រូបភាពជុំវិញពិភពលោកថ្ងៃទី២០ ខែធ្នូ ឆ្នាំ២០១៥ មកពីប្រទេសអេមីរ៉ាតអារ៉ាប់រួម បារាំង ជប៉ុន ស្រីលង្កា ចិន លីបង់ រុស្ស៊ី បូស្ន៊ី កូរ៉េខាងត្បូង និងកេនយ៉ា។
រូបភាពជុំវិញពិភពលោក ២០ ធ្នូ ២០១៥
1
បុរសម្នាក់បណ្តើរសត្វអូដ្ឋរបស់គាត់កាត់វាលខ្សាច់ Liwa Oasis ស្ថិតនៅក្នុងក្រុងអាប៊ុយដាប៊ី ប្រទេសអេមីរ៉ាតអារ៉ាប់រួម។
2
បុរសម្នាក់ដែលស្លៀកពាក់ដូច Santa Claus ជិះទូក នៅលើសមុទ្រមេឌីទែរ៉ាណេ ក្នុងពិធីបុណ្យណូអែលបែបប្រពៃណីនៅក្នុងក្រុង Nice ប្រទេសបារាំង។
3
កីឡាកររបស់ក្លឹប Barcelona អបអរសាទរជ័យជម្នះក្នុងពេលទទួលរង្វាន់ បន្ទាប់ពីឈ្នះការប្រកួតចុងក្រោយរបស់ពួកគេទល់នឹងក្រុម River Plate ដោយពិន្ទុ៣នឹង០ នៅក្នុងការប្រកួតបាល់ទាត់ FIFA Club World Cup នៅក្នុងក្រុង Yokohama ប្រទេសជប៉ុន។
4
Rossiya
5
ក្រុមជួយសង្រ្គោះស្វែងរកអ្នកដែលនៅរស់រានមានជីវិត បន្ទាប់ពីមានការបាក់ដីនៅឧទ្យានឧស្សាហកម្មមួយនៅក្នុងក្រុង Shenzhen ខេត្ត Guangdong ប្រទេសចិន។ សារព័ត៌មានចិនបានរាយការណ៍ថា ការបាក់ដីនេះបានប៉ះពាល់អគារចំនួន២២ ហើយមនុស្ស៥៩នាក់បានបាត់ខ្លួន។
6
បុរសម្នាក់រៀបចំការតុបតែងមុនថ្ងៃខួបកំណើតនៃសាវ័ក Prophet Mohammed ក្នុងក្រុង Sidon ភាគខាងត្បូងនៃប្រទេសលីបង់ កាលពីថ្ងៃទី១៩ ខែធ្នូ ឆ្នាំ២០១៥។
7
បុរសម្នាក់ស្លៀកពាក់ជា Ded Moroz (ឬលោកតា Frost) ក្នុងភាសារុស្ស៊ីដែលមានន័យថា Santa Claus ដើររើសមនុស្សព្រិលល្អបំផុត ក្នុងពិធីប្រកួតប្រជែងដែលមានឈ្មោះថា Parade of Snowmen នៅឧទ្យាន Royev Ruchey Flora and Fauna Park នៅជាយក្រុង Krasnoyarsk ប្រទេសរុស្ស៊ី។
8
តារាបង្ហាញម៉ូដដែលត្រូវបានគេផាត់ពណ៌ជាស្លឹកឈើដើម្បីលាយជាមួយនឹងទេសភាពខាងក្រោយសម្តែងជាស្នាដៃសិល្បៈរបស់លោក Liu Bolin ដែលជាសិល្បករចិន នៅក្នុងក្រុងប៉េកាំង។ នៅក្នុងស្នាដៃសិល្បៈនេះ លោក Liu ចង់បង្ហាញពីក្តីបារម្ភរបស់គាត់ទៅលើប្រទេសចិន និងប្រជាជនរបស់ខ្លួន រួមទាំងបញ្ហាបំពុលខ្យល់។
9
ស្ត្រីម្នាក់ថតរូបជាមួយទូរស័ព្ទសា្មតហ្វូនរបស់គាត់នៅលើជួរភ្នំ Smetovi នៅក្បែរ Zenica ប្រទេសបូស្ន៊ី (Bosnia)។
10
អ្នកទេសចរចាំងពន្លឺនឹងដើមឈើភ្លើងពណ៌ដែលត្រូវបានរៀបចំឡើងដើម្បីអបអរពិធីបុណ្យណូអែល និងពិធីបុណ្យចូលឆ្នាំថ្មី នៅសួន Morning Calm ក្នុងតំបន់ Gapyeong ប្រទេសកូរ៉េខាងត្បូង។
11
អ្នកស្រុក Kisumu ស្លៀកពាក់បែបប្រពៃណីចូលរួមនៅក្នុងការដង្ហែគោក្របីមួយ នៅពេលពួកគេប្រារព្ធពិធីវប្បធម៌របស់ពួកគេដែលមានឈ្មោះថា Tero Buru។ នេះជាការអនុវត្តរបស់សហគមន៍ Luo នៅក្នុងប្រទេសកេនយ៉ា កាលពី១០០ឆ្នាំមុន។
12
មនុស្សម្នាហែលទឹកនៅក្នុងសមុទ្រមេឌីទែរ៉ាណេ ក្នុងពិធីបុណ្យណូអែលបែបប្រពៃណីនៅក្នុងក្រុង Nice ប្រទេសបារាំង។
13
បវរកញ្ញារបស់អេស្ប៉ាញឈ្មោះ Mireia Lalaguna Royo បក់ដៃ បន្ទាប់ពីទទួលបានម្កុដបវរកញ្ញាពិភពលោកសម្រាប់ឆ្នាំ២០១៥ នៅក្នុងក្រុង Sanya ខេត្ត Hainan ប្រទេសចិន កាលពីថ្ងៃទី១៩ ខែធ្នូ ឆ្នាំ២០១៥។
