ជនជាតិភូមា និងជនជាតិខ្មែរ តវ៉ានៅស្ថានកុងស៊ុលកម្ពុជាប្រឆាំងគម្រោងទស្សនកិច្ចរបស់លោក ហ៊ុន សែន ទៅមីយ៉ាន់ម៉ា
ពលរដ្ឋអាមេរិកាំងដើមកំណើតភូមា និងខ្មែរប្រមាណ១០នាក់ បាននាំគ្នាមកតវ៉ានៅស្ថានកុងស៊ុលកម្ពុជាដើម្បីប្រឆាំងគម្រោងទស្សនកិច្ចរបស់លោកនាយករដ្ឋមន្ត្រី ហ៊ុន សែន ទៅកាន់ប្រទេសមីយ៉ាន់ម៉ានាពេលខាងមុខ។ កាលពីថ្ងៃទី៨ ខែធ្នូ ឆ្នាំ២០២១ កន្លងទៅនេះ លោកនាយករដ្ឋមន្ត្រីកម្ពុជា បានថ្លែងថា លោកនឹងទៅបំពេញទស្សនកិច្ចនៅប្រទេសមីយ៉ាន់ម៉ា នៅខែមករា ឆ្នាំ២០២២ ដើម្បីព្យាយាមដោះស្រាយវិបត្តិនយោបាយនៅក្នុងប្រទេសសមាជិកអាស៊ាននេះ។ លោក ពិន ស៊ីសុវណ្ណ នៃវីអូអេ រាយការណ៍ពីទីក្រុង Lowell រដ្ឋ Massachusetts៕
