ពួកអ្នកកាសែតអាហ្វ្រិកព្យាយាមវិភាគនិងពន្យល់ដោយលម្អិតអំពីការបោះឆ្នោតអាមេរិក
ពិភពលោកកំពុងក្រឡេកមើលសហរដ្ឋអាមេរិកប្រុងប្រៀបធ្វើការបោះឆ្នោតសំខាន់មួយសម្រាប់តំណែងប្រធានាធិបតី និងជ្រើសរើសអ្នកតំណាងរាប់ពាន់នាក់ទៀតនៅគ្រប់ជាន់ថ្នាក់។ នៅក្នុងប្រទេសអាហ្វ្រិកខាងត្បូងដែលមានលទ្ធិប្រជាធិបតេយ្យចាស់ទុំជាងគេក្នុងទ្វីបអាហ្វ្រិក ពលរដ្ឋកំពុងតាមដានហេតុការណ៍នេះដោយយកចិត្តទុកដាក់ ដោយមានជំនួយពីអ្នកកាសែតជើងចាស់មួយចំនួន ដែលប៉ុនប៉ងពន្យល់អំពីលក្ខណៈចម្លែក និងព្រឹត្តិការណ៍នៅក្នុងការបោះឆ្នោតជាប្រវត្តិសាស្ត្រនេះ។ អ្នកស្រី Anita Powell នៃវីអូអេរាយការណ៍ពីទីក្រុង Johannesburg ហើយលោក ឈឹម សុមេធ ជូនសេចក្តីប្រែសម្រួល៕
