លោក​ប្រធានាធិបតី​ Joe Biden នឹង​ទទួល​ស្វាគមន៍​នាយករដ្ឋមន្ត្រី​ជប៉ុន​លោក Fumio Kishida និង​ប្រធានាធិបតី​ហ្វីលីពីន Ferdinand Marcos Jr. នៅ​សេតវិមាន​នៅ​ថ្ងៃទី១១ ខែមេសា។ ជំនួប​កំពូល​ត្រីភាគី​លើកដំបូង​រវាង​រដ្ឋាភិបាល​ក្រុងវ៉ាស៊ីនតោន​និង​សម្ព័ន្ធ​អាស៊ី​ទាំងពីរ​នឹង​បើក​ឱ្យ​មាន​គំនិត​ផ្តួចផ្តើម​ជាច្រើន​រួមបញ្ចូល​ទាំងការ​បង្កើន​​កិច្ច​សហប្រតិបត្តិការ​ដែនសមុទ្រត្រីភាគី​នៅ​ក្នុងតំបន់​សមុទ្រចិន​ខាងត្បូង ដែលជា​ចំណាត់ការ​ដ៏ធំមួយ​ប្រឆាំងនឹង​ចិន។ អ្នកស្រី Patsy Widakuswara ប្រធាន​អ្នក​ឆ្លើយឆ្លង​ព័ត៌មាន​របស់ VOA ប្រចាំ​សេតវិមាន​រាយការណ៍​អំពីរឿងនេះ។ អ្នកនាង ស្រេង លក្ខិណា ជូនសេចក្តី​ប្រែសម្រួល។