ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

កម្រង​រូបភាព៖ យុវជន​កម្ពុជា​រៀន​អំពី​ការ​សហការ​ពី​ព្រឹត្តិការណ៍​ការ​ប្រកួត​​បញ្ជា​មនុស្ស​យន្ត​អន្តរជាតិ​នៅ​វ៉ាស៊ីនតោន​​

ក្រុម​យុវជន​កម្ពុជាទទួល​ដែល​បាន​ចូល​រួម​ការ​ប្រកួត​ប្រជែង​បញ្ជា​មនុស្ស​យន្ត​លំដាប់​ពិភពលោក​ First Global Challenge ​រយៈ​ពេល​៣​ថ្ងៃ​នៅ​រដ្ឋធានី​វ៉ាស៊ីនតោន បាន​ជាប់​លេខ​រៀង​ទី​២២។ យុវជន​មក​ពី​ប្រទេស​ជាង​១៥០ ​បាន​ចូល​រួម​ការ​ប្រកួត​ដែល​បាន​បញ្ចប់​ទៅ​កាល​ពី​ថ្ងៃ​អង្គារ។ ក្រុម​យុវជន​កម្ពុជាដែល​មាន​គ្នា​៦​នាក់មក​ពី​វិទ្យាល័យ​ចំនួន​ពីរ​នៅ​ជនបទ​ខេត្ត​សៀមរាប ​ថ្លែង​ថា ពួក​គេ​បាន​ទទួល​លទ្ធផល​ល្អ​ជាង​ការ​រំពឹង​ទុក​ ដោយ​បាន​ឈ្នះ​ក្រុម​ជាង​១២០​ផ្សេង​ទៀត។ សិស្ស​វិទ្យាល័យដែលស្រឡាញ់​វិទ្យាសាស្ត្រក្នុង​កម្មវិធី​សិក្សា​របស់​អង្គការ​ Caring for Cambodia​ ទាំង​នេះ ថ្លែងប្រាប់​ VOA ថា​ ពួក​គេ​បានរៀន​សូត្រ​អំពី​ការសហការ​គ្នាជាមួយ​ក្រុម​ពី​ប្រទេស​ផ្សេងៗ​ទៀត។ នៅ​ក្នុង​ពិធី​បិទ​បញ្ចប់​ការ​ប្រកួត​នេះ ថ្នាក់​ដឹកនាំ​នៃ​អង្គការ First Global ដែល​បាន​រៀបចំ​ព្រឹត្តិការណ៍​ប្រចាំ​ឆ្នាំ​នេះ រួម​ទាំង​លោក Jim Yong Kim ប្រធាន​ធនាគារ​ពិភពលោក​ បាន​ថ្លែង​ទៅ​កាន់​អ្នក​ចូល​រួម​ថា ការ​ផ្សំ​គ្នា​រវាង​ការ​សហការ​និង​ការ​ប្រកួត​ប្រជែង ឬ​ហៅ​កាត់​ថា «‍coopetition»​ ក៏​ដូច​ជា​ការ​ប្រើប្រាស់​បច្ចេកវិទ្យា​ឲ្យ​មាន​ប្រសិទ្ធភាព​ ជា​គន្លឹះ​ក្នុង​ការ​ដោះស្រាយ​បញ្ហា​ធំៗ​និង​ជំនាន់​របស់​ពិភពលោក។
ផ្សេង​ទៀត

XS
SM
MD
LG