ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

មជ្ឈ​មណ្ឌល​ឯកសារ​កម្ពុជា​​ទាម​ទារ​៣០​ម៉ឺន​ដុល្លារ​ពី​សាលា​ក្ដី​ខ្មែរ​ក្រហម


នាយក​មជ្ឈ​មណ្ឌល​ឯកសារ​កម្ពុជា​ លោក ​ឆាំង​ យុ ​បាន​ស្នើ​ឲ្យ​សាលា​ក្ដី​ខ្មែរ​ក្រហម​ផ្ដល់​ប្រាក់​ ចំនួន​ជាង​៣០​ម៉ឺន​ដុល្លារ​អាមេរិក​ ​គិត​ជា​តម្លៃ​ឯកសារ​ចាំ​បាច់​ដែល​ខ្លួន​បាន​ផ្ដល់​ជូន​សាលា​ក្ដី​ខ្មែរ​ក្រហម​ សម្រាប់​ដំណើរ​ការ​កាត់​ទោស​អតីត​ពួក​មេ​ដឹក​នាំ​ខ្មែរ​ក្រហម។

នៅ​ក្នុង​លិខិត​មួយ​ច្បាប់​ផ្ញើ​ជូន​ប្រធាន​រដ្ឋ​បាល​ស្ដី​ទី ​គឺ​លោក​ក្រាញ់ ​តូនី ​និង​អនុ​ប្រធាន​រដ្ឋ​បាល​ សាលា​ក្ដី​ខ្មែរ​ក្រហម​ លោក​គ្នុត​ រ៉ូសិន​ហក​ កាល​ពី​ខែ​កុម្ភៈ​ ឆ្នាំ​២០១០​ ដែល​វីអូអេ​សំឡេង​សហ​រដ្ឋ​ អាមេរិក​ទទួល​បាន​នៅ​ថ្ងៃ​ពុធ​នេះ​ លោក ​ឆាំង​ យុ ​បាន​ឲ្យ​ដឹង​ថា ​មជ្ឈ​មណ្ឌល​ឯកសារ​កម្ពុជា​បាន

ផ្ដល់​នូវ​ឯកសារ​នានា​សរុប​ជា​ទឹក​ប្រាក់​សរុប​ច្រើន​ជាង​៣០​ម៉ឺន​ដុល្លារ​អាមេរិក​ អស់​រយៈ​ពេល​ចំនួន​៤​ ឆ្នាំ​មក​នេះ។

នាយក​មជ្ឈ​មណ្ឌល​ឯកសារ​កម្ពុជា​បាន​គូស​បញ្ជាក់​តាម​លក្ខណៈ​ការ​ទូត​នៅ​ក្នុង​លិខិត​នោះ​ថា​ លោក​នឹង​ដឹង​គុណ ​ប្រសិន​បើ​សាលា​ក្ដី​ខ្មែរ​ក្រហម​ទទួល​ស្គាល់​មជ្ឈ​មណ្ឌល​ឯកសារ​កម្ពុជា​គឺ​ជា​ ប្រភព​និង​ជា​ទី​កន្លែង​របស់​ឯកសារ​ដើម​មួយ​នោះ។

លោក​ឆាំង​ យុ ​បាន​ទទួល​ស្គាល់​ថា ​លោក​បាន​សរសេរ​លិខិត​ទៅ​កាន់​សាលា​ក្ដី​ខ្មែរ​ក្រហម​ដើម្បី​ ស្នើ​ឲ្យ​សាលា​ក្ដី​នេះ​ជួយ​ផ្ដល់​លុយ​សម្រាប់​ការ​ប្រើ​ប្រាស់​ឯកសារ​ដែល​ប្រមូល​ផ្ដុំ​ក្នុង​មជ្ឈ​មណ្ឌល​របស់​លោក។​ ហើយ​លោក​ចាត់​ទុក​ថា​ ការ​ផ្ដល់​នូវ​ឯកសារ​ទាំង​នេះ​គឺ​ជា​ការ​រួម​ចំណែក​ នៅ​ក្នុង​ការ​ ជួយ​គាំ​ទ្រ​ដល់​សាលា​ក្ដី​ខ្មែរ​ក្រហម​ពី​សំណាក់​សង្គម​ស៊ីវិល​ ហើយ​ត្រូវ​ការ​មាន​ការ​ទទួល​ស្គាល់​ពី​ សាលា​ក្ដី​ខ្មែរ​ក្រហម។

“ចាំ​បាច់​ដែរ​ដែល​តុលាការ​ទទួល​ស្គាល់​កិច្ច​ការ​នេះ។​ ហើយ​វា​ក៏​ជា​គម្រូ​មួយ​សម្រាប់​តុលាការ​ទៅ​ថ្ងៃ​ អនាគត។ ​ហើយ​ការ​ធ្វើ​បែប​នេះ​ វា​បើក​ទ្វារ​ឲ្យ​មាន​ការ​ចូល​រួម​ច្រើន​ រួម​ទាំង​ភស្ដុតាង​នានា​ពាក្យ​ បណ្ដឹង​ ឬ​កសិណ​សាក្សី ​ឬ​អង្គ​ហេតុ​ផ្សេងៗ ​ដែល​តុលាការ​ចាំ​បាច់ ​ត្រូវ​ការ​ក្នុង​ការ​រៀប​ចំ​សំ​ណុំ​រឿង​ ដើម្បី​ឲ្យ​មាន​ប្រសិទ្ធិ​ភាព"។

មជ្ឈ​មណ្ឌល​ឯកសារ​កម្ពុជា​គឺ​ជា​មជ្ឈ​មណ្ឌល​ប្រមូល​ផ្ដុំ​ឯកសារ​ដែល​ទាក់​ទង​នឹង​អំពើ​ឃោរ​ឃៅ​នៃ​ របប​ខ្មែរ​ក្រហម​យ៉ាង​ច្រើន​បំផុត។​ របប​ខ្មែរ​ក្រហម​ដែល​បាន​បង្ក​ឲ្យ​ប្រជា​ពល​រដ្ឋ​កម្ពុជា​ស្លាប់​បាត់​បង់​ ជីវិត​យ៉ាង​តិច​ចំនួន​១,៧​លាន​នាក់ ​ក្នុង​ចន្លោះ​ពី​ឆ្នាំ​១៩៧៥​ដល់​ឆ្នាំ​១៩៧៩។​ ជន​ជាប់​ សង្ស័យ​ទាក់​ទង​នឹង​អំពើ​ឃោរ​ឃៅ​នេះ​ ត្រូវ​បាន​ចាប់​ខ្លួន ​និង​ដាក់​ក្នុង​ការ​ឃុំ​ឃាំង​ជា​បណ្ដោះ​អាសន្ន​ នៅ​ក្នុង​លិខិត​ផ្ញើ​ជូន​ប្រធាន​ស្ដី​ទី ​និង​អនុ​ប្រធាន​រដ្ឋ​បាល​សាលា​ក្ដី​ខ្មែរ​ក្រហម​ លោក ​ឆាំង ​យុ ​ពិពណ៌នា​ថា​ ចាប់​តាំង​ពី​ឆ្នាំ​២០០៦​មក​ មជ្ឈ​មណ្ឌល​របស់​លោក​បាន​ផ្ដល់​នូវ​ឯកសារ​ចំនួន​៥០​ម៉ឺន​ទំព័រ​ទៅ​ដល់​សាលា​ក្ដី​ខ្មែរ​ក្រហម​ ជាពិសេស​ទៅ​ដល់​ការិយា​ល័យ​សហ​ព្រះ​រាជ​អាជ្ញា​ សហ​ចៅ​ក្រម​ស៊ើប​អង្កេត​ ទៅ​កាន់​ផ្នែក​គាំ​ពារ​ការ​ការ​ពារក្ដី​ ក្រុម​មេ​ធាវី​ការ​ពារ​ជន​ជាប់​ចោទ​ និង​ជូន​មេ​ធាវី​នៃ​ដើម​ បណ្ដឹង​រដ្ឋ​ប្បវេណី ​រួម​ទាំង​ផ្នែក​កិច្ច​ការ​សាធារណៈ​របស់​សាលា​ក្ដី​ខ្មែរ​ក្រហម​ផង​ដែរ។

លោក​ ឆាំង ​យុ ​បន្ថែម​ថា ​មជ្ឈ​មណ្ឌល​របស់​លោក​បាន​ចំណាយ​សៀវ​ភៅ​ប្រមាណ​ជា៦៥០​ក្បាល​ ដល់​សាលា​ក្ដី​ខ្មែរ​ក្រហម​ ស៊ីឌី​ចំនួន​១៩៥៥​ និង​ឌីវីឌី​ជា​ភាព​យន្ដ​ និង​រូប​ថត​ និង​ភាព​យន្ដ​ខ្នាត​តូច​ ចំនួន​៥២៤។

លោក​ រាជ សម្បត្តិ ​ប្រធាន​ផ្នែក​កិច្ច​ការ​សាធារណៈ​របស់​សាលា​ក្ដី​ខ្មែរ​ក្រហម​ មាន​ប្រសាសន៍​ថា​ សាលា​ក្ដីនេះ​កំពុង​តែ​ត្រួត​ពិនិត្យ​ថា​ តើ​ត្រូវ​ឆ្លើយ​តប​ទៅ​នឹង​សំណើ​សុំ​ការ​បង់​ប្រាក់​ថ្លៃ​ឯកសារ​របស់​ មជ្ឈ​មណ្ឌល​ឯកសារ​កម្ពុជា​យ៉ាង​ដូចម្ដេច៕

XS
SM
MD
LG