ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

អាមេរិកនិងកម្ពុជាការប្រយុទ្ធ នឹងទេសចរណ៍ផ្លូវភេទ ការជួញដូរមនុស្ស


ដើម្បីស្តាប់ព័ត៌មាននេះ

សហរដ្ឋអាមេរិកនិងប្រទេសកម្ពុជាបានព្រមព្រៀងគ្នាបង្កើតកិច្ចខិតខំប្រឹងប្រែង
ឱ្យកាន់តែខ្លាំងក្លាឡើងថែមទៀត ដើម្បីប្រយុទ្ធប្រឆាំងនឹងទេសចរណ៍ផ្លូវភេទនិង
ការជួញដូរមនុស្សនៅថ្ងៃច័ន្ទនេះ ដោយបង្ក្រាបជនល្មើសជាជនជាតិអាមេរិកាំង
ដែលរំលោភផ្លូវភេទលើកុមារ នៅក្នុងប្រទេសកម្ពុជា។

លោកJohn Morton ឧបការីក្រសួងសន្តិសុខមាតុភូមិសហរដ្ឋអាមេរិកបានថ្លែង
ប្រាប់សន្និសីទកាសែតនៅក្នុងស្ថានទូតសហរដ្ឋអាមេរិកក្នុងទីក្រុងភ្នំពេញថាជន
ជាតិអាមេរិកាំងចំនួន១៤នាក់កំពុងប្រឈមមុនឹងការចោទប្រកាន់នៅក្នុងសហ
រដ្ឋអាមេរិក អំពីបទឧក្រិដ្ឋផ្លូវភេទនៅក្នុងប្រទេសកម្ពុជា ជាពិសេសការរួមភេទ
ជាមួយកុមារកម្ពុជាមិនទាន់គ្រប់អាយុ បន្ទាប់ពីត្រូវបានចាប់ខ្លួននៅក្នុងប្រទេស
កម្ពុជា និងបានបញ្ជូនទៅសហរដ្ឋអាមេរិក។

លោកឧត្តមសេនីយ៍ផ្កាយមាស៤ នេត សារឿន អគ្គស្នងការប៉ូលិសជាតិ ហើយ
និងលោកJohn Morton ឧបការីក្រសួងសន្តិសុខមាតុភូមិសហរដ្ឋអាមេរិក បាន
ចុះហត្ថលេខាលើលិខិតប្រកាសគោលបំណងដែលត្រូវបានតាក់តែងឡើងសំដៅ
ពង្រឹងកិច្ចសហប្រតិបត្តិការដែលមានស្រាប់ និង បន្ថែមការបណ្តុះបណ្តាលការ
ស៊ើបអង្កេតការសម្របសម្រួល និងព័ត៌មានសម្ងាត់តាមលិខិតប្រកាសកិច្ចសហ
ប្រតិបត្តិការសម្រាប់ប្រយុទ្ធប្រឆាំងនឹងទេសចរណ៍ផ្លូវភេទ ការជួញដូរមនុស្សនិង
ឧក្រិដ្ឋកម្មដទៃទៀត បន្ទាប់ពីលោកJohn Mortonបានមកដល់ប្រទេសកម្ពុជា។

លោក John Morton បានថ្លែងថា លិខិតប្រកាសគោលបំណង ដែលយើងបាន
ចុះហត្ថលេខា នៅថ្ងៃនេះ បង្កើនការបណ្តុះបណ្តាលនិងបង្កើនកិច្ចសហប្រតិបត្តិ
ការទ្វេភាគីស្តីពីការស៊ើបអង្កេត និងការវិវឌ្ឍរយៈពេលយូរអង្វែងទាក់ទងជាមួយ
នឹងប្រភេទនៃឧក្រិដ្ឋកម្មទាំងនេះ។ យើងមានកិច្ចប្រជុំដ៏អស្ចារ្យជាមួយនឹងលោក
ឧត្តមសេនីយ៍ (នេត សាវឿន) ដើម្បីស្ថាបនានូវទំនាក់ទំនងដ៏ល្អប្រសើរ។

លោJohn Mortonបានបញ្ជាក់ថា យើងសប្បាយរីករាយមកកាន់ប្រទេសកម្ពុជា
និងពេញចិត្តបំផុត បន្តកិច្ចសហប្រតិបត្តិការដ៏អស្ចារ្យជាមួយប៉ូលិសជាតិកម្ពុជា
ក្នុងការប្រយុទ្ធប្រឆាំងនឹងឧក្រិដ្ឋកម្មផ្លូវភេទនេះ ហើយលោកគិតថា អនាគត គឺ
ល្អប្រពៃណាស់។

លោកJohn Mortonដែលបានមកដល់ប្រទេសកម្ពុជាថ្ងៃច័ន្ទបានជួបពិភាក្សា
ការងារជាមួយក្រុមមេដឹកនាំអង្គការមិនមែនរដ្ឋាភិបាលនៅក្នុងទីក្រុងភ្នំពេញនិង
គ្រោងធ្វើដំណើរទៅកាន់ខេត្តសៀមរាប នៅថ្ងៃអង្គារ ដើម្បីជួបពិភាក្សាមួយក្រុម
មន្ត្រីអន្តោប្រវេសន៍ និងបុរាណវត្ថុវិទ្យា មុននឹងចាកចេញពីប្រទេសកម្ពុជា។

លោកសំលៀង សីលា នាយកអង្គការសកម្មភាពដើម្បីកុមារបានបញ្ជាក់ថា នៅ
ក្នុងឆ្នាំ២០០៩ ចំនួនជនរងគ្រោះមានការថយចុះ ក៏ប៉ុន្តែចំនួនជនល្មើសមានការ
កើនឡើង ដោយក្នុងករណីមួយមានជនរងគ្រោះដល់៨នាក់ នៅក្នុងឆ្នាំ ២០០៨
ប៉ុន្តែនៅក្នុងឆ្នាំ២០០៩ យើងទទួលបានករណីច្រើន ប៉ុន្តែករណីមួយៗ មានជន
រងគ្រោះយ៉ាងច្រើនត្រឹម៣នាក់៕

អត្ថបទ​ទាក់ទង

XS
SM
MD
LG