ព័ត៌មានអំពីកម្ពុជាមានដូចជា អាជ្ញាធរស្ទាក់ស្ទើរក្នុងការបញ្ចេញព័ត៌មាននៃការចាក់ថ្មចូលទឹកទន្លេក្នុងភូមិសាស្រ្តអរិយក្សត្រ ខណៈពលរដ្ឋបារម្ភពីការបណ្តេញចេញ។ ការសម្រេចរបស់លោក ហ៊ុន សែន ឲ្យចិញ្ចឹមសត្វតោក្នុងផ្ទះរងទាំងការរិះគន់និងការសាទរ។ នៅក្នុងកម្មវិធី Hello VOA មានកិច្ចពិភាក្សាអំពី «ការយកឈ្នះលើរបាំងសង្គមដើម្បីពង្រឹងសមត្ថភាពយេនឌ័រ»។ រីឯព័ត៌មានអន្តរជាតិវិញមានដូចជា លោក Biden បើកសេតវិមានទទួលភ្ញៀវថ្ងៃបុណ្យឯករាជ្យជាតិថ្ងៃទី៤ ខែកក្កដា។ មនុស្សជាង១០០បាត់ខ្លួនបន្ទាប់ពីការបាក់ដីដ៏ធំនៅទីក្រុងរមណីយដ្ឋានជាប់មាត់សមុទ្រនៅជប៉ុន។ អ្នកជំងឺកូវីដ៦៣នាក់ស្លាប់ដោយសារខ្វះអុកស៊ីហ្សែននៅមន្ទីរពេទ្យប្រទេសឥណ្ឌូណេស៊ី។ យន្តហោះយោធាហ្វីលីពីនធ្លាក់ស្លាប់៥០នាក់ និងរបួស៤៩នាក់។ ប៉ាគីស្ថានចោទថាឥណ្ឌាបានធ្វើផែនការដាក់គ្រាប់បែក ប៉ុន្តែឥណ្ឌាមិនទាន់ឆ្លើយតប៕
