ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

កិច្ចប្រជុំ​កំពូល​ស្តី​ពី​អំពើ​ពុករលួយ៖ ប្រទេស​អ្នក​មាន​ក៏​មាន​កំហុស​ដែរ


លោក​នាយក​រដ្ឋ​មន្រ្តី​អង់គ្លេស David Cameron (រូប​ឆ្វេង) អង្គុយ​ក្បែរ​រដ្ឋ​មន្រ្តី​ការបរទេស​របស់​សហរដ្ឋ​អាមេរិក​ លោក John Kerry នៅ​អស់​លោក​ស្តាប់​កិច្ចពិភាក្សា​មួយ​នៅ​ក្នុង​កិច្ចប្រជុំ​កំពូល​ស្តី​ពី​អំពើ​ពុករលួយ​នៅ​ក្នុង​ក្រុង​ឡុងដ៍ កាលពី​ថ្ងៃទី១២ ខែឧសភា​ ឆ្នាំ២០១៦។
លោក​នាយក​រដ្ឋ​មន្រ្តី​អង់គ្លេស David Cameron (រូប​ឆ្វេង) អង្គុយ​ក្បែរ​រដ្ឋ​មន្រ្តី​ការបរទេស​របស់​សហរដ្ឋ​អាមេរិក​ លោក John Kerry នៅ​អស់​លោក​ស្តាប់​កិច្ចពិភាក្សា​មួយ​នៅ​ក្នុង​កិច្ចប្រជុំ​កំពូល​ស្តី​ពី​អំពើ​ពុករលួយ​នៅ​ក្នុង​ក្រុង​ឡុងដ៍ កាលពី​ថ្ងៃទី១២ ខែឧសភា​ ឆ្នាំ២០១៦។

លោក​រដ្ឋ​មន្រ្តី​ការ​បរទេស​សហរដ្ឋ​អាមេរិក John Kerry ប្រហែល​បាន​ទទួល​ការ​ស្តី​បន្ទោស​នៅ​ថ្ងៃ​ព្រហស្បតិ៍​នេះ​នៅ​ពេល​ដែល​លោក​អញ្ជើញ​ចូលរួម​សន្និសីទ​កំពូល​ប្រឆាំង​អំពើ​ពុក​រលួយ​ដែល​រៀប​ចំ​ឡើង​ដោយ​នាយក​រដ្ឋ​មន្រ្តី​អង់គ្លេស David Cameron នៅ​ក្នុង​ទីក្រុង​ឡុងដ៍។

លោក​នាយក​រដ្ឋ​មន្រ្តី​អង់គ្លេស Cameron បាន​និយាយ​នៅ​ក្នុង​សេចក្តី​ថ្លែងការណ៍​មួយ​នៅ​ពេល​ចាប់​ផ្តើម​សន្និសីទ​កំពូល​នៅ​ថ្ងៃ​ព្រហស្បតិ៍​នេះ​ថា «បីសាច​នៃ​អំពើ​ពុករលួយ ​បាន​ទៅ​ដល់​គ្រប់​ច្រក​ល្ហក​របស់​ពិភពលោក។ អំពើ​ពុករលួយ​ជា​បញ្ហា​បន្ទាន់​បំផុត​ដែល​យើង​ប្រឈម​ចាប់​តាំង​ពី​ភាព​មិន​ប្រាកដ​ប្រជា​ខាង​សេដ្ឋ​កិច្ចការ​រាល​ដាល​នៃ​ភាព​ក្រី​ក្រ រហូត​ដល់​ការ​គំរាម​កំហែង​នៃ​លទ្ធិ​ជ្រុល​និយម​នៅ​ពេល​បច្ចុប្បន្ន​នេះ‍»។

គោលបំណង​របស់​សន្និសីទ​កំពូល គឺ​បង្កើន​ចំណាត់ការ​ជា​សាកល​ដើម្បី​លាត​ត្រដាង ដាក់​ទណ្ឌកម្ម ​ហើយ​និង​កំចាត់​អំពើ​ពុករលួយ​គ្រប់​កម្រិត​ទាំងអស់​នៅ​ក្នុង​សង្គម​ហើយ​កំពុង​ឲ្យ​មាន​ការ​ចោទ​សួរ​ពី​ការ​ប្រតិបត្តិ​របស់​ប្រទេស​អ្នក​មាន​ដូចជា​ អង់គ្លេស​ និង​សហរដ្ឋ​អាមេរិក។

អ្នក​ដែល​ចូល​រួម​រួម​មាន​ក្រុម​មេដឹកនាំ​ប្រទេស​អាហ្វហ្គានីស្ថាន​ កូឡុំប៊ី​ និង​នីហ្សេរីយ៉ា។

នៅ​ក្នុង​កំណត់​សម្គាល់​ទៅ​កាន់​ក្រុម​និស្សិត​នៅ​សាកលវិទ្យាល័យ Oxford មុន​ពេល​សន្និសីទ​កំពូល ​លោក​រដ្ឋ​មន្រ្តី​ការ​បរទេស​សហរដ្ឋ​អាមេរិក Kerry បាន​មាន​ប្រសាសន៍​ថា ​សហរដ្ឋ​អាមេរិក កំពុង​ធ្វើ​ការ​ជាមួយ​ប្រទេស​នានា​ដូចជា​នីហ្សេរីយ៉ា​ដើម្បី​ប្រយុទ្ធ​ប្រឆាំង​អំពើ​ពុករលួយ។ លោក​រដ្ឋ​មន្រ្តី​ការបរទេស​អាមេរិក John Kerry ​មាន​ប្រសាសន៍​ទៀត​ថា «នីហ្សេរីយ៉ា​បាន​ឃើញ​ប្រាក់​រាប់​ពាន់​លាន​ដុល្លា​បាន​ត្រូវ​គេ​យក​ចេញ​ពី​ប្រទេស។ ប្រាក់​ទាំង​នោះ​សម្រាប់​សាលារៀន ​សម្រាប់​ការ​ថែទាំ​សុខភាព ​សម្រាប់​ហេដ្ឋារចនាសម្ព័ន្ធ ​ការងារ​ថ្មី ​បាន​ត្រូវ​គេ​នៅ​ក្នុង​ខ្ទង់​គណនី​ធនាគា​រទូទាំង​សាកលលោក‍»៕

XS
SM
MD
LG