រូបភាពជុំវិញពិភពលោកថ្ងៃទី២ ខែកុម្ភៈ ឆ្នាំ២០១៦ មកពីប្រទេសអាល្លឺម៉ង់ ប៉ាឡេស្ទីន សហរដ្ឋអាមេរិក ចិន អាហ្វហ្គានីស្ថាន អេស្ប៉ាញ វ៉ាទីកង់ ប៉ាគីស្ថាន ព័រទុយហ្គាល់ និងកូឡុំប៊ី។
-
-
កម្មវិធីវិទ្យុរបស់ VOA
កម្មវិធីវិទ្យុចុងក្រោយ
-
-
កម្មវិធីបន្ទាប់
-
05:00 - 05:30
ព័ត៌មានពេលព្រឹក
-
20:30 - 21:30
ព័ត៌មានពេលរាត្រី
-
-
កម្មវិធីវិទ្យុរបស់ VOA
-
កម្មវិធីវិទ្យុផ្សេងទៀត
រូបភាពជុំវិញពិភពលោក ២ កុម្ភៈ ២០១៦
1
រូបត្លុកកំប្លែងដែលធ្វើពីក្រដាសសម្រាប់រថយន្តក្នុងពិធីបុណ្យមួយរបស់លោក Vladimir Putin ប្រធានាធិបតីរុស្ស៊ីត្រូវបានគេរៀបចំឡើងសម្រាប់ក្បួនដង្ហែពិធីបុណ្យ Rose Monday នៅក្នុងក្រុង Mainz ប្រទេសអាល្លឺម៉ង់។
2
ក្មេងៗប៉ាឡេស្ទីនស្វែងរកឧបករណ៍លេងកម្សាន្តនៅក្នុងកម្ទេចផ្ទះរបស់ពួកគេ បន្ទាប់ផ្ទះទាំងនោះត្រូវបានឧបករណ៍ឈូសឆាយរបស់អ៊ីស្រាអែលកម្ទេចចោល នៅក្នុងតំបន់យោធាដែលមានជម្លោះមួយនៅក្នុងតំបន់ Musafir Jenbah។ អាជ្ញាធរ និងក្រុមអ្នកស្រុកនិយាយថា កងកម្លាំងអ៊ីស្រាអែលបានវាយកម្ទេចអគារយ៉ាងហោចណាស់ចំនួន១២នៅក្នុងតំបន់យោធាដែលមានជម្លោះ នៅភាគខាងត្បូងនៃតំបន់ West Bank ដោយធ្វើឲ្យគ្រួសារជាច្រើនបាត់បង់ផ្ទះសម្បែង។
3
លោក Bill Cosby (រូបកណ្តាល) ដែលជាតារាសម្តែង និងជាតារាកំប្លែងផងនោះ ទៅដល់តុលាការសម្រាប់ការបង្ហាញខ្លួនទៅតុលាការក្នុងក្រុង Norristown រដ្ឋPennsylvania។ លោក Cosby ត្រូវបានចាប់ខ្លួន និងចោទប្រកាន់ពីបទជួញដូរគ្រឿងញៀន និងបៀតបៀនផ្លូវភេទទៅលើស្រ្តីម្នាក់នៅផ្ទះរបស់លោកកាលពីខែមករា ឆ្នាំ២០០៤។
4
ក្មេងស្រីម្នាក់ជិះលើកង់ដែលអាចឈរលើ និងរុញ (scooter) នៅក្រោមការតុបតែងសម្រាប់ការតាំងពិព័រណ៍ព្រះវិហារមួយមុខពិធីបុណ្យចូលឆ្នាំថ្មីរបស់ចិន នៅឧទ្យាន Ditan នៅក្នុងក្រុងប៉េកាំង ប្រទេសចិន។
5
ក្រុមតន្រ្តីរបស់អាហ្វហ្គានីស្ថានសម្តែងនៅកន្លែងបែកបាក់មួយរបស់រាជវាំង Darul Aman នៅក្នុងក្រុងកាប៊ុល ក្នុងយុទ្ធនាការមួយដែលគេហៅថា «ស្នាមញញឹមមួយពាន់សម្រាប់សន្តិភាព» ដែលរៀបចំឡើងដោយអង្គការអហិង្សាពិភពលោក ឬ Non-Violent World Organization (NVWO)។
6
អ្នករបាំធ្វើដំណើរនៅក្នុងរថយន្តសណ្តោងក្នុងពេលប្រារព្ធពិធីបុណ្យនៅក្នុងក្រុង Ituren ប្រទេសអេស្ប៉ាញ កាលពីថ្ងៃទី១ ខែកុម្ភៈ ឆ្នាំ២០១៦។ អ្នករបាំទាំងនោះត្រូវបានគេស្គាល់ថា Joaldunak មកពីក្រុង Zubieta និងក្រុង Ituren ទៅលេងភូមិគ្នាទៅវិញទៅមក ដោយបានសម្តែងរបាំសាសនាដើម្បីបណ្តេញព្រលឹងអាក្រក់ និងដើម្បីសម្គាល់ថារដូវផ្ការីកជិតមកដល់ហើយ។
7
សម្តេចប៉ាប Francis ប្រារព្ធពិធីសូត្រធម៌នៅក្នុងវិហារ Saint Peter នៅក្នុងវិមានវ៉ាទីកង់។
8
ក្មេងៗដើរតាមវាលមួយដែលមានពោរពេញទៅដោយផ្កា នៅជាយក្រុងអ៊ីស្លាម៉ាបាដ (Islamabad) ប្រទេសប៉ាគីស្ថាន។
9
សមាជិករបស់ក្រុមរាំ Shanxi Folk Dance និងក្រុម Music Troupe សម្តែងនៅសារមន្ទីរ Orient នៅក្នុងក្រុងលីសបោន (Lisbon) ប្រទេសព័រទុយហ្គាល់ កាលពីថ្ងៃទី១ ខែកុម្ភៈ ឆ្នាំ២០១៦។
10
ទាហានទៅជួយពន្លត់ភ្លើងឆេះព្រៃមួយនៅលើភ្នំនៅជុំវិញក្រុងបូហ្គោតា (Bogota) ប្រទេសកូឡុំប៊ី កាលពីថ្ងៃទី១ ខែកុម្ភៈ ឆ្នាំ២០១៦។ ភាគច្រើននៃប្រទេសនេះកំពុងស្ថិតក្នុងការប្រកាសអាសន្នដោយសារការខ្វះខាតទឹក និងហានិភ័យនៃភ្លើងឆេះព្រៃ។
11
មានការតម្រង់ជួរដ៏វែងនៅខាងក្រៅស្ថានីយរថភ្លើង Guangzhou ក្នុងក្រុង Guangzhou ខេត្ត Guangdong ប្រទេសចិន។ សារព័ត៌មានរដ្ឋបាននិយាយថា អ្នកធ្វើដំណើររាប់ពាន់អ្នកក្នុងឱកាសបុណ្យចូលឆ្នាំថ្មីនៅក្នុងប្រទេសចិនជាប់គាំងនៅស្ថានីយមួយនៅក្នុងក្រុង Guangzhou បន្ទាប់ព្រិល និងទឹកកកបានធ្វើឲ្យមានបញ្ហាដល់ការធ្វើដំណើរប្រចាំរបស់ពិភពលោក។
12
អ្នកធ្វើការនៅឧទ្យាន Hong Kong Ocean ថតរូបជាមួយប្រភេទសត្វស្វាម៉្យាង ដែលជាសត្វស្វាតូចជាងគេក្នុងពិភពលោក។
