គ្រាដែលការបោះឆ្នោតជ្រើសរើសប្រធានាធិបតីនៅថ្ងៃទី៣ ខែវិច្ឆិកា កាន់តែខិតជិតមកដល់ លោកអតីតអនុប្រធានាធីបតី Joe Biden បានចេញធ្វើយុទ្ធនាការរកសំឡេងឆ្នោតកាន់តែសកម្ម ក្រោយពីលោកបានប្រកាសកាលពីថ្ងៃអង្គារថា បានជ្រើសរើសយកលោកស្រី Kamala Harris ធ្វើជាដៃគូឈរឈ្មោះជាបេក្ខជនអនុប្រធានាធិបតី៕
កម្រងរូបភាព៖ អតីតអនុប្រធានាធិបតីលោក Joe Biden ធ្វើយុទ្ធនាការរកសំឡេងឈរឈ្មោះជាប្រធានាធិបតី
១
លោកអតីតអនុប្រធានាធីបតី Joe Biden ដែលជាបេក្ខជនប្រធានាធិបតីពីគណបក្សប្រជាធិបតេយ្យថ្លែងនៅវិទ្យាល័យ Alexis Dupont ក្នុងទីក្រុង Wilmington រដ្ឋ Delaware កាលពីថ្ងៃទី៣០ ខែមិថុនា ឆ្នាំ២០២០។
២
លោកអតីតអនុប្រធានាធីបតី Joe Biden ដែលរំពឹងថានឹងកា្លយជាបេក្ខជនប្រធានាធិបតីពីគណបក្សប្រជាធិបតេយ្យ ថ្លែងនៅពេលបង្ហាញខ្លួនរួមគ្នាជាលើកដំបូងកាលពីថ្ងៃ១២ ខែសីហា ឆ្នាំ២០២០ នៅ ក្រុង Wilmington រដ្ឋ Delaware ជាមួយលោកស្រី Kamala Harris សមាជិកព្រឹទ្ធសភានិងជាបេក្ខជនអនុប្រធានាធីបតីគណបក្សនេះដែលទើបត្រូវលោក Biden ជ្រើសរើស។
៣
លោកស្រី Kamala Harris សមាជិកព្រឹទ្ធសភានិងជាបេក្ខជនអនុប្រធានាធីបតីគណបក្សប្រជាធិបតេយ្យថ្លែងនៅក្នុងព្រឹត្តិការណ៍យុទ្ធនាការឃោសនាមួយក្នុងរដ្ឋ Delaware កាលពីថ្ងៃទី១២ ខែសីហា ឆ្នាំ២០២០។
៤
ស្ត្រីម្នាក់ដែលគាំទ្រលោកអតីតអនុប្រធានាធីបតី Joe Biden បេក្ខជនប្រធានាធិបតីពីគណបក្សប្រជាធិបតេយ្យ កាន់រូបលោកនៅពេលលោកថ្លែងក្នុងកម្មវិធីយុទ្ធនាការមួយកាលពីថ្ងៃទី២២ ខែកុម្ភៈឆ្នាំ២០២០ នៅទីក្រុង Las Vegas។
៥
ឯកសារ៖ លោកអតីតអនុប្រធានាធីបតី Joe Biden ដែលរំពឹងថានឹងកា្លយជាបេក្ខជនប្រធានាធិបតីពីគណបក្សប្រជាធិបតេយ្យ ថ្លែងនៅព្រឹត្តិការណ៍យុទ្ធនាការមួយនៅមជ្ឈមណ្ឌលសហគមន៍ William "Hicks" Anderson នៅក្នុងរដ្ឋ Delaware កាលពីថ្ងៃទី២៨ ខែកក្កដា ឆ្នាំ២០២០។
៦
លោកអតីតអនុប្រធានាធីបតី Joe Biden ដែលជាបេក្ខជនប្រធានាធិបតីពីគណបក្សប្រជាធិបតេយ្យ ពាក់ម៉ាក់មុខខណៈដែលលោកទស្សនាសង្វាក់ផលិតកម្មនៃរោងចក្រផលិតជណ្តើរនិងបង្កាន់ដៃលោហៈ នៅរដ្ឋ Pennsylvania កាលពីថ្ងៃទី៩ ខែកក្កដា ឆ្នាំ២០២០។
៧
នៅក្នុងរូបថតថ្ងៃទី២៥ ខែមិថុនា ឆ្នាំ២០២០ នេះ Joe Biden ដែលជាបេក្ខជនប្រធានាធិបតីពីគណបក្សប្រជាធិបតេយ្យ ជួបជាមួយក្រុមគ្រួសារនានាដើម្បីពិភាក្សាអំពីច្បាប់សុខភាព Affordable Care Act នៅរដ្ឋ Pennsylvania។
៨
លោកអតីតអនុប្រធានាធីបតី Joe Biden ដែលជាបេក្ខជនប្រធានាធិបតីពីគណបក្សប្រជាធិបតេយ្យត្រូវស្វាគមបន៍ដោយ លោកស្រី Kamala Harris សមាជិកព្រឹទ្ធសភា នៅទីក្រុង Detroit រដ្ឋ Michigan កាលពីថ្ងៃទី៩ ខែមីនា ឆ្នាំ២០២០។
