អ្នកជំនាញព្រំដែនបក្សសង្គ្រោះជាតិ បកស្រាយពីច្បាប់សមុទ្ររបស់អ.ស.បដើម្បីទាមទារកោះត្រល់
កាលពីចុងខែមិថុនា មេដឹកនាំអាស៊ានបានយល់ស្របគ្នាឲ្យយកអនុសញ្ញាអង្គការសហប្រជាជាតិស្តីពីច្បាប់សមុទ្រមកប្រើជាមូលដ្ឋានក្នុងការដោះស្រាយទំនាស់នៅក្នុងសមុទ្រចិនខាងត្បូង រវាងសមាជិកអាស៊ានខ្លះនឹងប្រទេសចិន។ លោក អ៊ំ សំអាន ប្រធានគណៈកម្មាធិការកិច្ចការព្រំដែន និងអន្តោប្រវេសន៍របស់គណបក្សសង្គ្រោះជាតិយល់ថា ច្បាប់នេះមានសារៈសំខាន់ដែលគួរតែយកមកប្រើក្នុងការកំណត់ដែនសមុទ្ររវាងកម្ពុជា និងវៀតណាមផងដែរ។ លោក អ៊ំ សំអាន បានបញ្ជាក់ក្នុងបទសម្ភាសជាមួយនឹងលោក ម៉ែន គឹមសេង នៃវីអូអេថា បើប្រើច្បាប់នេះ កម្ពុជានឹងចំណេញដែនទឹកជាច្រើនក្នុងនោះ បានទាំងកោះត្រល់ផងដែរ៕
