ភ្នំពេញ —
មួយថ្ងៃក្រោយពីការធ្វើកូដកម្មដើម្បីទាមទារដំឡើងប្រាក់ខែ បុគ្គលិកក្រុមហ៊ុនប្រេងឥន្ធនៈកាល់តិកមិនទាន់ឈានដល់កិច្ចព្រមព្រាងណាមួយនៅឡើយរហូតមកទល់នឹងល្ងាចថ្ងៃអង្គារ។
ក្រុមបុគ្គលិបានប្រកាសថា នឹងបន្តធ្វើកូដកម្មរបស់ខ្លួនបន្តទៀត។
ចាប់តាំងពីរសៀលថ្ងៃអង្គារមក តំណាងភាគីក្រុមហ៊ុនប្រេងឥន្ធនៈកាល់តិកនិងក្រុមបុគ្គលិកក្រុមហ៊ុនបានចរចាគ្នាអស់រយៈពេលជាងបួនម៉ោងដោយមានការចូលរួមពីតំណាងសហជីពនិងតំណាងមកពីក្រសួងការងារ។ ប៉ុន្តែការចរចានេះមិនបានសម្រេចតាមការទាមទាររបស់ក្រុមបុគ្គលិកនោះទេ។
បន្ទាប់ពីកិច្ចចរចានេះ លោក ស មូរ៉ា ប្រធានសហព័ន្ធសហជីពកម្មករ ចំណីអាហារ និងសេវាកម្ពុជា ថ្លែងថា ការចរចាពេញមួយរសៀលនេះមិនទទួលបានលទ្ធភាពអ្វីជាផ្លែផ្កានោះទេ។
«ចំពោះលទ្ធផលនៅថ្ងៃនេះ យើងឃើញថា មិនមានលទ្ធផលអ្វីទេ ដោយសារក្រុមហ៊ុននៅតែរក្សាជំហរមិនដំឡើងប្រាក់ខែទី១៣ឱ្យស្មើបងប្អូនកម្មករនិយោជិក និងស្នើឱ្យលើកពីប្រាក់ខែទី១៣នៅពេលក្រោយ។ ចំពោះរឿងប្រាក់ឈ្នួលវិញ ក្រុមហ៊ុននៅតែស្នើសុំពន្យារពេលពីពីរទៅបីខែដើម្បីធ្វើការសិក្សាស្រាវជ្រាវ និងមិនអាចឆ្លើយជូនជាក់លាក់ ថាតើចំនួនប៉ុន្មានដែលក្រុមហ៊ុនអាចដំឡើងឱ្យបងប្អូននិយោជិកនោះបានទេ»។
យ៉ាងណាក៏ដោយ ភាគីនិយោជិកក្រុមហ៊ុននេះបានច្រានចោលសំណើតបនេះ និងទាមទារដំណោះស្រាយសម្រាប់ពួកគេភ្លាមៗ។
លោកស្រី ចាន់ ឡេក មន្ត្រីទំនាក់ទំនងសាធារណៈរបស់ក្រុមហ៊ុនកាល់តិកប្រចាំកម្ពុជា បានឆ្លើយតបនឹងសំណួររបស់វីអូអេ សំឡេងសហរដ្ឋអាមេរិកតាមរយៈសារអេឡិចត្រូនិចថា ខ្លួនមានការអាក់អន់ចិត្តនៅពេលដែលភាគីសហជីពបន្តបដិសេធសំណើរបស់ក្រុមហ៊ុន។
ហើយក្រុមហ៊ុនសង្ឃឹមថា បុគ្គលិករបស់ខ្លួននឹងយល់ព្រមដោះស្រាយបញ្ហានេះដោយសុឆន្ទៈនិងបោះបង់ចោលកូដកម្មដែលមិនស្របច្បាប់របស់ពួកគេ។
នេះគឺជាលើកទី១ហើយដែលបុគ្គលិកនៃក្រុមហ៊ុនប្រេងឥន្ធនៈអាមេរិកាំងនេះធ្វើការតវ៉ាដើម្បីទាមទារដំឡើងប្រាក់ខែ ស្របពេលដែលក្រុមហ៊ុនChevron គ្រោងនឹងចាប់ផ្តើមបូមប្រេងនៅឈូងសមុទ្រដែនទឹកកម្ពុជានៅឆ្នាំ២០១៦។
ក្រុមបុគ្គលិកក្រុមហ៊ុនកាល់តិចប្រមាណ៣០០នាក់បានធ្វើកូដកម្មនៅតាមស្ថានីយ៍នីមួយៗចាប់តាំងពីថ្ងៃច័ន្ទម្សិលមិញមកម្ល៉េះ ដោយទាមទារការដំឡើងប្រាក់ខែរហូតដល់១៦០ដុល្លារក្នុងមួយខែនិងទាមទារឱ្យមានប្រាក់ខែទី១៣។
បុគ្គលិកក្រុមហ៊ុនកាល់តិកផ្នែកអនាម័យ បច្ចុប្បន្ន ទទួលបានប្រាក់ខែ១០០ដុល្លារ បុគ្គលិកចាក់សាំងទទួលបាន១១០ដុល្លារនិងផ្នែកបេឡាទទួលបាន១៣០ដុល្លារ។
ក្រុមបាតុករបានអះអាងថា ក្រុមហ៊ុនអន្តរជាតិមួយនេះដែលធ្លាប់តែអះអាងថា ជាក្រុមហ៊ុនគោរពតាមបទដ្ឋានអន្តរជាតិនិងបានចូលរួមកិច្ចការសង្គមជាច្រើននោះ បានខកខានក្នុងការផ្តល់ប្រាក់បៀវត្សរ៍សមរម្យដល់បុគ្គលិកខ្លួន។
ស្ថានីយ៍ប្រេងឥន្ធនៈកាល់តិកជាផ្នែកមួយរបស់ក្រុមហ៊ុន Chevron ដែលជាក្រុមហ៊ុនផលិតប្រេងឥន្ធនៈ និងឧស្ម័នដ៏ធំបំផុតមួយលំដាប់អន្តរជាតិដែលមានមូលដ្ឋាននៅសហរដ្ឋអាមេរិក។ កាលពីឆ្នាំ២០១៣ ក្រុមហ៊ុននេះរកចំណូលបានជាង២២០ពាន់លានដុល្លារអាមេរិកពីការលក់ និងចែកចាយប្រេងឥន្ធនៈ។ នេះបើតាមគេហទំព័ររបស់ក្រុមហ៊ុននេះ។
ការតវ៉ារបស់បុគ្គលិកក្រុមហ៊ុនកាល់តិកនេះ កើតឡើងក្រោយពីបាតុកម្មរបស់កម្មកររោងចក្ររាប់ម៉ឺននាក់ និងបាតុកម្មរបស់កម្មករក្រុមហ៊ុនឯកជនមួយចំនួនទៀតតាំងពីចុងឆ្នាំ២០១៣មក ក្នុងបុព្វហេតុដូចគ្នានេះ។
ក្រុមកម្មករក៏បានទាមទារឲ្យមានការដំឡើងប្រាក់ខែគោលឲ្យដល់១៦០ដុល្លារក្នុងមួយខែដែរ។
ក្រោយពីកិច្ចប្រជុំ ដែលមិនបានលទ្ធផលខាងលើនេះ តំណាងក្រសួងការងារបានស្នើឲ្យមានការចរចាគ្នាឡើងវិញរវាងក្រុមហ៊ុនប្រេងឥន្ធនៈកាល់តិក និងក្រុមបុគ្គលិកនៅថ្ងៃទី២០ខែឧសភានេះ៕
ក្រុមបុគ្គលិបានប្រកាសថា នឹងបន្តធ្វើកូដកម្មរបស់ខ្លួនបន្តទៀត។
ចាប់តាំងពីរសៀលថ្ងៃអង្គារមក តំណាងភាគីក្រុមហ៊ុនប្រេងឥន្ធនៈកាល់តិកនិងក្រុមបុគ្គលិកក្រុមហ៊ុនបានចរចាគ្នាអស់រយៈពេលជាងបួនម៉ោងដោយមានការចូលរួមពីតំណាងសហជីពនិងតំណាងមកពីក្រសួងការងារ។ ប៉ុន្តែការចរចានេះមិនបានសម្រេចតាមការទាមទាររបស់ក្រុមបុគ្គលិកនោះទេ។
បន្ទាប់ពីកិច្ចចរចានេះ លោក ស មូរ៉ា ប្រធានសហព័ន្ធសហជីពកម្មករ ចំណីអាហារ និងសេវាកម្ពុជា ថ្លែងថា ការចរចាពេញមួយរសៀលនេះមិនទទួលបានលទ្ធភាពអ្វីជាផ្លែផ្កានោះទេ។
«ចំពោះលទ្ធផលនៅថ្ងៃនេះ យើងឃើញថា មិនមានលទ្ធផលអ្វីទេ ដោយសារក្រុមហ៊ុននៅតែរក្សាជំហរមិនដំឡើងប្រាក់ខែទី១៣ឱ្យស្មើបងប្អូនកម្មករនិយោជិក និងស្នើឱ្យលើកពីប្រាក់ខែទី១៣នៅពេលក្រោយ។ ចំពោះរឿងប្រាក់ឈ្នួលវិញ ក្រុមហ៊ុននៅតែស្នើសុំពន្យារពេលពីពីរទៅបីខែដើម្បីធ្វើការសិក្សាស្រាវជ្រាវ និងមិនអាចឆ្លើយជូនជាក់លាក់ ថាតើចំនួនប៉ុន្មានដែលក្រុមហ៊ុនអាចដំឡើងឱ្យបងប្អូននិយោជិកនោះបានទេ»។
យ៉ាងណាក៏ដោយ ភាគីនិយោជិកក្រុមហ៊ុននេះបានច្រានចោលសំណើតបនេះ និងទាមទារដំណោះស្រាយសម្រាប់ពួកគេភ្លាមៗ។
លោកស្រី ចាន់ ឡេក មន្ត្រីទំនាក់ទំនងសាធារណៈរបស់ក្រុមហ៊ុនកាល់តិកប្រចាំកម្ពុជា បានឆ្លើយតបនឹងសំណួររបស់វីអូអេ សំឡេងសហរដ្ឋអាមេរិកតាមរយៈសារអេឡិចត្រូនិចថា ខ្លួនមានការអាក់អន់ចិត្តនៅពេលដែលភាគីសហជីពបន្តបដិសេធសំណើរបស់ក្រុមហ៊ុន។
ហើយក្រុមហ៊ុនសង្ឃឹមថា បុគ្គលិករបស់ខ្លួននឹងយល់ព្រមដោះស្រាយបញ្ហានេះដោយសុឆន្ទៈនិងបោះបង់ចោលកូដកម្មដែលមិនស្របច្បាប់របស់ពួកគេ។
នេះគឺជាលើកទី១ហើយដែលបុគ្គលិកនៃក្រុមហ៊ុនប្រេងឥន្ធនៈអាមេរិកាំងនេះធ្វើការតវ៉ាដើម្បីទាមទារដំឡើងប្រាក់ខែ ស្របពេលដែលក្រុមហ៊ុនChevron គ្រោងនឹងចាប់ផ្តើមបូមប្រេងនៅឈូងសមុទ្រដែនទឹកកម្ពុជានៅឆ្នាំ២០១៦។
ក្រុមបុគ្គលិកក្រុមហ៊ុនកាល់តិចប្រមាណ៣០០នាក់បានធ្វើកូដកម្មនៅតាមស្ថានីយ៍នីមួយៗចាប់តាំងពីថ្ងៃច័ន្ទម្សិលមិញមកម្ល៉េះ ដោយទាមទារការដំឡើងប្រាក់ខែរហូតដល់១៦០ដុល្លារក្នុងមួយខែនិងទាមទារឱ្យមានប្រាក់ខែទី១៣។
បុគ្គលិកក្រុមហ៊ុនកាល់តិកផ្នែកអនាម័យ បច្ចុប្បន្ន ទទួលបានប្រាក់ខែ១០០ដុល្លារ បុគ្គលិកចាក់សាំងទទួលបាន១១០ដុល្លារនិងផ្នែកបេឡាទទួលបាន១៣០ដុល្លារ។
ក្រុមបាតុករបានអះអាងថា ក្រុមហ៊ុនអន្តរជាតិមួយនេះដែលធ្លាប់តែអះអាងថា ជាក្រុមហ៊ុនគោរពតាមបទដ្ឋានអន្តរជាតិនិងបានចូលរួមកិច្ចការសង្គមជាច្រើននោះ បានខកខានក្នុងការផ្តល់ប្រាក់បៀវត្សរ៍សមរម្យដល់បុគ្គលិកខ្លួន។
ស្ថានីយ៍ប្រេងឥន្ធនៈកាល់តិកជាផ្នែកមួយរបស់ក្រុមហ៊ុន Chevron ដែលជាក្រុមហ៊ុនផលិតប្រេងឥន្ធនៈ និងឧស្ម័នដ៏ធំបំផុតមួយលំដាប់អន្តរជាតិដែលមានមូលដ្ឋាននៅសហរដ្ឋអាមេរិក។ កាលពីឆ្នាំ២០១៣ ក្រុមហ៊ុននេះរកចំណូលបានជាង២២០ពាន់លានដុល្លារអាមេរិកពីការលក់ និងចែកចាយប្រេងឥន្ធនៈ។ នេះបើតាមគេហទំព័ររបស់ក្រុមហ៊ុននេះ។
ការតវ៉ារបស់បុគ្គលិកក្រុមហ៊ុនកាល់តិកនេះ កើតឡើងក្រោយពីបាតុកម្មរបស់កម្មកររោងចក្ររាប់ម៉ឺននាក់ និងបាតុកម្មរបស់កម្មករក្រុមហ៊ុនឯកជនមួយចំនួនទៀតតាំងពីចុងឆ្នាំ២០១៣មក ក្នុងបុព្វហេតុដូចគ្នានេះ។
ក្រុមកម្មករក៏បានទាមទារឲ្យមានការដំឡើងប្រាក់ខែគោលឲ្យដល់១៦០ដុល្លារក្នុងមួយខែដែរ។
ក្រោយពីកិច្ចប្រជុំ ដែលមិនបានលទ្ធផលខាងលើនេះ តំណាងក្រសួងការងារបានស្នើឲ្យមានការចរចាគ្នាឡើងវិញរវាងក្រុមហ៊ុនប្រេងឥន្ធនៈកាល់តិក និងក្រុមបុគ្គលិកនៅថ្ងៃទី២០ខែឧសភានេះ៕
