អាជ្ញាធរថៃបញ្ជូនសាកសពជនជាតិថៃដែលស្លាប់ក្នុងការឆេះកាស៊ីណូចូលប្រទេសខ្លួន

កាលពីអធ្រាត្រឈានចូលថ្ងៃសុក្រ ទី៣០ ខែធ្នូ ឆ្នាំ២០២២ អាជ្ញាធរថៃបានដឹកសាកសពដែលជាជនជាតិថៃចេញពីវត្តមួយនៅក្រុងប៉ោយប៉ែត ត្រឡប់ទៅប្រទេសខ្លួនវិញ។ សាកសពទាំងនោះមានជាង១០នាក់។ លោក សេក សុខុម អ្នកនាំពាក្យសាលាខេត្តបន្ទាយមានជ័យ ប្រាប់វីអូអេថាមនុស្ស១៩នាក់បានស្លាប់ ដែលមានចម្រុះជាតិសាសន៍ រួមទាំងជនជាតិខ្មែរផងដែរ និងរបួសប្រមាណ៦០ នាក់ គិតត្រឹមរសៀលថ្ងៃព្រហស្បតិ៍៕