ព័ត៌មានអំពីកម្ពុជាមានដូចជា ដំណើរទស្សនកិច្ចរបស់អនុរដ្ឋមន្រ្តីការបរទេសអាមេរិកត្រូវបានជំរុញឲ្យលើកឡើងអំពីការស្តារលទ្ធិប្រជាធិបតេយ្យនិងការគោរពសិទ្ធិមនុស្សនៅកម្ពុជា។ បុរសពីរនាក់ត្រូវចោទប្រកាន់និងឃុំខ្លួនពាក់ព័ន្ធករណីពុលស្រាសនៅខេត្តកំពត។ ស្វាជាង៨០ក្បាលត្រូវបានពិនិត្យសុខភាព បន្ទាប់ពីប៉ូលិសថៃសង្គ្រោះពីឡានរត់ពន្ធ។ កម្មវិធី Hello VOA នៅក្នុងរាត្រីនេះ មានកិច្ចពិភាក្សាអំពី «ការបៀតបៀន និងផលប៉ះពាល់លើស្រ្តី»។ រីឯព័ត៌មានអន្តរជាតិវិញមានដូចជា ទីភ្នាក់ងារ IEA៖ ការឆ្ពោះទៅរកការបញ្ចេញឧស្ម័នកាបូនកម្រិតសូន្យនៅត្រឹមឆ្នាំ២០៥០គឺ «អាចទៅរួច ប៉ុន្តែមានការលំបាក»។ ប្រទេសចិនដាក់កំហិតការធ្វើដំណើរតាមខេត្ត បន្ទាប់ពីមានករណីផ្ទុះឆ្លងជំងឺកូវីដ១៩។ កិច្ចពិភាក្សាអាកាសធាតុធ្វើតាមអនឡាញឡើងវិញ ខណៈមានសម្ពាធកើនឡើងឲ្យចាត់វិធានការដោះស្រាយវិបត្តិនេះ។ លោក Biden គោរពវិញ្ញាណក្ខន្ធអ្នកដែលស្លាប់ក្នុងសង្គ្រាមនៅទិវាអតីតយុទ្ធជន។ យាយ Wong នៅហុងកុងត្រូវចាប់ខ្លួនពីបទតវ៉ាម្នាក់ឯងប្រឆាំងការបង្ក្រាបនៅទីធ្លា Tiananmen៕
