ព័ត៌មានអំពីកម្ពុជាមាន លោក ហ៊ុន សែន ថា លោកនឹងធ្វើការជាមួយមេដឹកនាំយោធាមីយ៉ាន់ម៉ា ទោះមានការរិះគន់ក៏ដោយ។ លោក ហ៊ុន សែនថា កម្ពុជាកំពុងរៀបចំបង្កើតរោងចក្រផលិតវ៉ាក់សាំងការពារជំងឺកូវីដ ក្រោមការជួយរបស់ចិន។ ព្រះសពសម្តេចក្រុមព្រះ នរោត្តម រណឫទ្ធិ នឹងត្រូវបូជានៅថ្ងៃពុធសប្តាហ៍នេះ។ ការសោយទិវង្គតរបស់ព្រះអង្គម្ចាស់ នរោត្តម រណឫទ្ធិ ទុកឲ្យជីវិតគណបក្សរាជានិយមស្ថិតក្នុងស្ថានភាពកាន់តែមិនប្រាកដប្រជា។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី«ឱកាសនិងការស្គាល់ពីខ្លួនឯងជាគន្លឹះឆ្ពោះទៅរកភាពជាអ្នកដឹកនាំ»។ រីឯព័ត៌មានអន្តរជាតិវិញមាន របបយោធាមីយ៉ាន់ម៉ាកាត់ទោសអ្នកស្រី Suu Kyi ដាក់ពន្ធនាគារ ៤ ឆ្នាំ។ លោក Biden និងលោក Putin នឹងពិភាក្សាគ្នាអំពីវិបត្តិអ៊ុយក្រែននៅថ្ងៃអង្គារស្អែក។ អ៊ីស្រាអែលស្នើប្រទេសដែលចរចាកិច្ចព្រមព្រៀងនុយក្លេអ៊ែរជាមួយអ៊ីរ៉ង់ឲ្យប្រកាន់ជំហរម៉ឺងម៉ាត់៕
