ព័ត៌មានអំពីកម្ពុជាមានដូចជា ក្រសួងសុខាភិបាលកំណត់ឲ្យពាក់ម៉ាស់ក្នុងរាជធានីភ្នំពេញនិងខេត្តចំនួន៤។ បណ្តាញសហគមន៍ព្រៃឡង់រិះគន់ទីភ្នាក់ងារអាមេរិក USAID និងបារម្ភពីការបន្តបាត់បង់ព្រៃ។ ក្រោយប្រតិកម្មពីម្ចាស់ជំនួយ រដ្ឋាភិបាលទម្លាក់ចោលគម្រោងអភិវឌ្ឍន៍ក្បែរតំបន់អង្គរ។ អ្នកវិភាគកិច្ចការតំបន់ថាលោក Biden នឹង កៀរគរសម្ព័ន្ធមិត្តខ្លាំងឡើងក្នុងរឿងរដ្ឋប្រហារនៅមីយ៉ាន់ម៉ា។ រីឯព័ត៌មានអន្តរជាតិវិញមានដូចជា លោក Biden អំពាវនាវឲ្យហាមឃាត់អាវុធស្វ័យប្រវត្តិ នៅក្រោយហេតុការណ៍បាញ់ប្រហារនៅរដ្ឋ Colorado។ មីយ៉ាន់ម៉ាដោះលែងបាតុករប្រឆាំងរដ្ឋប្រហារជាង ៦០០ នាក់។ កូរ៉េខាងជើងបាញ់សាកល្បងមីស៊ីលលើកដំបូងនៅឆ្នាំ ២០២១ នេះ។ មន្ត្រីអាមេរិកនៅម៉ិកស៊ិកប្រាប់ជនចំណាកស្រុកថា ព្រំដែនសហរដ្ឋអាមេរិកបានបិទហើយ។ ឥណ្ឌារាយការណ៍ពីការរកឃើញវីរុសកូវីដ១៩ ប្រភេទថ្មីបំផុតខុសពីប្រភេទមុនៗ។ អ្នកសរសេរblog ម្នាក់នៅសិង្ហបុរីត្រូវតុលាការបញ្ជាឲ្យសងជំងឺចិត្តនាយករដ្ឋមន្ត្រីជិត ១ សែនដុល្លារ ពីបទបរិហារកេរ្តិ៍ និងព័ត៌មានអន្តរជាតិសំខាន់ៗមួយចំនួនទៀត៕
