កាលពីថ្ងៃអាទិត្យទី១៩ ខែឧសភា ប្រធានាធិបតីអ៊ីរ៉ង់លោក Ebrahim Raisi បានទទួលមរណភាពនៅក្នុងគ្រោះថ្នាក់ធ្លាក់ឧទ្ធម្ភាគចក្រមួយនៅខេត្ត East Azerbaijan ដែលជាខេត្តមួយរបស់អ៊ីរ៉ង់។ មានការព្រួយបារម្ភកំពុងកើនឡើងក្នុងចំណោមមនុស្សមួយចំនួននៅក្នុងប្រទេសអ៊ីរ៉ង់ អំពីថាតើអ្នកណានឹងជំនួសតំណែងលោក Ebrahim Raisi ជាប្រធានាធិបតីនៃសាធារណរដ្ឋអ៊ីស្លាម។ អ៊ីរ៉ង់គ្រោងនឹងរៀបចំការបោះឆ្នោតនៅថ្ងៃទី២៨ ខែមិថុនា ដើម្បីជ្រើសរើសអ្នកស្នងតំណែងពីលោក Raisi។ លោក ម៉ែន គឹមសេង នៃវីអូអេ ពិនិត្យមើលស្នាដៃនិងការរិះគន់នានាលើការដឹកនាំរបស់លោក Raisi ក្នុងកម្មវិធីប្រភពច្បាស់ការណ៍៕