វ៉ាស៊ីនតោន —
កិច្ចព្រមព្រៀងភាពជាដៃគូរយៈពេល៥ឆ្នាំរវាងកម្ពុជានិងកម្មវិធីស្បៀងអាហារពិភពលោក គ្រោងនឹងត្រូវចុះហត្ថលេខានៅថ្ងៃពុធស្អែកនេះ។ នេះបើយោងតាមសេចក្ដីប្រកាសព័ត៌មានមួយរបស់អង្គការកម្មវិធីស្បៀងអាហារពិភពលោកនៃអង្គការសហប្រជាជាតិ។
សេចក្ដីប្រកាសព័ត៌មានដដែល បញ្ជាក់ថា កិច្ចព្រមព្រៀងនឹងត្រូវចុះហត្ថលេខាដោយអង្គការកម្មវិធីស្បៀងអាហារពិភពលោកនិងគណៈកម្មាធិការគ្រប់គ្រងគ្រោះមហន្តរាយរបស់កម្ពុជា។ កិច្ចព្រមព្រៀង នឹងផ្ដោតសំខាន់ទៅលើសកម្មភាពរួមគ្នារវាងស្ថាប័នទាំងពីរ ដើម្បីគ្រប់គ្រងវិបត្តិនិងកាត់បន្ថយហានិភ័យនៃគ្រោះមហន្តរាយក្នុងប្រទេសកម្ពុជា៕
