ព័ត៌មានអំពីកម្ពុជាមានដូចជា មនុស្សម្នាក់ទៀតស្លាប់ដោយសារកូវីដ១៩នៅកម្ពុជា ខណៈការឆ្លងនៅធ្ងន់ធ្ងរនៅឡើយ។ កម្ពុជា ថា អាមេរិកប្រកាន់យកតួនាទីគ្របដណ្តប់ជាការឆ្លើយតបនឹងរបាយការណ៍សិទ្ធិមនុស្ស។ អ្នកប្រើប្រាស់ Facebook កម្ពុជាជិត ៣ពាន់នាក់ស្ថិតក្នុងព្រឹត្តិការណ៍លេចធ្លាយទិន្នន័យ។ នៅក្នុងកម្មវិធី Hello VOA មានកិច្ចពិភាក្សាអំពី «នវានុវត្តន៍នៃសេដ្ឋកិច្ចឌីជីថលនៅអំឡុងកូវីដ១៩របស់សហគ្រិនស្រ្តីកម្ពុជា»។ រីឯព័ត៌មានអន្តរជាតិវិញមានដូចជា ប៊្រុយណេថា មេដឹកនាំអាស៊ាននឹងជួបពិភាក្សាគ្នាអំពីបញ្ហាមីយ៉ាន់ម៉ា។ មនុស្សស្លាប់ដោយសារជំនន់បាក់ដីនៅឥណ្ឌូនេស៊ីនិងទីម័រខាងកើតកើនដល់ជាង៩០ នាក់។ លោក Nguyen Xuan Phuc ស្បថចូលកាន់តំណែងជាប្រធានាធិបតីវៀតណាម។ ផលប៉ះពាល់បន្ទាប់ពីកាណាដាលុបចោលរដូវកាលជិះនាវាកម្សាន្តទៅរដ្ឋ Alaska រហូតដល់ឆ្នាំ ២០២២៕
