បីថ្ងៃក្រោយពីមានការបញ្ជាក់អំពីការកើតមានជំងឺផ្តាសាយជ្រូក H1N1 មន្ត្រីសុខាភិបាលបានចេញវីដេអូណែនាំពលរដ្ឋអំពីវិធានការទប់ស្កាត់ការឆ្លងមេរោគនេះ ដែលត្រូវបានបញ្ជាក់ថា កើតមានលើពលរដ្ឋខ្មែរជាថ្មីកាលពីថ្ងៃសៅរ៍។
លោកវេជ្ជបណ្ឌិត លី សុវណ្ណ អ្នកនាំពាក្យក្រសួងសុខាភិបាល និងជាប្រធាននាយកដ្ឋានប្រយុទ្ធនឹងជំងឺឆ្លង បានចេញវីដេអូថ្មីមួយ ដោយពន្យល់ប្រជាពលរដ្ឋខ្មែរ អំពីការប្រុងប្រយ័ត្នចំពោះការឆ្លងជំងឺផ្តាសាយជ្រូកH1N1 បន្ទាប់ពីជំងឺនេះបានកើតឡើងជាថ្មី កាលពីសប្តាហ៍មុន។
លោក លី សុវណ្ណ រំឭកថា ករណីជំងឺផ្តាសាយជ្រូក H1N1 ធ្លាប់បានកើតឡើងនៅក្នុងប្រទេសកម្ពុជារួចហើយកាលពីឆ្នាំ២០០៩ ហើយ លោកជំរុញឱ្យប្រជាពលរដ្ឋមានការប្រុងប្រយ័ត្ន បើសិនជាអ្នកណាម្នាក់មានជំងឺផ្តាសាយ ហើយត្រូវពាក់ម៉ាស៕
