ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ក្រុមហ៊ុនហ្វេសប៊ុកសារភាព​ថា​បាន​ដើរ​តួនាទី​នៅ​ក្នុង​អំពើ​ហិង្សា​ទៅ​លើ​ជនជាតិ​រ៉ូហ៊ីងយ៉ា​នៅ​មីយ៉ាន់ម៉ា


រូបឯកសារ៖​ ជនភៀសខ្លួនរ៉ូហ៊ីងយ៉ាតម្រង់ជួរ ដើម្បី​ទទួល​ជំនួយ។ 

របាយការណ៍​ដែល​ត្រូវ​បាន​បោះពុម្ពផ្សាយ​កាល​ពី​ថ្ងៃ​អង្គារ​បាន​សន្និដ្ឋាន​ថា ក្រុមហ៊ុន ហ្វេសប៊ុក មិន​បាន​ធ្វើការ​គ្រប់គ្រាន់​ដើម្បី​ជួយ​ទប់ស្កាត់​មិន​ឲ្យ​គេ​ប្រើប្រាស់​បណ្តាញ​សង្គម​មួយ​នេះ​ក្នុង​ការ​បង្ក​ភាព​ចលាចល និង​បង្ក​ឲ្យ​មាន​អំពើ​ហិង្សា​នៅ​ខាង​ក្រៅ​នោះ​ទេ។

ក្រុមហ៊ុនហ្វេសប៊ុកបាន​សារភាព​ថា ខ្លួន​បាន​ដើរ​តួនាទី​នៅ​ក្នុង​ការ​ប្រល័យ​ពូជសាសន៍​ទៅ​លើ​ជនជាតិ​ភាគតិច​រស់​នៅ​ក្នុង​ប្រទេសមីយ៉ាន់ម៉ា។

កាល​ពី​ខែសីហា ឆ្នាំ​មុន អ្នក​ស៊ើបអង្កេត​របស់​អង្គការ​សហប្រជាជាតិ​បាន​ចោទប្រកាន់​បណ្តាញ​សង្គម​មួយ​នេះ​ថា​ចាត់​វិធានការ​យឺត​និង​គ្មាន​ប្រសិទ្ធភាព ក្នុង​ការ​ដោះស្រាយ​វិបត្តិ​ ដែល​បណ្តាញ​សង្គម​មួយ​នេះ​ត្រូវ​បាន​ប្រើប្រាស់​ដើម្បី​ចែកចាយ​ការ​ស្អប់ខ្ពើម​ក្នុង​ចំណោម​ប្រជាជន​ ដែល​កាន់​សាសនា​ព្រះពុទ្ធ​នៅ​ក្នុង​ប្រទេស​មីយ៉ាន់ម៉ា ចំពោះ​ជនជាតិ​ភាគតិច​រ៉ូហ៊ីងយ៉ា​កាន់​សាសនា​ឥស្លាម​។ អ្នក​ស៊ើបអង្កេត​ទាំង​នោះ​និយាយ​ថា ការ​ធ្វើ​ដូច្នេះ​គឺ​រួម​ចំណែក​ដល់​ឧក្រិដ្ឋកម្ម​ប្រល័យ​ពូជសាសន៍។

របាយការណ៍​ដែល​ត្រូវ​បាន​បោះពុម្ពផ្សាយ​កាល​ពី​ថ្ងៃ​អង្គារ​បាន​សន្និដ្ឋាន​ថា ក្រុមហ៊ុន ហ្វេសប៊ុក មិន​បាន​ធ្វើការ​គ្រប់គ្រាន់​ដើម្បី​ជួយ​ទប់ស្កាត់​មិន​ឲ្យ​គេ​ប្រើប្រាស់​បណ្តាញ​សង្គម​មួយ​នេះ​ក្នុង​ការ​បង្ក​ភាព​ចលាចល និង​បង្ក​ឲ្យ​មាន​អំពើ​ហិង្សា​នៅ​ខាង​ក្រៅ​នោះ​ទេ។ នេះ​បើ​យោង​តាម​លោក Alex Warofka ប្រធាន​គ្រប់គ្រង​គោលនយោបាយ​ផ្នែក​ផលិតផល​ ដែល​បាន​សរសេរ​លើ​ប្លុក​របស់​ក្រុមហ៊ុន​នេះ។ ​

របាយការណ៍​នោះ​បាន​ផ្តល់​អនុសាសន៍​ដល់​ក្រុមហ៊ុន​ ហ្វេសប៊ុក ឲ្យ​បង្កើត​គោលនយោបាយ​សិទ្ធិមនុស្ស​ដ៏​តឹងរ៉ឹង​មួយ ខណៈ​ដែល​រឹតត្បិត​ទៅ​លើ​សុន្ទរកថា​ស្អប់​ខ្ពើម ក៏​ដូច​ជា​ធ្វើ​ការ​ដើម្បី​ធ្វើ​ឲ្យ​ប្រសើរ​ឡើង​នូវ​ចំណេះដឹង​លើ​ប្រព័ន្ធ​អ៊ីនធឺណិត និង​ភាពត្រឹមត្រូវ​នៃ​ព័ត៌មាន​របស់​ក្រុមហ៊ុន​នេះ​នៅ​ក្នុង​ប្រទេស​មីយ៉ាន់ម៉ាផង​ដែរ៕

XS
SM
MD
LG