ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

អាជ្ញាធរ​ខេត្ត​រតនគិរី​ថា​មនុស្ស​១០​នាក់ ​មាន​ទាំង​កម្មករ​ចម្ការ​ចេក​ផង​ ស្លាប់​ដោយ​សារ​ពុល​ស្រា​


រូប​ឯកសារ៖ ចម្ការចេករបស់ក្រុមហ៊ុន​មួយ​នៅ​ខេត្តរតនគិរី កាល​ពី​ថ្ងៃ​ទី​១០ ខែ​តុលា ឆ្នាំ​២០២១។ (ស៊ុន ណារិន/វីអូអេ)

មន្ទីរ​ការងារ​ដែល​ទទួល​បន្ទុក​ចុះ​ស៊ើប​អង្កេត​ករណី​ស្លាប់​កម្មករ​ធ្វើ​ការ​នៅ​ចម្ការ​ចេក​មួយ ​ក្នុង​ខេត្ត​រតនគិរី ​បាន​ឲ្យ​ដឹង​ថា​ មនុស្ស​១០​នាក់ ​រួម​មាន​កម្មករ​៥​នាក់​ បាន​ស្លាប់ ​ដោយ​សារ​ពុល​ស្រា។​

នេះ​ជា​ករណី​ពុល​ស្រា ​ដែល​មាន​កម្មករ​ជា​ជន​រង​គ្រោះ​ស្លាប់​៥​នាក់ ​ដែល​ធ្វើ​ការ​នៅ​ក្រុមហ៊ុន​ដាំ​ចេក​ឈ្មោះ​ហ័ង អាញ អណ្តូង​មាស ​មាន​ទីតាំង​ស្ថិត​ក្នុង​ឃុំ​ស្រែ​អង្រង​ ស្រុក​កូន​មុំ ​ខេត្ត​រតនគិរី។​

មន្ទីរ​ការងារ​បញ្ជាក់​ក្នុង​សេចក្តី​ប្រកាស​ព័ត៌មាន​ចេញ​ផ្សាយ​នៅ​ថ្ងៃ​ចន្ទ​នេះ​ថា ​កាល​ពី​ថ្ងៃ​ទី​២៨ ​ខែ​មិថុនា ​មន្រ្តី​ជំនាញ​បាន​ចុះ​ទៅ​ត្រួត​ពិនិត្យ ​និង​ស្រាវជ្រាវ​រក​មូលហេតុ ​ដោយ​សហការ​ជាមួយ​សមត្ថកិច្ច ​និង​មន្ត្រី​សុខាភិបាល។​

មន្ទីរ​ការងារ​បញ្ជាក់​ថា៖​ «យោង​តាម​លទ្ធផល​ជា​ផ្លូវការ ​កាលពី​យប់​ថ្ងៃ​ទី​២ ​ខែ​កក្កដា​ ឆ្នាំ២០២៣​នេះ ​ត្រូវ​បាន​បញ្ជាក់​ដោយ​អង្គភាព​ជំនាញ​សុខាភិបាល​ថា ​ករណី​ដែល​បាន​កើត​ឡើង​ជា​បន្ត​បន្ទាប់​ខាង​លើ ​គឺ​ជា​ករណី​ពុល​ស្រា ​ដែល​ត្រូវ​បាន​ដាក់​លក់​នៅ​ទីតាំង​ក្បែរ​ក្រុមហ៊ុន»។​

គួរ​បញ្ជាក់​ថា ​កាល​ពី​ខែ​មិថុនា ​ឆ្នាំ​២០២៣ ​មាន​ករណី​ពុល​ស្រា​ស​ក្នុងស្រុក​ក្រគរ ​ខេត្ត​ពោធិ៍សាត់ ​ដែល​បណ្តាល​ឲ្យ​អ្នក​ភូមិ​ម្នាក់​ស្លាប់​ និង​២៧​នាក់​ទៀត​ត្រូវ​បាន​បញ្ជូន​ទៅ​ព្យាបាល​នៅ​មន្ទីរពេទ្យ៕

បទ​យក​ការណ៍​វីអូអ៖ ដក​ទំនប់​ចេញ​វិញ​ពី​ទន្លេ Klamath នៅ​អាមេរិក

ចូល​ទៅ​កាន់​ទំព័រ​ពិសេស​នៃ​បទ​យក​ការណ៍​ទាំង​៤​ភាគ
XS
SM
MD
LG