ព័ត៌មានអំពីកម្ពុជាមានដូចជា បទសម្ភាសន៍ភាគទី១នៃបទសម្ភាសន៍ដែលមានពីរភាគជាមួយលោក ឆាំង យុ នាយកប្រតិបត្តិមជ្ឈមណ្ឌលឯកសារកម្ពុជាអំពីគម្រោងឧបត្ថម្ភដោយទីភ្នាក់ងារជំនួយអាមេរិក (USAID) ដើម្បីធ្វើឲ្យប្រសើរឡើងនូវស្ថានភាពសុខភាពរបស់អ្នករស់រានមានជីវិតពីរបបខ្មែរក្រហម។ អ្នកវិភាគ៖ កម្ពុជាត្រូវរក្សាស្ថិរភាពភូមិសាស្ត្រនយោបាយរបស់ខ្លួន ក្រោយពីជំនួបកំពូលវៀតណាម-កម្ពុជា-ឡាវ។ សម្រង់សង្ខេបពីកម្មវិធី Hello VOA អំពី «ទិដ្ឋភាពនយោបាយកម្ពុជា ក្នុងរយៈពេល៣០ឆ្នាំក្រោយពីចុះហត្ថលេខាលើកិច្ចព្រមព្រៀងទីក្រុងប៉ារីស និងទៅអនាគត»។ រីឯព័ត៌មានអន្តរជាតិមានដូចជា ម្ចាស់សត្វលានិងក្រុមតស៊ូមតិកេនយ៉ា ទាមទារឱ្យហាមឃាត់ជាអចិន្ត្រៃយ៍លើការសម្លាប់សត្វលា។ សហគ្រាសបង្កើតថ្មីមួយនៅបេណាំង ធ្វើកុំព្យូទ័រពីសំបកធុងប្លាស្ទិក និងលក់ក្នុងតម្លៃទាប។ ចិនសម្ពោធគម្រោងផ្លូវដែក ដែលជាផ្លូវពាណិជ្ជកម្មឆ្ពោះទៅកាន់មហាសមុទ្រឥណ្ឌាឆ្លងកាត់តាមមីយ៉ាន់ម៉ា៕
