ខ្សែភាពយន្តហូលីវូដជាភាសាខ្មែររឿង «មុនដំបូងខ្មែរក្រហមសម្លាប់ប៉ារបស់ខ្ញុំ»(First They Killed My Father) ដែលដឹកនាំថតដោយតារាហូលីវូដលោកស្រី Angelina Jolie ត្រូវបានសម្ពោធបញ្ចាំងជាលក្ខណៈអន្តរជាតិជាលើកដំបូងយ៉ាងអធិកអធមនៅព្រះលានជល់ដំរីក្នុងឧទ្យានអង្គរ ខេត្តសៀមរាប កាលពីយប់ថ្ងៃសៅរ៍ ទី១៨ ខែកុម្ភៈ ឆ្នាំ២០១៧ កន្លងទៅនេះ។ នៅមុនការបញ្ចាំងខ្សែភាពយន្តផលិតដោយក្រុមហ៊ុនភាពយន្តអនឡាញ Netflix នេះ លោកស្រី Jolie និងសហការីក្រុមថត ក៏បានធ្វើសន្និសីទព័ត៌មានមួយ និងបានផ្តល់បទសម្ភាសន៍ពិសេសដល់ក្រុមផ្សាយ VOA ផងដែរ។ តទៅនេះជាកម្រងរូបភាពនៃទិដ្ឋភាពនានាក្នុងថ្ងៃនោះ ដោយមានរូបភាពនៅកន្លែងបញ្ចាំងខ្សែភាពយន្តនៅកណ្តាលព្រះវាលជល់ដំរី ផ្តល់ដោយក្រុមហ៊ុន Netflix ដោយក្រុមអ្នកសារព័ត៌មានត្រូវបានគេហាមឃាត់មិនឲ្យថតនៅទីនោះ។ (VOA/Netflix)
កម្រងរូបភាព៖ ទិដ្ឋភាពថ្ងៃសម្ភោធខ្សែភាពយន្ត«មុនដំបូងខ្មែរក្រហមសម្លាប់ប៉ារបស់ខ្ញុំ»
- VOA Khmer
១
តារានិងជាអ្នកដឹកនាំរឿងហូលីវូដ ដ៏ល្បីល្បាញ លោកស្រី Angelina Jolie អង្គុយក្នុង វេទិកាសន្និសីទសារព័ត៌មានស្តីពីការដាក់បញ្ចាំងខ្សែភាពយន្តរឿង «មុនដំបូងខ្មែរក្រហមសម្លាប់ប៉ារបស់ខ្ញុំ» នាខេត្តសៀមរាបក្នុងថ្ងៃទី ១៨ ខែ កុម្ភៈឆ្នាំ ២០១៧។ (នៅ វណ្ណារិន/VOA)
២
តារានិងអ្នកដឹកនាំរឿងហូលីវូដ ដ៏ល្បីល្បាញ លោកស្រី Angelina Jolie អង្គុយក្នុងវេទិការសន្និសីទសារព័ត៌មានស្តីពីការដាក់បញ្ចាំងខ្សែភាពយន្តរឿង «មុនដំបូងខ្មែរក្រហមសម្លាប់ប៉ារបស់ខ្ញុំ»នាខេត្តសៀមរាបក្នុងថ្ងៃទី ១៨ខែកុម្ភៈឆ្នាំ២០១៧។ (នៅ វណ្ណារិន/VOA Khmer)
៣
អ្នកស្រី Loung Ung អ្នកនិពន្ធនៃខ្សែភាពយន្ត «មុនដំបូងខ្មែរក្រហមសម្លាប់ប៉ារបស់ខ្ញុំ» អង្គុយនៅក្នុងវេទិកាសន្និសីទសារព័ត៌មានស្តីពីការដាក់បញ្ចាំងខ្សែភាពយន្តរឿង «មុនដំបូងខ្មែរក្រហមសម្លាប់ប៉ារបស់ខ្ញុំ» នាខេត្តសៀមរាបក្នុងថ្ងៃទី ១៨ខែកុម្ភៈឆ្នាំ២០១៧។ (នៅ វណ្ណារិន/VOA)
៤
លោក ប៉ាន់ រិទ្ធី អ្នកផលិតខ្សែភាពយន្ត «មុនដំបូងខ្មែរក្រហមសម្លាប់ប៉ារបស់ខ្ញុំ» ចូលរួមក្នុងសន្និសីទសារព័តមានកាលពីថ្ងៃទី១៨ កុម្ភៈ ២០១៧ ខេត្តសៀមរាម ប្រទេសកម្ពុជា។(នៅ វណ្ណារិន/VOA)
៥
តារានិងអ្នកដឹកនាំរឿងហូលីវូដ ដ៏ល្បីល្បាញ លោកស្រី Angelina Jolie និយាយជាមួយកុមារីកម្ពុជាដែលបានសម្តែងនៅក្នុងខ្សែភាពយន្តរឿង «មុនដំបូងខ្មែរក្រហមសម្លាប់ប៉ារបស់ខ្ញុំ» នៅក្នុងវេទិកាសន្និសីទសារព័ត៌មាននាខេត្តសៀមរាបក្នុងថ្ងៃទី ១៨ខែកុម្ភៈឆ្នាំ២០១៧។(នៅ វណ្ណារិន/VOA)
៦
តារាសំដែងស្រីនិងអ្នកផលិតភាពយន្តអ្នកស្រី Angelina Jolie រួមទាំងតួសម្តែងក្មេងៗពីរនាក់និងអ្នកស្រី Loung Ung នៅក្នុងសន្និសីទសារព័ត៌មាន សម្ភោធខ្សែភាពយន្ត «មុនដំបូងខ្មែរក្រហមសម្លាប់ប៉ារបស់ខ្ញុំ» កាលពីថ្ងៃទី១៨ កុម្ភៈ ២០១៧ នៅខេត្តសៀមរាប ប្រទេសកម្ពុជា។ (កាន់ វិច្ឆិកា/VOA)
៧
លោកស្រី Elizabeth Becker អ្នកកាសែតអាមេរិកដ៏ល្បីមួយរូបនិងជាអ្នកនិពន្ធ (រូបកណ្តាល) និង លោកJohn Swain (រូបខាងឆ្វេង) អ្នកកាសែតជនជាតិអង់គ្លេសឈរនិយាយជាមួយអ្នកសារព័ត៌មានមុនពេលសន្និសីទសារព័ត៌ មានស្តីពីការដាក់បញ្ចាំងខ្សែភាពយន្តរឿង «មុនដំបូងខ្មែរក្រហមសម្លាប់ប៉ារបស់ខ្ញុំ»នាខេត្តសៀមរាបក្នុងថ្ងៃទី១៨ខែកុម្ភៈឆ្នាំ២០១៧។(នៅ វណ្ណារិន/VOA)
៨
លោក John Swain (រូបខាងឆ្វេង) អ្នកកាសែតជនជាតិអង់គ្លេសដ៏ល្បីក្នុងសម័យលន់ ណុលនិងជាអ្នកតួអង្គសំខាន់ក្នុងរឿង«វាលពិឃាត»ឈរនិយាយជាមួយអ្នកសារព័ត៌មានមុនពេលសន្និសីទសារព័ត៌ មានស្តីពីការដាក់បញ្ចាំងខ្សែភាពយន្តរឿង «មុនដំបូងខ្មែរក្រហមសម្លាប់ប៉ារបស់ខ្ញុំ»នាខេត្តសៀមរាបក្នុងថ្ងៃទី១៨ខែកុម្ភៈឆ្នាំ២០១៧។(នៅ វណ្ណារិន/VOA)
៩
អ្នកស្រី Angelina Jolie និងអ្នកស្រី Loung Ung អ្នកនិពន្ធរឿង «មុនដំបូងខ្មែរក្រហមសម្លាប់ប៉ារបស់ខ្ញុំ» កំពុងធ្វើការសម្ភាសន៏ជាមួយ លោក សឹង សុផាត នៃ VOA កាលពីថ្ងៃទី១៨ កុម្ភៈ ២០១៧ នៅខេត្តសៀមរាប ប្រទេសកម្ពុជា។(នៅ វណ្ណារិន/VOA)
១០
តារានិងជាអ្នកដឹកនាំរឿងហូលីវូដ ដ៏ល្បីល្បាញ លោកស្រី Angelina Jolie (ឆ្វេង) និងលោកស្រី អ៊ឹង លឿង អ្នកនិពន្ធសៀវភៅ «មុនដំបូងខ្មែរក្រហមសម្លាប់ប៉ារបស់ខ្ញុំ» ផ្តល់កិច្ចសម្ភាសផ្តាច់មុខដល់ VOA បន្ទាប់ពីសន្និសីទសារព័ត៌មានស្តីពីការដាក់បញ្ចាំងខ្សែភាពយន្តរឿង «មុនដំបូងខ្មែរក្រហមសម្លាប់ប៉ារបស់ខ្ញុំ» នៅខេត្តសៀមរាបក្នុងថ្ងៃទី ១៨ ខែ កុម្ភៈ ឆ្នាំ២០១៧។ (នៅ វណ្ណារិន/VOA)
១១
លោក Jonathan Friedland នាយកផ្នែកទំនាក់ទំនងរបស់បុស្តិ៍ទូរទស្សន៍ Netflix កំពុងផ្តល់បទសម្ភាសន៍ជាមួយលោក សឹង សុផាត (កណ្តាល) និងលោកនៅ វណ្ណារិននៃ VOA បន្ទាប់ពីសន្និសីទកាសែតសម្ភោធខ្សែភាពយន្ត «មុនដំបូងខ្មែរក្រហមសម្លាប់ប៉ារបស់ខ្ញុំ» កាលពីថ្ងៃទី១៨ កុម្ភៈ ២០១៧ នៅខេត្តសៀមរាប ប្រទេសកម្ពុជា។(កាន់ វិច្ឆិកា/VOA)
១២
លោក Jonathan Friedland នាយកផ្នែកទំនាក់ទំនងរបស់បុស្តិ៍ទូរទស្សន៍ Netflix កំពុងផ្តល់បទសម្ភាសន៍ជាមួយ VOA បន្ទាប់ពីសន្និសីទកាសែតសម្ភោធខ្សែភាពយន្ត «មុនដំបូងខ្មែរក្រហមសម្លាប់ប៉ារបស់ខ្ញុំ» កាលពីថ្ងៃទី១៨ កុម្ភៈ ២០១៧ នៅខេត្តសៀមរាប ប្រទេសកម្ពុជា។(នៅ វណ្ណារិន/VOA)
១៣
លោកស្រី Angelina Jolie រួមជាមួយនឹងកូនៗរបស់អ្នកស្រីបានមកដល់ក្នុងការចាក់បញ្ចាំងខ្សែភាពយន្ត ««មុនដំបូងខ្មែរក្រហមសម្លាប់ប៉ារបស់ខ្ញុំ» នាខេត្តសៀមរាបក្នុងថ្ងៃទី ១៨ ខែកុម្ភៈឆ្នាំ២០១៧។(Amanda Boury/Netflix)
១៤
លោកស្រី Angelina Jolie ទទួលស្វាគមន៍ព្រះករុណា ព្រះបាទ សម្តេចព្រះនរោត្តម សីហមុនី និងសម្តេចព្រះមហាក្សត្រី ព្រះវររាជមាតាជាតិខ្មែរ នរោត្តម មុនីនាថ សីហនុ សម្តេចព្រះវររាជមាតា នរោត្តម មុន្នីនាថសីហនុ ក្នុងការសម្ភោធខ្សែភាពយន្តរឿង «មុនដំបូងខ្មែរក្រហមសម្លាប់ប៉ារបស់ខ្ញុំ»នាខេត្តសៀមរាបក្នុងថ្ងៃទី ១៨ ខែ កុម្ភៈឆ្នាំ ២០១៧។ (Amanda Boury/Netflix)
១៥
រូបភាពព្រះអាទិត្យរះ នៅលើកំពូលប្រាសាទអង្គរវត្ត កាលពីព្រឹកថ្ងៃទី១៧ កុម្ភៈ ២០១៧ នៅក្នុងខេត្តសៀមរាម ប្រទេសកម្ពុជា មួយថ្ងៃមុនការដាក់បញ្ជាំងខ្សែភាពយន្ត «មុនដំបូងខ្មែរក្រហមសម្លាប់ប៉ារបស់ខ្ញុំ»។ (នៅ វណ្ណារិន/VOA Khmer)