ព័ត៌មានអំពីកម្ពុជាមាន សកម្មជន អំពាវនាវឲ្យតុលាការទម្លាក់បទចោទប្រកាន់ បន្ទាប់ពីត្រូវបានដោះលែង។ ក្រុមសហជីព ស្វះស្វែងជួបរដ្ឋមន្ត្រីក្រសួងការងារដើម្បីដោះស្រាយវិវាទក្នុងវិស័យទេសចរណ៍។ ពលរដ្ឋកម្ពុជាជាបន្តបន្ទាប់រីករាយទទួលយកវ៉ាក់សាំងបង្ការកូវីដដូសទី៣ ខណៈពលរដ្ឋនៅប្រទេសជឿនលឿនខ្លះ ប្រឆាំងការចាក់វ៉ាក់សាំង។ រីឯព័ត៌មានអន្តរជាតិវិញមាន ចំណុចសំខាន់ៗនៃជំនួបរវាងលោកប្រធានាធិបតី Biden និងលោក Xi Jinping។ កង្វល់អំពីអតិផរណា អាចរារាំងរបៀបវារៈគម្រោងចំណាយរបស់លោក Biden។ ក្រសួងការពារជាតិអាមេរិកថា ឧទ្ធម្ភាគចក្រកងនាវាអ៊ីរ៉ង់បានហោះជិតនាវា USS Essex របស់សហរដ្ឋអាមេរិក។ គុយបា បង្ក្រាបអ្នករៀបចំការតវ៉ាមុនការដង្ហែក្បួនដែលគ្រោងធ្វើឡើង។ តើភាពជាដៃគូដែលចិនគ្រោងធ្វើជាមួយអាស៊ាន ជាជំហានសំខាន់សម្រាប់ចិននៅក្នុងជម្លោះសមុទ្រចិនខាងត្បូងមែនទេ? ក្រុមអង្គការសង្គមស៊ីវិល៖ ប៉ូលិសកេនយ៉ាជាប់ពាក់ព័ន្ធនៅក្នុងការសម្លាប់មនុស្សមួយចំនួន តែកងកម្លាំងសន្តិសុខបដិសេធការចោទប្រកាន់នេះ និងព័ត៌មានផ្សេងទៀត៕
