ភ្ជាប់​ទៅ​គេហទំព័រ​ទាក់ទង

ជំនិត​ដៃ​ស្ដាំ​របស់​អូសាម៉ា​ប៊ិនឡាដិន​អាច​ឡើង​កាន់​តំ​ណែង​ជំនួស


អូសាម៉ាប៊ិនឡាដិន​(ឆ្វេង) អង្គុយ​ជា​មួយ ​Ayman al-Zawahri មេបញ្ជាការ​ទី​២​ និង​អ្នក​យុទ្ធសាស្ដ្រ​ថ្នាក់​ខ្ពស់​នៃ​ក្រុម​អាល់​កៃដា​ ថត​នៅ​ឆ្នាំ​២០០១​2001​។

ជំនិត​ដៃ​ស្ដាំ​របស់​ អូសាម៉ា ប៊ិនឡាដិន​ Ayman​ Zawahiri​ បាន​ត្រូវ​គេ​រំពឹង​ថា​នឹង​ឡើង​កាន់​តំណែង​ជំនួសមេដឹកនាំ​ក្រុម​ អាលកៃ​ដា​ដែល​ទើប​នឹង​ស្លាប់។​ នរណា​មួយ​ដែល​ដឹក​នាំ​បណ្ដាញ​ភេរវកម្ម​ អាល​កៃដា នឹងទទួល​ទម្ងន់ធ្ងន់ធ្ងរ​ហើយ​លំបាក​នឹង​ដើរ​តួនាទី​ជំនួស ប៊ិន ឡាដិន។

មរណភាព​របស់ ​ប៊ិនឡាដិន​បាន​បណ្ដាល​ឲ្យ​មាន​ពាក្យ​និយាយ​ស្មាន​អំពី​នរណា​ដែល​នឹង​ឡើង​ត្រួតត្រា​លើ​បណ្ដាញ​អាល​កៃដា ។ អ្នក​ដែល​គេ​ច្រើន​និយាយ​ឈ្មោះ​គឺ ​ជន​ អ៊ីស្លាមិស ​Ayman​ al Zawahri អ្នក​នាំ​ពាក្យ​ញឹក​ញាប់​របស់​ក្រុម​អាលកៃដា​ ដែល​អះ​អាង​ថា​គាត់​ជិត​ស្និទ្ធ​ជា​មួយ ​ប៊ិនឡាដិន។

«នៅ​ក្នុង​ខ្សែ​អាត់​ចាក់​ផ្សាយ​កាល​ពី​ខែ​កុម្ភៈ al Zawahri កត់​សំគាល់​ថា​ប៊ិនឡាដិន​បាន​តែង​តាំង​គាត់​ជា​អ្នក​ឲ្យឱវាទ​ដល់ ​ក្រុម​ Mujahideen ​អំពី​ច្បាប់​សង្គម​ហៅ ​ចរិយា»។

Zawahri​ ក៏​ជា​តំណាង​សម្លេង​នៃ​ក្រុម​និយម​ វោហារសាស្រ្ដ​ឆ្នើម​ប្រឆាំង​ស.រ.អ.​ដែរ។ រឿង​សំខាន់​បង្អស់​មួយ​ទឿត​ គឺ​គាត់​បាន​ត្រូវ​ចាត់​ទុក​ជា​ខួរ​ក្បាល​របស់​បណ្ដាញ​ភេរវកម្ម​ទទួល​ខុសត្រូវក្នុង​ការ​រៀបចំ​អំពើ​ឃោរ​ឃៅ​ល្បី​ឈ្មោះ​អាក្រក់​ខ្លាំង​រាប់​ទាំង​ការ​វាយ​ប្រហារ​នៃ​ឆ្នាំ​ ​២០០១​ មក​លើ​ស.រ.អ។

Mohamad ​Salah​ ជា​អ្នក​វិភាគ​នយោបាយ ​និង​ជា​អ្នកនិពន្ធកាសែត​ Hayat​ មាន​មូលដ្ឋាននៅ​ក្នុង​ទីក្រុង ​ឡុង ។

គាត់​និយាយ​ថា​ Zahawiri ​ជា​ស្ថាបនិក​ពិត​ប្រាកដ​របស់​ក្រុម ​អាល​កៃដា​ប្រកប​ទៅដោយ​ការ​ពិសោធន៍​ក្នុង​ការ​រៀប​ចំ​ក្រុម​ អ៊ិស្លាមីស​ នៅ​ក្នុង​ប្រទេស ​Egypt​ ហើយ​ជា​អ្នក​រៀប​ចំ​ឧត្ដមគតិ​និង​ហិរញ្ញវត្ថុ​ក្នុង​ថ្នាក់​ដឹក​នាំ​ប្រសើរ​ដូច​គ្នា​នឺង​ ប៊ីនឡាដិន​ដែរ។

មាន​វិជ្ជាជីវៈ​ ជាវេជ្ជបណ្ឌិត​វះកាត់​ Zawahri​ ដូច​ ប៊ិនឡា​ដិនដែរ​បាន​បោះ​បង់​ចោល​ជីវិត​ប្រណិត​របស់​ខ្លួន​ដើម្បី​លើក​ស្ទួយ​ឧត្ដម​គតិ​អ៊ីស្លាម​ស្អាតស្អំ។​ទាំង​ពីរ​បានស្គាល់​គ្នានៅ​ពេល​ប្រយុទ្ធ​ប្រឆាំង​អតីត​កង​កម្លាំង​សូវៀត​ក្នុង​ប្រទេស​ Afghanistan​ តែ​ឫស្ស​គល់​នៃ​ឧត្ដ​មគតិ​និយម​ជ្រុល​កើត​ឡើងតាំង​តែ​ពី​ពេល​កុមារភាព។

មិត្ដ​សម្លាញ់​អ៊ីស្លាមិស​ដូច​គ្នា​ដែល​ជាប់​ក្នុង​បន្ទប់​គុក​ជា​មួយ​គ្នា​ក្នុង​ប្រទេស​ Egypt ​ជា​មួយ​ Zawahri​ នៅ​ដើម​ទសវត្សរ៍​១៩៨០​បាន​នឺក​ឃើញ​ថា​គាត់​ជា​មនុស្ស​សមសួន​ជា​កវី​អាន​កំណាព្យ​ពូកែមិន​សម​ធ្វើ​ជា​មេដឹកនាំ​ភេរវ​ជន​ឡើយ។

Assem ​Abdel​ Maged​ និយាយ​ថា​ឥរិយាបថ​ខាង​ក្រៅ​ដូច្នោះ​អាច​នាំ​ឲ្យ​មាន​ការ​យល់​ច្រឡំ។

«គាត់​និយាយ​ថា​ទោះ​បី​ជា​គាត់​ចេះ​គោរព​ ហើយ​ស្លូត​ត្រង់​ក៏​ដោយ Zawahri ​មាន​ចិត្ដ​រឹង​មាំដែល​មិនមាន​នរណា​មួយ​អាច​ប្រឆាំង​ ឬ ប្ដូរ​ទស្សន:របស់​គាត់​បាន​ឡើយ។ ​ឥឡូវនេះ​គេ​មិន​ដឹង​ច្បាស់ ​ទីកន្លែង​គាត់​រស់​នៅ​ទេ»។

ប្រែសម្រួលដោយ អ៊ូ​ ធួក

XS
SM
MD
LG