រូបភាពជុំវិញពិភពលោកថ្ងៃទី០២ ខែធ្នូ ឆ្នាំ២០១៦ មកពីប្រទេសក្រិក គុយបា អ៊ីរ៉ាក់ សហរដ្ឋអាមេរិក ហ្គំប៊ី ជប៉ុន អាល្លឺម៉ង់ មីយ៉ាន់ម៉ា និងម៉ិកស៊ិក។
រូបភាពជុំវិញពិភពលោក ០២ ធ្នូ ២០១៦
1
បាតុករដែលមានពិការភាពថ្លង់ពាក់ស្រោមដៃពណ៌ស និងលើកដៃឡើងក្នុងពេលបាតុកម្មប្រឆាំងនឹងរដ្ឋាភិបាលក្នុងក្រុងអាថែន។ អង្គការជាច្រើនដែលតំណាងឲ្យមនុស្សពិការ និងអ្នកដែលមានជំងឺរ៉ាំរ៉ៃធ្វើដំណើរនៅទូទាំងប្រទេសក្រិកដើម្បីចូលរួមបាតុកម្មប្រឆាំងនឹងវិធានការតឹងរ៉ឹងពាក់ព័ន្ធនឹងការធានាឲ្យនៅក្រៅឃុំជាលក្ខណៈអន្តរជាតិរបស់ប្រទេសនេះ។
2
មនុស្សម្នារង់ចាំធាតុរបស់លោក Fidel Castro ដែលជាមេដឹកនាំគុយបាដើម្បីដង្ហែនៅតាមផ្លូវក្នុងក្រុង Jimaguayu ប្រទេសគុយបា ក្នុងការដង្ហែសពចំនួន៤ថ្ងៃនៅទូទាំងប្រទេសនេះសម្រាប់ការបញ្ចុះសពក្នុងក្រុង Santiago de Cuba។
3
ពលរដ្ឋអ៊ីរ៉ាក់ដែលភៀសខ្លួនពីក្រុង Mosul ដោយសារសង្រ្គាមដែលចេះតែបន្តរវាងកងកម្លាំងអ៊ីរ៉ាក់ និងក្រុមជីហាដ ទៅដល់ភូមិ Gogjali ក្នុងពេលមានព្យុះមួយ។
4
នាង Megan Toben បាចថ្នាំជក់នៅជាយទន្លេ Cannonball River ក្នុងពិធីទន្លេរបស់ពលរដ្ឋអាមេរិកដើមនៅជំរំ Oceti Sakowin ទីដែលមនុស្សជាច្រើនបានប្រមូលផ្តុំគ្នាដើម្បីតវ៉ានឹងការបំពង់បង្ហូរប្រេង Dakota Access នៅក្នុងតំបន់ Cannon Ball រដ្ឋ North Dakota។ យោងតាមជំនឿរបស់ពលរដ្ឋអាមេរិកដើម ថ្នាំជក់ត្រូវបានគេប្រើដើម្បីបើករនាំងរវាងពិភពវិញ្ញាណ និងរូបកាយ។
5
ពលរដ្ឋហ្គំប៊ីអបអរដល់ជ័យជម្នះរបស់លោក Adama Barrow ដែលជាបេក្ខជនមកពីសម្ព័ន្ធប្រឆាំង។ ពួកគេបានហែកផ្ទាំងរូបភាពរបស់លោកប្រធានាធិបតី Yahya Jammeh ដែលកាន់តំណែងរាប់ឆ្នាំ នៅតាមផ្លូវក្នុងភូមិ Serrekunda ប្រទេសហ្គំប៊ី។
6
ពន្លឺព្រះអាទិត្យនាពេលព្រឹកចាំងទៅលើស្លឹកឈើម្យ៉ាងរបស់ជប៉ុនក្នុងរដូវស្លឹកឈើជ្រុះ ក្នុងក្រុង Falls Church រដ្ឋ Virginia។
7
ស្ត្រីម្នាក់ឈរថតរូបនៅកម្មវិធី Tokyo Comic Con នៅមជ្ឈមណ្ឌល Makuhari Messe ក្នុងក្រុង Chiba ប្រទេសជប៉ុន។
8
អ្នកជិះស្គីដើរលើជណ្តើរនៃអគារមួយមុនពេលប្រកួតដើម្បីទៅប្រកួតយកពាន FIS Ski Jumping World Cup ក្នុងក្រុង Klingenthal ភាគខាងកើតនៃប្រទេសអាល្លឺម៉ង់។
9
អ្នកនេសាទចែវទូកនៅលើបឹងមួយក្នុងពេលព្រះអាទិត្យអស្តង្គត ក្នុងក្រុងណៃពិដោ ប្រទេសមីយ៉ាន់ម៉ា។
10
តោមួយស្ងាបនៅក្នុងសួនសត្វមួយក្នុងក្រុង Frankfurt ប្រទេសអាល្លឺម៉ង់។
11
ដើមឈើណូអែលនៃអគារ New York Stock Exchange ត្រូវបានបំពាក់ភ្លើងនៅលើផ្លូវ Broad Street ក្នុងសង្កាត់ Manhattan បុរីញូវយ៉ក។
12
អ្នកចូលរួមដើរនៅពីមុខផ្ទាំងដ៏ធំមួយដែលបង្ហាញរូបមេអំបៅក្នុងកិច្ចប្រជុំលើកទី១៣នៃសន្និសីទប្រទេសជាសមាជិកនៃអនុសញ្ញាស្តីពីភាពចម្រុះគ្នានៃជីវសាស្រ្ត (Convention on Biological Diversity) ក្នុងក្រុង Cancun ប្រទេសម៉ិកស៊ិក។ កិច្ចប្រជុំលើកទី១៣នៃសន្និសីទប្រទេសជាសមាជិកនៃអនុសញ្ញាស្តីពីភាពចម្រុះគ្នានៃជីវសាស្រ្តនឹងប្រព្រឹត្តទៅរហូតដល់ថ្ងៃទី១៧ ខែធ្នូនៅរមណីយដ្ឋាននៅតាមមាត់សមុទ្ររបស់ក្រុង Cancun ហើយគេរំពឹងថា កិច្ចប្រជុំនេះនឹងផ្តោតលើការប្រយុទ្ធប្រឆាំងនឹងការជួញដូរសត្វខុសច្បាប់។
