលោក​ អេរិក ទ្រែហ្គ័រ (Eric Tragor)​ ដែល​ជា​អ្នក​ដំណើរ​ម្នាក់។ លោក​និយាយ​ថា៖

«យុវជន​អាយុ​១៦​ និង​១៨​ឆ្នាំ​កាន់​កាំភ្លើង​ និង​ដាវ​ ដែល​យាម​សង្កាត់​របស់​យើង​ គឺឃ្លាំ​មើល​សង្កាត់ដែល​ខ្ញុំ​គិត​ថា​ វា​គួរ​ឲ្យ​ចង់​សើច​ណាស់​ ដែល​ជា​ឃ្លា​មួយ​ដែល​គួរ​ឲ្យ​អស់​សំណើច​ណាស់​សម្រាប់​ក្មេងៗ​ដែល​កាន់​ដាវ»។

ការ​ជំទាស់​រដ្ឋាភិបាល​ធ្វើ​ឲ្យ​ប្រទេស​អេហ្ស៊ីប​រង្គោះ​រង្គើ​ ក្នុង​រយ:ពេល​ជាង​មួយ​អាទិត្យ​មក​ហើយ។ ជន​ជាតិ​អេហ្ស៊ីបភាគ​ច្រើន​ដែល​ធ្វើ​ការ​ប្រមូល​ផ្ដុំ​និយាយ​ថា​ ពួក​គេ​ចង់​ដេញ​លោក​ប្រធានាធិបតី​ ហូស្នី មូបារ៉ាក (Hosni Mubarak)​ដែល​កាន់​តំណែង​ជា​យូរមក​ហើយ​ ឲ្យ​ចេញ​ពី​តំណែង។

សរអា​មិន​មែន​ជា​ប្រទេស​តែ​មួយ​គត់ដែល​ដឹកជញ្ជូន​ពល​រដ្ឋ​របស់​ខ្លួន​ចេញ​ពី​អេហ្ស៊ីប​ទេ។ ប្រទេស​ចិន​ និង​ប្រទេស​អ៊ីរ៉ាក​ រួមទាំង​ប្រទេស​ កាណាដា ឥណ្ឌា អ៊ីស្រាអែល និង ឥណ្ឌូនេស៊ី ក៏ធ្វើដូច្នោះដែរ។ ក៏​ប៉ុន្ដែ​មាន​ប្រទេស​ខ្លះ​ ដូច​ជា​ ប្រទេស​ក្នុង​ទ្វីប​ គឺ អង់គ្លេស អាល្លឺម៉ង់ និង​បារាំង​ ឲ្យ​ដឹង​ថា​ ឥឡូវ​នេះ​ទំនង​ដូច​ជា​ពួក​គេ​គ្មាន​ផែនការ​ជម្លៀស​ពលរដ្ឋ​របស់​គេ​ទេ៕

ប្រែ​សម្រូល​ដោយ​ កង ស៊ីវន

XS
SM
MD
LG