រដ្ឋសភាជាតិកម្ពុជានៅព្រឹកថ្ងៃពុធនេះ បានបើកសម័យប្រជុំលើកទី១ នីតិកាលទី៦ ក្រោមអធិបតីព្រះមហាក្សត្រព្រះបាទ នរោត្តម សីហមុនី។ សម័យប្រជុំលើកដំបូងរបស់រដ្ឋសភាដែលមានអាសនៈ១២៥នេះ មានតែក្រុមតំណាងរាស្រ្តរបស់គណបក្សប្រជាជនកម្ពុជាតែមួយប៉ុណ្ណោះ ហើយតំណាង អង្គទូតប្រទេសកាន់លទ្ធិប្រជាធិបតេយ្យធំៗចំនួន៩ ដែលមាន ដូចជា សហរដ្ឋអាមេរិក សហភាពអឺរ៉ុប អូស្រ្តាលី អាល្លឺម៉ង់ កាណាដា អង់គ្លេស បារាំង ស៊ុយអ៊ែត និងប៊ុលហ្គារី មិនបានចូលរួមកិច្ចប្រជុំលើកដំបូងនៃអាណត្តិថ្មីរបស់រដ្ឋសភាកម្ពុជា កាលពីព្រឹកថ្ងៃពុធនេះទេ៕