ទោះជាមានវ៉ាក់សាំងគុណភាពទាបក្តីប្រទេសប្រេស៊ីលមានការជឿនលឿនប្រឆាំងជំងឺកូវីដ
ប្រេស៊ីលស្ថិតក្នុងចំណោមប្រទេសប្រឈមការលំបាកទិញវ៉ាក់សាំងកូវីដ១៩នៅដើមឆ្នាំនេះហើយដោយមានអ្នកស្លាប់កើនឡើងមេដឹកនាំប្រទេសនេះពឹងលើវ៉ាក់សាំងរបស់ចិនដើម្បីចាប់ផ្តើមកម្មវិធីបង្ការរោគរបស់ខ្លួន។ ប៉ុន្តែប្រជាជនប្រេស៊ីលជាច្រើនមិនចង់ចាក់វ៉ាក់សាំងចិនទេបន្ទាប់ពីការសិក្សាបានបង្ហាញវ៉ាក់សាំងនេះមានប្រសិទ្ធភាពទាបដូច្នេះអាជ្ញាធរប្រេស៊ីលបានហាមការប្រើថ្នាំនេះរាប់លានដូសនៅខែនេះ ដោយរង់ចាំការសិក្សាបន្ថែម។ អ្នកយកព័ត៌មានវីអូអេនៅក្រុង Sao Paulo លោក Edgar Maciel រាយការណ៍ថាប្រទេសប្រេស៊ីលកំពុងធ្វើការសម្របសម្រួលខ្លះដែលអាចចាប់ផ្តើមមានលទ្ធផលជាវិជ្ជមាន។ លោក ពិន ស៊ីសុវណ្ណ ជូនសេចក្តីប្រែសម្រួល។
