ភ្នំពេញ —
ក្រុមស្ត្រីនាំមុខមកពីប្រទេសកម្ពុជានិងមកពីប្រទេសភូមាបានជួបប្រជុំគ្នានៅថ្ងៃសុក្រនេះសម្រាប់រយៈពេលពីរថ្ងៃដើម្បីចែករំលែកអំពីការតស៊ូដើម្បីអ្វីមួយដែលស្ត្រីទាំងនោះហៅថា «សម្រាប់ការផ្លាស់ប្តូរសង្គម» និងដើម្បីបង្កើតបណ្តាញថា្នក់ជាតិមួយនៃអ្នកដឹកនាំសង្គមស៊ីវិលជាស្ត្រី។
លោកស្រីមូរ សុខហួរ តំណាងរាស្ដ្រជាប់ឆ្នោតខាងរបស់គណបក្សសង្គ្រោះជាតិនិងជាអ្នកសម្របសម្រួលកិច្ចប្រជុំនេះមួយរូបបានថ្លែងក្នុងសន្និសីទសារព័ត៌មានក្នុងទីក្រុងភ្នំពេញថាបណ្តាញស្ត្រីនេះគឺដើម្បីជំរុញស្ត្រីក្នុងចលនានយោបាយនិងសម្រាប់កែប្រែនិងអភិវឌ្ឍន៍សង្គម។
លោកស្រីបន្ថែមថា៖ «ធំបំផុតគឺជំរុញឲ្យស្ត្រីក្លាយជាអ្នកនយោបាយ នៅថ្នាក់ជាតិក៏ដូចជានៅថ្នាក់មូលដ្ឋានដែរ។យើងតស៊ូមតិដើម្បីឲ្យមានការផ្លាស់ប្តូរ។យើងតស៊ូមតិដោយយើងចងកម្លាំងគ្នាជាស្ត្រីនៅប្រទេសភូមា ស្ត្រីនៅប្រទេសកម្ពុជាជាបណ្តាញពីប្រទេសមួយទៅប្រទេសមួយ»។
អង្គការអាមេរិកាំងចំនួនពីរគឺ អង្គការ Vital Voices Global Partnership ដែលជាអង្គការបង្កើតឡើងដោយលោកស្រី Hillary Clinton អតីតរដ្ឋមន្ត្រីការបរទេសអាមេរិកនិងមូលនិធិ Open Society Foundation បានគាំទ្រដល់ការបង្កើតបណ្តាញស្ត្រីជាអ្នកដឹកនាំនេះ រួមជាមួយនឹងអង្គការស្ត្រីខ្មែរដែលជាអង្គការក្នុងស្រុក។
មានស្ត្រីមកពីប្រទេសភូមាចំនួន៨រូបដែលធ្វើការក្នុងមជ្ឈដ្ឋានផ្សេងៗគ្នាក្នុងនោះមានផ្នែកអង្គការសង្គមស៊ីវិលនិងផ្នែកជំនួញផងដែរ។
ដោយឡែកស្ត្រីកម្ពុជាមានចំនួនប្រាំរូបក្នុងនោះមានលោកស្រីមូរ សុខហួរ ដែលតំណាងអ្នកនយោបាយមកពីគណបក្សសង្គ្រោះជាតិ សកម្មជនដីធ្លីនិងតំណាងសង្គមស៊ីវិល។
លោកស្រី Yin Myo Su ស្ថាបនិកនិងជានាយិកាអង្គការ Inthar Heritage House របស់ប្រទេសភូមាមានប្រសាសន៍ក្នុងសន្និសីទកាសែតដែរថាស្ថានភាពសង្គមនិងនយោបាយនៅក្នុងប្រទេសភូមាប្រហាក់ប្រហែលនឹងនៅប្រទេសកម្ពុជាដែរដូចជាការរំលោភដីដែលកើតរាល់ថ្ងៃហើយស្រ្តីមកពីប្រទេសភូមាចង់ដឹងថាតើស្ត្រីកម្ពុជាដោះស្រាយយ៉ាងដូចម្តេច។ មួយវិញទៀតការប្រឈមមានសភាពធំធេងនិងគ្រោះថ្នាក់នៅប្រទេសភូមា។
«យើងមកទីនេះដើម្បីរៀនសូត្រពីបងប្អូនស្រីជនជាតិកម្ពុជារបស់យើង។ហើយយើងនឹងចែករំលែកបទពិសោធន៍របស់យើងផងដែរ។កិច្ចសន្ទនានេះមានសារៈសំខាន់ណាស់។មិនមែនសម្រាប់តែអ្នកចូលរួមទាំងនេះទេប៉ុន្តែវាមានសារៈសំខាន់សម្រាប់ពេលដែលយើងវិលត្រឡប់ទៅកាន់ប្រទេសរបស់យើង សហគមន៍របស់យើងនិងវិលត្រឡប់ទៅកាន់ការងាររបស់យើងវិញ។ការរៀនសូត្រពីស្ត្រីជាអ្នកដឹកនាំរបស់ប្រទេសកម្ពុជានឹងជួយយើងច្រើនណាស់»។
នៅក្នុងកិច្ចប្រជុំនៃបណ្តាញស្ត្រីនេះដែរមានស្ត្រីភូមាដែលធ្វើការនៅក្នុងសង្គមស៊ីវិលធ្លាប់ត្រូវបានអាជ្ញាធរទីក្រុងរ៉ង់ហ្គោនចាប់ដាក់គុករយៈពេលប្រាំពីរឆ្នាំហើយសកម្មជនដីធ្លីនៅក្នុងប្រទេសកម្ពុជា អ្នកស្រីទេព វន្នី ដែលជាអ្នកតវ៉ាឈានមុខនៃសហគមន៍បឹងកក់ក៏បានចូលរួមចែករំលែកបទពិសោធន៍ក្នុងការតស៊ូរបស់ខ្លួនដែរ។
កញ្ញា Lauren Wollack អ្នកគ្រប់គ្រងជាន់ខ្ពស់នៃកម្មវិធីប្រគល់អំណាចជាយុទ្ធសាស្ដ្រនិងការច្នៃប្រឌិតរបស់អង្គការ Vital Voices Global Partnership យល់ឃើញថាជំនួបរវាងស្ត្រីនៃប្រទេសទាំងពីរនឹងជួយលើកទឹកចិត្តឲ្យពួកគាត់ធ្វើការសហការគ្នានិងធ្វើសកម្មភាពថ្មីៗបន្ថែមទៀត។
«ខ្ញុំគិតថាការប្រឈមជាច្រើនដែលយើងជួបប្រទះនៅក្នុងប្រទេសកម្ពុជា ដែលលោកស្រីមូរ សុខហួរ ប្រឈម លោកឃើញព្រឹត្តិការណ៍ដូចគ្នានេះនៅប្រទេសភូមា ដូចជាការរំលោភដីធ្លី អំពើហិង្សា ការបង្រ្កាបនៅពេលដែលប្រជាពលរដ្ឋព្យាយាមស្វែងរកគោលការណ៍លទ្ធិប្រជាធិបតេយ្យ។ដូច្នេះខ្ញុំគិតថាក្រុមស្ត្រីមកចូលរួមនៅទីនេះចែករំលែកបទពិសោធន៍គ្នាអំពីបញ្ហាទាំងនេះ ហើយពួកគាត់និយាយថាដើម្បីប្រកាន់យកការជាក់ជាក់ទាំងនេះគឺមានតែធ្វើឲ្យសំឡេងរបស់ស្ត្រីរឹងមាំជាងមុន និងមានអំណាចជាងមុន»។
នៅប្រទេសភូមាប្រព័ន្ធអ៊ីនធើណិតមានភាពលំបាកនិងដំណើរការយឺតជាងប្រទេសកម្ពុជា។
ក្នុងនោះដែរស្ត្រីកម្ពុជានឹងបង្ហាញពីផលប្រយោជន៍នៃការប្រើប្រាស់បណ្តាញសង្គមសម្រាប់គាំទ្រដល់ការតស៊ូរបស់ស្ត្រី។
ឯកអគ្គរដ្ឋទូតសហរដ្ឋអាមេរិកលោកវីលាម ថដ (William E. Todd) ក៏បានជួបស្ត្រីមកពីប្រទេសទាំងពីរផងដែរនៅល្ងាចថ្ងៃសុក្រនេះ៕
លោកស្រីមូរ សុខហួរ តំណាងរាស្ដ្រជាប់ឆ្នោតខាងរបស់គណបក្សសង្គ្រោះជាតិនិងជាអ្នកសម្របសម្រួលកិច្ចប្រជុំនេះមួយរូបបានថ្លែងក្នុងសន្និសីទសារព័ត៌មានក្នុងទីក្រុងភ្នំពេញថាបណ្តាញស្ត្រីនេះគឺដើម្បីជំរុញស្ត្រីក្នុងចលនានយោបាយនិងសម្រាប់កែប្រែនិងអភិវឌ្ឍន៍សង្គម។
លោកស្រីបន្ថែមថា៖ «ធំបំផុតគឺជំរុញឲ្យស្ត្រីក្លាយជាអ្នកនយោបាយ នៅថ្នាក់ជាតិក៏ដូចជានៅថ្នាក់មូលដ្ឋានដែរ។យើងតស៊ូមតិដើម្បីឲ្យមានការផ្លាស់ប្តូរ។យើងតស៊ូមតិដោយយើងចងកម្លាំងគ្នាជាស្ត្រីនៅប្រទេសភូមា ស្ត្រីនៅប្រទេសកម្ពុជាជាបណ្តាញពីប្រទេសមួយទៅប្រទេសមួយ»។
អង្គការអាមេរិកាំងចំនួនពីរគឺ អង្គការ Vital Voices Global Partnership ដែលជាអង្គការបង្កើតឡើងដោយលោកស្រី Hillary Clinton អតីតរដ្ឋមន្ត្រីការបរទេសអាមេរិកនិងមូលនិធិ Open Society Foundation បានគាំទ្រដល់ការបង្កើតបណ្តាញស្ត្រីជាអ្នកដឹកនាំនេះ រួមជាមួយនឹងអង្គការស្ត្រីខ្មែរដែលជាអង្គការក្នុងស្រុក។
មានស្ត្រីមកពីប្រទេសភូមាចំនួន៨រូបដែលធ្វើការក្នុងមជ្ឈដ្ឋានផ្សេងៗគ្នាក្នុងនោះមានផ្នែកអង្គការសង្គមស៊ីវិលនិងផ្នែកជំនួញផងដែរ។
ដោយឡែកស្ត្រីកម្ពុជាមានចំនួនប្រាំរូបក្នុងនោះមានលោកស្រីមូរ សុខហួរ ដែលតំណាងអ្នកនយោបាយមកពីគណបក្សសង្គ្រោះជាតិ សកម្មជនដីធ្លីនិងតំណាងសង្គមស៊ីវិល។
លោកស្រី Yin Myo Su ស្ថាបនិកនិងជានាយិកាអង្គការ Inthar Heritage House របស់ប្រទេសភូមាមានប្រសាសន៍ក្នុងសន្និសីទកាសែតដែរថាស្ថានភាពសង្គមនិងនយោបាយនៅក្នុងប្រទេសភូមាប្រហាក់ប្រហែលនឹងនៅប្រទេសកម្ពុជាដែរដូចជាការរំលោភដីដែលកើតរាល់ថ្ងៃហើយស្រ្តីមកពីប្រទេសភូមាចង់ដឹងថាតើស្ត្រីកម្ពុជាដោះស្រាយយ៉ាងដូចម្តេច។ មួយវិញទៀតការប្រឈមមានសភាពធំធេងនិងគ្រោះថ្នាក់នៅប្រទេសភូមា។
«យើងមកទីនេះដើម្បីរៀនសូត្រពីបងប្អូនស្រីជនជាតិកម្ពុជារបស់យើង។ហើយយើងនឹងចែករំលែកបទពិសោធន៍របស់យើងផងដែរ។កិច្ចសន្ទនានេះមានសារៈសំខាន់ណាស់។មិនមែនសម្រាប់តែអ្នកចូលរួមទាំងនេះទេប៉ុន្តែវាមានសារៈសំខាន់សម្រាប់ពេលដែលយើងវិលត្រឡប់ទៅកាន់ប្រទេសរបស់យើង សហគមន៍របស់យើងនិងវិលត្រឡប់ទៅកាន់ការងាររបស់យើងវិញ។ការរៀនសូត្រពីស្ត្រីជាអ្នកដឹកនាំរបស់ប្រទេសកម្ពុជានឹងជួយយើងច្រើនណាស់»។
នៅក្នុងកិច្ចប្រជុំនៃបណ្តាញស្ត្រីនេះដែរមានស្ត្រីភូមាដែលធ្វើការនៅក្នុងសង្គមស៊ីវិលធ្លាប់ត្រូវបានអាជ្ញាធរទីក្រុងរ៉ង់ហ្គោនចាប់ដាក់គុករយៈពេលប្រាំពីរឆ្នាំហើយសកម្មជនដីធ្លីនៅក្នុងប្រទេសកម្ពុជា អ្នកស្រីទេព វន្នី ដែលជាអ្នកតវ៉ាឈានមុខនៃសហគមន៍បឹងកក់ក៏បានចូលរួមចែករំលែកបទពិសោធន៍ក្នុងការតស៊ូរបស់ខ្លួនដែរ។
កញ្ញា Lauren Wollack អ្នកគ្រប់គ្រងជាន់ខ្ពស់នៃកម្មវិធីប្រគល់អំណាចជាយុទ្ធសាស្ដ្រនិងការច្នៃប្រឌិតរបស់អង្គការ Vital Voices Global Partnership យល់ឃើញថាជំនួបរវាងស្ត្រីនៃប្រទេសទាំងពីរនឹងជួយលើកទឹកចិត្តឲ្យពួកគាត់ធ្វើការសហការគ្នានិងធ្វើសកម្មភាពថ្មីៗបន្ថែមទៀត។
«ខ្ញុំគិតថាការប្រឈមជាច្រើនដែលយើងជួបប្រទះនៅក្នុងប្រទេសកម្ពុជា ដែលលោកស្រីមូរ សុខហួរ ប្រឈម លោកឃើញព្រឹត្តិការណ៍ដូចគ្នានេះនៅប្រទេសភូមា ដូចជាការរំលោភដីធ្លី អំពើហិង្សា ការបង្រ្កាបនៅពេលដែលប្រជាពលរដ្ឋព្យាយាមស្វែងរកគោលការណ៍លទ្ធិប្រជាធិបតេយ្យ។ដូច្នេះខ្ញុំគិតថាក្រុមស្ត្រីមកចូលរួមនៅទីនេះចែករំលែកបទពិសោធន៍គ្នាអំពីបញ្ហាទាំងនេះ ហើយពួកគាត់និយាយថាដើម្បីប្រកាន់យកការជាក់ជាក់ទាំងនេះគឺមានតែធ្វើឲ្យសំឡេងរបស់ស្ត្រីរឹងមាំជាងមុន និងមានអំណាចជាងមុន»។
នៅប្រទេសភូមាប្រព័ន្ធអ៊ីនធើណិតមានភាពលំបាកនិងដំណើរការយឺតជាងប្រទេសកម្ពុជា។
ក្នុងនោះដែរស្ត្រីកម្ពុជានឹងបង្ហាញពីផលប្រយោជន៍នៃការប្រើប្រាស់បណ្តាញសង្គមសម្រាប់គាំទ្រដល់ការតស៊ូរបស់ស្ត្រី។
ឯកអគ្គរដ្ឋទូតសហរដ្ឋអាមេរិកលោកវីលាម ថដ (William E. Todd) ក៏បានជួបស្ត្រីមកពីប្រទេសទាំងពីរផងដែរនៅល្ងាចថ្ងៃសុក្រនេះ៕
