អង្គការ Southeast Asia Resource Action Center (SEARAC) ដែលជាអង្គការមិនស្វែងរកប្រាក់កម្រៃមួយ មានមូលដ្ឋាននៅសហរដ្ឋអាមេរិក បានផ្តល់ពានរង្វាន់ស្នាដៃការងារឆ្នើមដល់បុគ្គល សហគមន៍ និងអង្គការអាស៊ីអាមេរិកាំង ចំនួន៦នៅក្នុងសហរដ្ឋអាមេរិក។ ក្នុងចំណោមបុគ្គលនិងអង្គការដែលធ្វើការងារដើម្បីភាពផ្លាស់ប្ដូរជាវិជ្ជមាននៅក្នុងសង្គមទាំងនោះ ក៏មានបុគ្គលនិងសហគមន៍ខ្មែរអាមេរិកាំងចំនួន៣ផងដែរ ដែលទទួលបានពានរង្វាន់ឆ្នើមនោះ។ លោក Many Uch សហស្ថាបនិកនៃក្រុមសកម្មជន FIGHT ដែលជួយបណ្តុះបណ្តាលនិងផ្តល់ជាធនធានសម្រាប់សិក្សាដល់អ្នកជាប់ពន្ធនាគារដើមកំណើតអាស៊ីនៅក្នុងរដ្ឋ Washingtonទទួលបានពានរង្វាន់បុគ្គលផ្លាស់ប្ដូរសង្គម (Individual Changmaker)។ យុទ្ធនាការ RELEASEMN8 ដែលជួយក្នុងការតវ៉ាប្រឆាំងនឹងការបញ្ជូនខ្លួនពលរដ្ឋអាស៊ីអាមេរិកាំងត្រឡប់ទៅប្រទេសកំណើតវិញ និងដែលមានមូលដ្ឋាននៅក្នុងរដ្ឋ Minnesotaទទួលបានពានរង្វាន់យុទ្ធនាការប្រចាំឆ្នាំ (Campaign of the Year)។ អង្គការ Khmer Girls in Action ដែលជួយផ្តល់ការបណ្តុះបណ្តាលចាំបាច់ដល់សហគមន៍ខ្មែរអាមេរិកាំង ជាពិសេសដល់ស្ត្រីនិងកុមារី នៅទីក្រុងឡុងប៊ិច រដ្ឋកាលីហ្វរញ៉ា ទទួលបានពានរង្វាន់អ្នកបង្កើតចលនាផ្លាស់ប្តូរ (Transformative Movement Builder)។ ពិធីប្រគល់ពានរង្វាន់នោះបានប្រព្រឹត្តទៅកាលពីថ្ងៃសុក្រ ទី១៣ ខែតុលា ឆ្នាំ២០១៧ នៅឯសណ្ឋាគារ Renaissance ក្នុងរដ្ឋធានី វ៉ាស៊ីនតោន ដែលមានភ្ញៀវចូលរួមប្រមាណ២០០នាក់៕
កម្រងរូបភាព៖ សហគមន៍ខ្មែរអាមេរិកាំងទទួលបានពានរង្វាន់ស្នាដៃការងារឆ្នើមពីអង្គការមួយនៅអាមេរិក
១
លោក Many Uch (កណ្តាល) ពលរដ្ឋអាមេរិកាំងដើមកំណើតខ្មែរឡើងទទួលពានរង្វាន់បុគ្គលផ្លាស់ប្ដូរសង្គមពីអ្នកតំណាងអង្គការ SEARAC នៅសណ្ឋាគារ Renaissance ក្នុងរដ្ឋធានី វ៉ាស៊ីនតោន កាលពីថ្ងៃទី១៣ ខែតុលា ឆ្នាំ២០១៧។ (ហុង ចិន្តា/VOA)
២
លោក Many Uch និងអ្នកស្រី Montha Chum ថតរូបជាមួយនឹងពានរង្វាន់ដែលខ្លួនទទួលបានពីអង្គការ SEARAC នៅឯសណ្ឋាគារ Renaissance ក្នុងរដ្ឋធានី វ៉ាស៊ីនតោន កាលពីថ្ងៃទី១៣ ខែតុលា ឆ្នាំ២០១៧។ (ហុង ចិន្តា/VOA)
៣
អ្នកស្រី Lian Cheun តំណាងឲ្យអង្គការ Khmer Girls in Action ប្រចាំនៅទីក្រុង ឡុងប៊ិច រដ្ឋ កាលីហ្វរញ៉ា ឡើងសម្តែងចំណាប់អារម្មណ៍ចំពោះការទទួលបានពានរង្វាន់អ្នកបង្កើតចលនាផ្លាស់ប្តូរ ពីអង្គការ SEARAC នៅសណ្ឋាគារ Renaissance ក្នុងរដ្ឋធានី វ៉ាស៊ីនតោន កាលពីថ្ងៃទី១៣ ខែតុលា ឆ្នាំ២០១៧។ (ហុង ចិន្តា/VOA)
៤
លោក Many Uch ពលរដ្ឋអាមេរិកាំងដើមកំណើតខ្មែរឡើងសម្តែងចំណាប់អារម្មណ៍ចំពោះការទទួលបានពានរង្វាន់បុគ្គលផ្លាស់ប្ដូរសង្គម ពីអង្គការ SEARAC នៅសណ្ឋាគារ Renaissance ក្នុងរដ្ឋធានី វ៉ាស៊ីនតោន កាលពីថ្ងៃទី១៣ ខែតុលា ឆ្នាំ២០១៧។ (ហុង ចិន្តា/VOA)
៥
អ្នកស្រី Montha Chum ពលរដ្ឋអាមេរិកាំងដើមកំណើតខ្មែរតំណាងឲ្យយុទ្ធនាការ ReleaseMN8ឡើងសម្តែងចំណាប់អារម្មណ៍ចំពោះការទទួលបានពានរង្វាន់យុទ្ធនាការប្រចាំឆ្នាំ ពីអង្គការ SEARAC នៅសណ្ឋាគារ Renaissance ក្នុងរដ្ឋធានី វ៉ាស៊ីនតោន កាលពីថ្ងៃទី១៣ ខែតុលា ឆ្នាំ២០១៧។ (ហុង ចិន្តា/VOA)
៦
អ្នកស្រី Catherina Nou ប្រធានក្រុមប្រឹក្សាភិបាលនៃអង្គការ SEARAC ថ្លែងសុន្ទរកថាបើកកម្មវិធីប្រគល់រង្វាន់ដល់បុគ្គលនិងអង្គការឆ្នើម នៅសណ្ឋាគារ Renaissance ក្នុងរដ្ឋធានី វ៉ាស៊ីនតោន កាលពីថ្ងៃទី១៣ ខែតុលា ឆ្នាំ២០១៧។ (ហុង ចិន្តា/VOA)
៧
ពីឆ្វេងមកស្តាំ អ្នកស្រី Montha Chumតំណាងឲ្យយុទ្ធនាការ ReleaseMN8 ទទួលពានរង្វាន់យុទ្ធនាការប្រចាំឆ្នាំ លោក Many Uch ទទួលពានរង្វាន់បុគ្គលផ្លាស់ប្ដូរសង្គម និងអ្នកស្រី Lian Cheun តំណាងឲ្យអង្គការ Khmer Girls in Action ទទួលពានរង្វាន់អ្នកបង្កើតចលនាផ្លាស់ប្តូរ ពីអង្គការ SEARAC នៅសណ្ឋាគារ Renaissance ក្នុងរដ្ឋធានី វ៉ាស៊ីនតោន កាលពីថ្ងៃទី១៣ ខែតុលា ឆ្នាំ២០១៧។ (ហុង ចិន្តា/VOA)
៨
អ្នករបាំខ្មែរអាមេរិកាំងមកពីអង្គការ Cambodian Buddhist Society កំពុងរាំរបាំខ្មែរជូនអ្នកចូលរួមទស្សនា ក្នុងកម្មវិធីប្រគល់រង្វាន់របស់អង្គការ SEARAC នៅសណ្ឋាគារ Renaissance ក្នុងរដ្ឋធានី វ៉ាស៊ីនតោន កាលពីថ្ងៃទី១៣ ខែតុលា ឆ្នាំ២០១៧។ (ហុង ចិន្តា/VOA)
៩
ភ្ញៀវចូលរួមក្នុងកម្មវិធីប្រគល់ពានរង្វាន់របស់អង្គការ SEARAC ដល់បុគ្គលនិងអង្គការឆ្នើម កំពុងស្តាប់ការសម្តែងចំណាប់អារម្មណ៍របស់ជ័យលាភីដែលឡើងទទួលពានរង្វាន់ នៅឯសណ្ឋាគារ Renaissance ក្នុងរដ្ឋធានី វ៉ាស៊ីនតោន កាលពីថ្ងៃទី១៣ ខែតុលា ឆ្នាំ២០១៧។ (ហុង ចិន្តា/VOA)