ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ព័ត៌មានពេលរាត្រី៖ ៥ មករា ២០២១


ព័ត៌មានពេលរាត្រី៖ ៥ មករា ២០២១
សូម​រង់ចាំ

No media source currently available

0:00 0:59:59 0:00
ទាញ​យក​ពី​តំណភ្ជាប់​ដើម

ព័ត៌មាន​អំពី​កម្ពុជា​មាន​ដូចជា អាជ្ញាធរ​ខេត្ត​​តាម​ព្រំដែន​ថា​ពលករ​ខ្មែរ​​ជាង​៥​ពាន់​នាក់​ចូល​មក​កម្ពុជា ខណៈ​មាន​ការ​ផ្ទុះ​ជំងឺ​កូវីដ​នៅ​ថៃ។ ចំណែក​ឯ​ព័ត៌មាន​អន្តរជាតិ​វិញ​មាន​ដូចជា ខ្មែរ​អាមេរិកាំង​នឹង​ចេញ​ទៅ​បោះឆ្នោត​ឲ្យ​មាន​តុល្យភាព​អំណាច​នៅ​ព្រឹទ្ធសភា។ ការ​រាប់​សន្លឹក​ឆ្នោត​អង្គ​បោះឆ្នោត​ចុងក្រោយ​ស្ថិត​ក្នុង​ដៃ​សភា​សហរដ្ឋអាមេរិក។ អត្ថបទ​ពន្យល់​អំពី​របៀប​ដែល​សភា​សហរដ្ឋ​អាមេរិក​រាប់​សន្លឹកឆ្នោត​របស់​អង្គ​បោះឆ្នោត។ ការ​បោះឆ្នោត​នៅ​រដ្ឋ Georgia នៅ​ថ្ងៃ​អង្គារ​នេះ នឹង​សម្រេច​ថា​តើ​គណបក្ស​ណា​នឹង​គ្រប់គ្រង​ព្រឹទ្ធសភា។ អភិបាល​រដ្ឋធានី​វ៉ាស៊ីនតោន​ស្នើ​ដាក់​ពង្រាយ​ទ័ព​ឆ្មាំ​ការពារ​ជាតិ មុន​បាតុកម្ម​គាំទ្រ​លោក Trump គ្រោង​ធ្វើ​ឡើង។ មន្ត្រី​ផ្នែក​អង្ករ​ថា វៀតណាម​ទិញ​អង្ករ​ពី​ឥណ្ឌា​ជា​លើក​ដំបូង​ក្នុង​រយៈពេល​រាប់​ទសវត្សរ៍​ចុងក្រោយ​នេះ។ មេបញ្ជាការ​អាមេរិក​ថា គ្មាន​សញ្ញា​ដែល​ថា​កូរ៉េ​ខាងជើង​ត្រៀម​សាកល្បង​អាវុធ មុន​ពេល​លោក Biden ស្បថ​ចូល​កាន់​តំណែង​ទេ។ ចក្រភព​អង់គ្លេស​បិទ​សកម្មភាព​សង្គម​ជាថ្មី​ដោយ​សារ​ជំងឺ​កូវីដ១៩។ សហរដ្ឋ​អាមេរិក​ដាក់​បម្រាម​លើ​ការ​នាំចូល​ផលិត​ប្រេង​ដូង​ម៉ាឡេស៊ី។ អ្នក​កាសែត​ប្រជាជន​ដែល​រាយការណ៍​ពី​ជំងឺ​កូវីដ១៩​ នៅ​ក្នុង​ប្រទេស​ចិន​ត្រូវ​បាន​កាត់​ទោស​ឱ្យ​ជាប់​ពន្ធនាគារ​៤ឆ្នាំ៕

XS
SM
MD
LG