ព័ត៌មានអំពីកម្ពុជាមានដូចជា ពិធីការិនីម្នាក់ប្តឹងឧកញ៉ា ហេង សៀ ពីបទ«ប៉ុនប៉ងរំលោភសេពសន្ថវៈ»តបនឹងពាក្យបណ្តឹងរបស់ឧកញ៉ារូបនោះ។ មន្រ្តីសុខាភិបាលបន្តព្រមានអំពី«មហន្តរាយ»សុខាភិបាលសាធារណៈ ខណៈស្ថានភាពជំងឺកូវីដ១៩ ស្ថិតក្នុងស្ថានភាពគួរឲ្យព្រួយបារម្ភនៅឡើយ។ រីឯព័ត៌មានអន្តរជាតិវិញមានដូចជា អ្នកវិទ្យាសាស្ត្របន្តការសិក្សាដើម្បីបង្ការជំងឺរាតត្បាតថ្មីដូចវីរុសកូរ៉ូណា។ ក្រុម Hamas ថា ខ្លួនបាញ់រ៉ុក្កែត ១៣០គ្រាប់ចូលទីក្រុង Tel Aviv ប្រទេសអ៊ីស្រាអែល។ លោក Biden ប្រកាសវិធីថ្មីជួយពលរដ្ឋបន្ថែមទៀតឲ្យចាក់វ៉ាក់សាំងកូវីដ១៩។ ការសិក្សាលើបុគ្គលិកពេទ្យនៅឥណ្ឌូណេស៊ីរកឃើញថា វ៉ាក់សាំង Sinovac របស់ចិនមានប្រសិទ្ធភាព។ ចិនជំរុញឲ្យលុបចោលកិច្ចប្រជុំ អ.ស.ប. អំពីជាតិសាសន៍ Uyghurs។ គណបក្សសាធារណរដ្ឋនៃរដ្ឋសភានឹងបោះឆ្នោតដកលោកស្រី Liz Cheney ចេញពីតំណែងដឹកនាំក្នុងជួរគណបក្ស និងព័ត៌មានអន្តរជាតិសំខាន់ៗមួយចំនួនទៀត៕
