សហរដ្ឋអាមេរិកនឹងបង្កើនការចូលរួម និងកិច្ចសហប្រតិបត្តិការជាមួយសមា-
គមន៍ប្រជាជាតិនៅក្នុងតំបន់អាស៊ីអគ្នេយ៍ ដែលហៅកាត់ថាអាស៊ាន ដែលនេះ
ជាឥរិយាបទមួយ ដែលនឹងអាចធ្វើឱ្យអាស៊ានមានសុទិដ្ឋិនិយមថែមមួយកម្រិត
ទៀត។ នេះគឺជាការអះអាងដោយលោកស្កត់ ម៉ាស៊ីយ៉ែល (Scot Marciel) អ-
គ្គរដ្ឋទូតសហរដ្ឋអាមេរិកទទួលបន្ទុកកិច្ចការអាស៊ាន នៅក្នុងសម្ភាសន៍ខ្លីមួយ
ជាមួយវីអូអេសម្លេងសហរដ្ឋអាមេរិកផ្នែកខេមរភាសា នៅឯពិធីបើកមជ្ឈមណ្ឌ-
លសិក្សាកិច្ចការអាស៊ានលើកទីមួយនៅសហរដ្ឋអាមេរិក ដែលត្រូវបានបង្កើត
ឡើងក្នុងសាលាសេវាអន្តរជាតិ នៃសាកលវិទ្យាល័យអាមេរិកាំង American
University ។ នេះគឺលោកស្កត់ ម៉ាស៊ីយ៉ែល មានប្រសាសន៍ថា៖
“អ្វីដែលយើងចង់បាននោះគឺភាពជាដៃគូដ៏ប្រសើរមួយ ភាពជាដៃគូជាមួយអា-
ស៊ានជាមួយនឹងប្រទេសទាំងអស់នៅក្នុងតំបន់អាស៊ីអគ្នេយ៍ ជាទីដែលយើង
អាចធើ្វការជាមួយគ្នាលើបញ្ហាជាច្រើនដោយរួមមាន ពាណិជ្ជកម្ម ការអភិវឌ្ឍ
សេដ្ឋកិច្ច សុខាភិបាល សន្តិសុខ ការគម្រាមកំហែងផ្នែកសន្តិសុខ និងការ
ផ្លាស់ប្តូរអាកាសធាតុ។ មានរឿងជាច្រើនដែលនឹងមានតម្លៃសម្រាប់សហរដ្ឋ
អាមេរិកធ្វើការជាមួយនឹងប្រទេសនានានៅក្នុងតំបន់អាស៊ីអគ្នេយ៍។ នោះគឺ
ជាអ្វី ដែលយើងកំពុងស្វែងរក និងចង់បានដៃគូដ៏ល្អមួយ” ។
លោក ស៊ូរិន ពិតស៊ុវ៉ាន (Surin Pitsuwan) អគ្គលេខាធិការអាស៊ានដែលជា
ភ្ញៀវកិត្តិយស នៅក្នុងពិធីបើកមជ្ឈមណ្ឌលសិក្សាកិច្ចការអាស៊ានបានថ្លែងថា
លោករីករាយនឹងទទួលស្វាគមន៍ ចំពោះការបង្កើនកិច្ចសហប្រតិបត្តិការរបស់
សហរដ្ឋអាមេរិកជាមួយនឹងអាស៊ាន។ លោក ស៊ូរិន ពិតស៊ុវ៉ាន បានថ្លែងប្រាប់
វី អូ អេ សម្លេងសហរដ្ឋអារិកផ្នែកខេមរភាសានៅក្រោយពិធីសម្ពោធមជ្ឈម-
ណ្ឌលយ៉ាងដូច្នេះថា៖
“សហរដ្ឋអាមេរិក គឺជាប្រទេសមហាអំណាចដ៏ធំមួយ ដែលមានធនធានយ៉ាង
ច្រើនសន្ធឹកសន្ធាប់ទាំងក្នុងវិស័យសន្តិសុខ ការអភិវឌ្ឍសេដ្ឋកិច្ច ការរីកចម្រើន
បច្ចេកវិទ្យាអប់រំ និងធនធានមនុស្ស។ ប្រសិនបើសហរដ្ឋអាមេរិកពិតជាចូលរួម
ជាមួយអាស៊ាន ខ្ញុំគិតថា វានឹងជាកម្លាំងជំរុញដ៏សំខាន់សម្រាប់អាស៊ីអគ្នេយ៍
អាស៊ាន និងតំបន់ទាំងមូល ពីព្រោះយើងកំពុងមានទំនាក់ទំនងជាមួយនឹងប្រ-
ទេសដែលមានសេដ្ឋកិច្ចធំៗដូចជា ចិន ជប៉ុន ឥណ្ឌា និងអូស្ត្រាលី។ ដូច្នេះវា
ជារឿងសំខាន់ណាស់សម្រាប់សហរដ្ឋអាមេរិក ដែលត្រឡប់ទៅចូលរួមជាមួ-
យយើងវិញ។ហើយយើងសូមទទួលស្វាគមន៍ការត្រឡប់ទៅចូលរួមវិញនេះ”។
កិច្ចសហប្រតិបត្តិការនេះ នឹងរឹតតែធ្វើឱ្យប្រសើរឡើងតាមរយៈការសិក្សាកិច្ច
ការអាស៊ាន ដែលការសិក្សានេះនឹងអាចធ្វើទៅបានតាមរយៈមជ្ឈមណ្ឌលសិ-
ក្សាដូចជាមជ្ឈមណ្ឌលសិក្សាអំពីកិច្ចការអាស៊ាន នៃសាកលវិទ្យាល័យអាមេ-
រិកាំងនេះ ។លោកអគ្គលេខាធិការអាស៊ាន ស៊ូរិន ពិតស៊ុវ៉ាន ថ្លែងថា មជ្ឈម-
ណ្ឌលនេះមានតួនាទីសំខាន់ក្នុងការជួយផ្សព្វផ្សាយអំពីការប្រឈមមុខ ស្នាដៃ
និងវិភាគទានទាំងឡាយ ដែលអង្គការមួយដូចជាអាស៊ាននេះ ផ្តល់ជូនក្នុងកិច្ច
សហប្រតិបត្តិការក្នុងតំបន់ និងសហគមន៍អន្តរជាតិ ។ លោកបន្តទៀតថា៖
"នេះ គឺជាការផ្តោតការយកចិត្តទុកដាក់ថ្មីមួយនៃផ្នែកបញ្ញាញាណ ដែលកើត
ឡើងនៅក្នុងតំបន់។ អាស៊ានគ្រាន់តែជាធាតុមួយនៃកិច្ចសហប្រតិបត្តិការក្នុង
តំបន់ប៉ុណ្ណោះ"។
លោកអគ្គរដ្ឋទូតស្កត់ ម៉ាស៊ីយ៉ែល ក៏បានមានប្រសាសន៍ផងដែរថា មជ្ឈមណ្ឌ-
លនេះ នឹងជួយសម្រួលច្រើនដល់កិច្ចសហប្រតិបត្តិការរវាងសហរដ្ឋអាមេរិក
និងអាស៊ាន និងបង្កើនការយល់ដឹងពីគ្នាទៅវិញទៅមកកាន់តែប្រសើរជាងមុន។
លោក ស្កត់ ម៉ាស៊ីយ៉ែល បន្តទៀតថា៖
“វាគឺជាឱកាសដ៏អស្ចារ្យមួយសម្រាប់ពលរដ្ឋអាមេរិកាំង ដែលមានមជ្ឈមណ្ឌល
មួយផ្តោតជាពិសេសទៅលើកិច្ចការអាស៊ាន គឺមិនគ្រាន់តែទៅលើកិច្ចការអាស៊ី
អគ្នេយ៍ទាំងមូលនោះទេ ។ ដូច្នេះ វាជាឱកាសដើម្បីបង្កើនកម្រិតនៃការសិក្សា
ស្រាវជ្រាវនៅក្នុងសហរដ្ឋអាមេរិកអំពីកិច្ចការអាស៊ាន និងបង្កើនការយល់ដឹង
អំពីកិច្ចការអាស៊ាន និងតួនាទីដែលកំពុងកើនឡើងរបស់អាស៊ាន ។
បណ្ឌិតល្វីស ហ្គូមែន (Louis Goodman) ព្រឹទ្ធបុរសនៃសាលាសេវាអន្តរ-
ជាតិនៃសាកលវិទ្យាល័យអាមេរិកាំងបានប្រាប់វីអូអេសម្លេងសហរដ្ឋអាមេរិក
ផ្នែកខេមរភាសាថា មូលហេតុដែលសាកលវិទ្យាល័យអាមេរិកាំងបើកមជ្ឈ-
មណ្ឌលសិក្សាអំពីកិច្ចការអាស៊ាន ពីព្រោះសាកលវិទ្យាល័យមើលឃើញតួ-
នាទីសំខាន់របស់អាស៊ាន សាកលវិទ្យាល័យមានសាស្រ្តាចារ្យ ដែលមានជំ-
នាញខាងផ្នែកអាស៊ាននេះស្រាប់ ហើយទីតាំងសាកលវិទ្យាល័យនៅក្នុងរដ្ឋ
ធានីវ៉ាស៊ីនតោន ដែលជាក្បាលម៉ាស៊ីននយោបាយរបស់សហរដ្ឋអាមេរិក។
លោកបន្តថា៖
“រដ្ឋាភិបាលក្រុងវ៉ាស៊ីនតោនគួរតែយល់អំពីធម្មជាតិនៃអង្គការអាស៊ាន និង
អង្គការអន្តរជាតិផ្សេងៗទៀត ។ វាទទួលជោគជ័យស្រេចទៅហើយ ហើយ
វានឹងទទួលជោគជ័យថែមទៀតនៅក្នុងសតវត្សរ៍ទី២១។ ដោយសារតែយើង
មានបុគ្គលិកសិក្សាដែលជាគ្រឹះនៃមជ្ឈមណ្ឌលសេ្រចទៅហើយ យើងយល់
ថា យើងគួរតែបង្កើតមជ្ឈមណ្ឌលនេះ ហើយជាកុសលល្អ លោកអគ្គលេខា
ធិការយល់ព្រមហើយគាត់មកទៅនេះថ្ងៃនេះ" ។
មជ្ឈមណ្ឌលសិក្សាអំពីកិច្ចការអាស៊ាន មានកម្មវធីសិក្សាជាច្រើនអំពីកិច្ចការ
អាស៊ាន និងអាស៊ីអគ្នេយ៍ ហើយនឹងធ្វើកិច្ចសហប្រតិបត្តិការជាមួយសាកល
វិទ្យាល័យនានានៅក្នុងតំបន់អាស៊ីអគ្នេយ៍ សំដៅលើកំពស់ការសិក្សាស្រាវ-
ជ្រាវអំពីតំបន់អាស៊ីអគ្នេយ៍ និងអាស៊ាន ៕