ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

សមាជិក​សភា​អង់គ្លេស​ស្រងាក​ចិត្ត​ បន្ទាប់​ពីឯកអគ្គរាជ​ទូត​អង់គ្លេស​នៅអាមេរិក​ចុះ​ចេញ​ពី​តំណែង


រូបឯកសារ៖ ឯកអគ្គរដ្ឋទូតអង់គ្លេសប្រចាំសហរដ្ឋអាមេរិកលោក Kim Darroch បើកកម្មវិធី «សេដ្ឋវិទូជាតិ» នៅស្ថានទូតអង់គ្លេសក្នុងរដ្ឋធានីវ៉ាស៊ីនតោន កាលពីថ្ងៃទី២០ ខែតុលា ឆ្នាំ២០១៧។

លោកស្រី​នាយករដ្ឋមន្ត្រី​អង់គ្លេស Theresa May ដែលជិត​ចាកចេញពី​តំណែង​ បានសម្តែង​ការ​ស្រងាក​ចិត្ត​​របស់លោកស្រី​ដល់​​ការ​លាលេង​ចេញ​ពី​តំណែង​របស់​លោក Darroch ដោយ​លោកស្រី​បានមានប្រសាសន៍​ថា​វា​ជា «ការសោកស្តាយ​ធំមួយ»។

សេចក្តីសម្រេចរបស់លោក Kim Darroch ក្នុង​ការ​លាលែង​ចេញ​ពី​តំណែងឯកអគ្គរាជទូតរបស់​អង់គ្លេស​ប្រចាំ​ស.រ.អាបានធ្វើឱ្យ​ពួក​សមាជិក​សភា​អង់គ្លេស​មានការ​ស្រងាក​ចិត្តនៅ​ទូទាំង​វិសាលគម​នយោបាយ ដោយមាន​ពួក​គេ​ច្រើន​នាក់មាន​អារម្មណ៍​ថា ​រដ្ឋបាលលោកត្រាំ​បាន​សម្លុត​ឱ្យ​លោកចាកចេញ​ពី​ស្ថានទូត។

លោក​ Tom Tugendhat នៃ​គណបក្ស​អភិរក្សនិយម​ដែលជា​ប្រធាន​នៃ​គណៈកម្មាធិការ​កិច្ចការ​បរទេសរបស់​រដ្ឋសភា​បានសាកសួរ​ថា​ «តើ​អធិបតេយ្យភាព​មានន័យ​បែបណា​ប្រសិន​បើ​លោកអ្នក​មិន​អាចជ្រើសរើស​នរណា​ម្នាក់​ឱ្យតំណាង​លោកអ្នកផងនោះ? ខ្ញុំ​ស្រងាក​ចិត្ត​ខ្លាំង​ណាស់នឹង​ការណ៍នេះ»។

លោក Darroch ដែល​ប្រឈម​នឹង​ការរិះគន់យ៉ាង​ខ្លាំង​ពីប្រធានាធិបតី​ត្រាំនៅ​ក្រោយ​ការលេច​ធ្លាយ​ទូរលេខ​សម្ងាត់​ដែល​និយាយ​មិនល្អ​អំពី​ប្រធានាធិបតី​ស.រ.អារូបនេះ បានមានប្រសាសន៍​កាលពី​ថ្ងៃពុធថា​ លោកបានលាលែងចេញពី​តំណែង​ពីព្រោះ «ស្ថានការណ៍បច្ចុប្បន្ន​មិនអាចធ្វើឱ្យលោក​បំពេញមុខនាទី​ខ្ញុំ​បានទេ»។

បើ​តាម​លោក​ Tugendhat ថា «វា​ហាក់​ដូចជា​ប្រេសិត​អង់គ្លេសរូបនេះ​បានត្រូវ​ដក​ចេញ​ពី​តំណែង​ដោយសារ​មាន​ការ​ប៉ង​ប្រាថ្នា​ដូច្នេះ​របស់​អ្នកគ្រប់គ្រង​បរទេស​ម្នាក់»។

កាល​ពីពេលមុន​នោះនៅក្នុង​រដ្ឋសភា លោកស្រី​នាយករដ្ឋមន្ត្រី​អង់គ្លេស Theresa May ដែលជិត​ចាកចេញពី​តំណែង​ បានសម្តែង​ការ​ស្រងាក​ចិត្តរបស់លោកស្រី​ដល់ការ​លាលេង​ចេញ​ពី​តំណែង​របស់​លោក Darroch ដោយ​លោកស្រី​បានមានប្រសាសន៍​ថា​វា​ជា «ការសោកស្តាយ​ធំមួយ»។លោកស្រី​បាននិយាយ​ថា​ «រដ្ឋាភិបាល​ល្អ» ពឹងពាក់​លើ​ពួក​អ្នករដ្ឋការ​ផ្តល់ «យោបល់ពេញ​លេញ​និងដោយស្មោះត្រង់»៕

XS
SM
MD
LG