ភ្ជាប់​ទៅ​គេហទំព័រ​ទាក់ទង

ឥទ្ធិពល​របស់​ប៊ិន​ឡាដិន​នៅ​ក្នុង​មជ្ឈឹម​បូព៌ា​​ចុះ​ថយ​នៅ​ពេល​ថ្មីៗ​នេះ


បុរស​ជនជាតិ​ហ្សរដង់​ម្នាក់​មាន​ប្រតិកម្ម​នៅ​ពេល​ដែល​លោក​កំពុង​ទស្សនា​សេចក្តី​រាយការណ៍​ព័ត៌មាន​​មួយ​តាម​ទូរទស្សន៍​​ដែល​និយាយ​អំពី​​ការ​សម្លាប់​អូសាម៉ា​ប៊ិន​ឡាដិន នៅ​ឯ​ហាង​កាហ្វេ​មួយ​​នៅ​ទី​ក្រុង​អាម្មាន់ ប្រទេស​ហ្សរដង់​កាល​ពី​ថ្ងៃ​​ច័ន្ទ​ទី​០២​ខែ​ឧសភា​ឆ្នា

ព័ត៌មាន​អំពី​ការ​ស្លាប់​របស់​អូសាម៉ា​ប៊ិន​ឡាដិន​ត្រូវ​បាន​ទទួល​ស្វាគមន៍​ជា​ទូទៅ​នៅ​ទូទាំង​មជ្ឈឹម​បូព៌ា​ ក៏​ប៉ុន្ដែ​នៅ​តែ​មាន​សេចក្ដី​ព្រួយ​បារម្ភ​ថា​ ប្រព័ន្ធ​អាល់​ខៃ​ដា​របស់​គាត់​នឹង​មិនបញ្ចប់​ភ្លាមៗនោះ​ទេ។

នៅ​ប្រទេស​យេមែន​ ដែល​នៅ​ក្នុង​ប្រទេស​នោះ​ក្រុម​សាខា​របស់​ពួក​អាល់​ខេដានៅ​ក្នុង​ឧបទ្វីប​អារ៉ាប់​ចាក់​ឬស​គល់​ ក្រុម​មន្ដ្រី​រដ្ឋាភិបាល​អបអរសាទរ​ចំពោះ​ព័ត៌មាន​ថា​ជាជោគជ័យ​សំខាន់​មួយ​នៅ​ក្នុង​ការ​ប្រយុទ្ធ​ប្រឆាំង​ភេរវកម្ម។​ ជនជាតិ​យេមែន​សាមញ្ញជា​ច្រើន​នាក់​ក៏​មាន​អារម្មណ៍​ដូច​គ្នា​ដែរ។

លោក​ Mortada Abed Al Qader អ្នក​ស្រុក​រស់នៅ​ក្នុង​ទី​ក្រុង​សាណា​ និយាយ​ថា​ ប៊ិន​ឡាដិន​ជាប់​ពាក់​ព័ន្ធ​នឹង​ការ​ប្រព្រឹត្ដខុស​ឆ្គងជា​ច្រើន​ប្រឆាំង​នឹង​អ៊ិស្លាម​ ហើយ​ថា​ការ​ស្លាប់​របស់​គាត់​នេះ​ ជា​ការ​ត្រឹម​ត្រូវ​ហើយ។

ការ​សម្ដែង​ការ​ធូរ​ស្រាល​នៅ​ក្នុង​ចិត្ដ​ដូច​គ្នា​នេះ​ត្រូវ​បាន​ឮ​ពី​ក្រុម​មេដឹកនាំ​ហើយនឹង​ពលរដ្ឋ​នៅ​ជុំ​វិញ​តំបន់​នេះ។

លោក​ Abdullah Gul ប្រធានាធិបតី​នៃ​ប្រទេស​ទួរគី​មាន​ប្រសាសន៍​ថា​ សកម្មភាព​នេះ​បង្ហាញ​ឲ្យ​ឃើញ​ថា​ពួក​ភេរវជន​ នៅ​ទី​បញ្ចប់់​នឹង​ត្រូវ​បាន​ចាប់ទោះបី​ជា​ស្លាប់​ឬ​រស់។

នៅ​ក្នុង​ប្រទេស​អ៊ីស្រាអែល​ដែល​នៅ​ទី​នោះ​រដ្ឋាភិបាល​ជា​កំណត់​មុខ​សញ្ញារបស់​កំហឹង​របស់ប៊ិន​ឡាដិន ក្រុម​មេដឹកនាំ​សម្ដែង​ការ​រីករាយ​ចំពោះ​ព័ត៌មាន​នេះ។​លោ​ក​នាយក​រដ្ឋមន្ដ្រី Benjamin Netanyahu ហៅ​ការ​ សម្លាប់​នេះថា​ជា​ជ័យជម្នះ​យ៉ាង​ខ្ទរ​ខ្ទារ​សម្រាប់យុត្ដិធ៌ម។ ក៏​ប៉ុន្ដែ​ក្រុម​ប៉ាឡេស្ទីន​អ៊ិស្លាម​ហាម៉ាសថ្កោល​ទោស​ចំពោះ​ការ​សម្លាប់​នេះ ដោយ​ហៅ​ ប៊ិន​ឡាដិនថា​ជា​អ្នក​ចម្បាំង​អារ៉ាប់​ពិសិដ្ឋ៕

ប្រែសម្រួល​ដោយ​ កង ស៊ីវន

XS
SM
MD
LG