ព័ត៌មានអំពីកម្ពុជាមាន ព្រះសង្ឃខ្មែរដែលអាជ្ញាធរថៃដោះលែង ចាកចេញទៅប្រទេសស្វីសដោយសារបារម្ភពីការបញ្ជូនមកកម្ពុជាវិញ។ មេដឹកនាំកម្ពុជា សរសើរភាពសកម្មរបស់អ្នកកាសែតពេលមានវិបត្តិកូវីដ១៩ ខណៈសង្គមស៊ីវិលទាមទារឲ្យពង្រីកលំហសេរីភាព។ កម្ពុជា ស្វាគមន៍ការប្តេជ្ញារបស់អាមេរិកនៅក្នុងការរក្សាសន្តិភាពតំបន់។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី«ការអនុវត្តសមាជជាតិឡើងវិញតាមរដ្ឋធម្មនុញ្ញកម្ពុជា»។ រីឯព័ត៌មានអន្តរជាតិវិញមានដូចជា មនុស្សរាប់សិបនាក់ បានស្លាប់ដោយសារខ្យល់គួច tornado ខុសរដូវនៅក្នុងសហរដ្ឋអាមេរិក។ រដ្ឋមន្ត្រីការបរទេសអាមេរិកលោក Antony Blinken ធ្វើទស្សនកិច្ចនៅប្រទេសឥណ្ឌូណេស៊ី ខណៈអាមេរិកស្វះស្វែងបង្កើនចំណងទាក់ទងជាមួយតំបន់អាស៊ីអាគ្នេយ៍។ ក្រុមប្រទេស G-7 ព្រមានរុស្ស៊ីចំពោះការបង្កើនកម្លាំងយោធានៅតាមបណ្តោយព្រំដែនជាមួយអ៊ុយក្រែន។ កូរ៉េខាងត្បូង កំពុងប្រឈមនឹងការឆ្លងរាលដាលជំងឺកូវីដ១៩ខ្លាំងក្លានិងព័ត៌មានផ្សេងៗទៀត៕
